بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.05.15 16:36 كەلۋ قاينارى : حالىق تورابى
«حالىق گازەتى»، 5 - ايدىڭ 14 - كۇنى، ۋحان. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 5 - ايدىڭ 14 - كۇنى تۇستەن كەيىن ۋحاندا 2025 - جىلعى دۇنيە جۇزىلىك سيفرلى وقۋ - اعارتۋ جينالىسىنىڭ اشىلۋ سالتىنا قاتىناستى ءارى ارناۋ ءسوز سويلەدى.
ديڭ شۋەشياڭ مىنالاردى ءبىلدىردى: جۇڭگو ۇكىمەتى سيفرلى وقۋ ـ اعارتۋدى دامىتۋعا ايرىقشا ءمان بەرەدى. ءتوراعا شي جينپيڭ بىلاي دەپ باسا دارىپتەدى: مەملەكەتتىڭ وقۋ ـ اعارتۋدى سيفرلاندىرۋ ستراتەگياسىن ىشكەرىلەي اتقارىپ، ۇيرەنۋگە ىنتالى قوعام قۇرىپ، ءتۇرلى تيپتەگى، ءار جىكتەگى دارىندىلاردىڭ باسەكەلەسە جارىققا شىعۋىن ىلگەرىلەتۋ كەرەك. جۇڭگو وقۋ ـ اعارتۋدا قۋاتتى ەل قۇرۋدى جەدەلدەتىپ، وقۋ ـ اعارتۋدىڭ تيپىن وزگەرتىپ، دارەجەسىن جوعارىلاتۋدى ۇزدىكسىز ىلگەرىلەتىپ، اناعۇرلىم ءادىل، اناعۇرلىم ساپالى، اناعۇرلىم پاراساتتى، جالپى حالىقتىڭ ءومىر بويى ۇيرەنۋىنە قىزمەت وتەيتىن وسى زامانعى سيفرلى وقۋ ـ اعارتۋ جۇيەسىن ورناتىپ جانە كەمەلدەندىرىپ، وقۋ ـ اعارتۋدىڭ جاپپاي سوتسياليستىك وسىزاماندانعان مەملەكەت قۇرۋداعى نەگىزدىك، ستراتەگيالىق تىرەكتىك رولىن اناعۇرلىم ويداعىداي ساۋلەلەندىرەدى.
ديڭ شۋەشياڭ بىلاي دەپ اتاپ كورسەتتى: سيفرلى تەحنيكا بۇرىن ـ سوڭدى بولماعان قارقىنمەن جانە تاسىلمەن وقۋ ـ اعارتۋمەن توعىسۋدا، زەردەلى داۋىردەگى وقۋ ـ اعارتۋدىڭ دامۋ تامىرىن يگەرىپ، سيفرلى وقۋ ـ اعارتۋدىڭ حالىقارالىق سەلبەستىگىن تەرەڭدەتىپ، «دۇنيە جۇزىلىك سيفرلى شارتتى» جەدەل تياناقتاندىرىپ، بىرلەسكەن مەملەكەتتەر ۇيىمىنىڭ 2030 ـ جىلعا دەيىنگى باياندى دامۋ نىساناسىن جۇزەگە اسىرۋدى ىلگەرىلەتۋ كەرەك. ول مىناداي 4 ءتۇرلى ۇسىنىستى ورتاعا قويدى: ءبىرىنشى، جوعارى دەڭگەيدەگى سيفرلى وقۋ ـ اعارتۋدىڭ حالىقارالىق اشىق سەلبەستىك جۇيەسىن قول ۇستاسا قۇرىپ، ءار ەلدىڭ سيفرلى وقۋ ـ اعارتۋ ستراتەگياسى مەن ساياساتتىق قارىم ـ قاتىناسىن كۇشەيتىپ، جان ـ جاقتى، كەڭ سالالى، كوپ ساتىلى اۋىس ـ كۇيىس پەن سەلبەستىكتى ىلگەرىلەتىپ، دۇنيە جۇزىلىك سيفرلى وقۋ ـ اعارتۋ وداعى مۇشەلەرىنىڭ كولەمىن ۇزدىكسىز كەڭەيتىپ، سيفرلى وقۋ - اعارتۋدىڭ حالىقارالىق سەلبەستىگىنىڭ جاڭا جاعدايىن جەدەل قالىپتاستىرۋ كەرەك. ەكىنشى، سيفرلى تەحنيكا ارقىلى وقۋ ـ اعارتۋدىڭ تيپىن وزگەرتىپ، دارەجەسىن جوعارىلاتۋدى قول ۇستاسا ىلگەرىلەتىپ، قاينار كوزىن اشۋ، سەلبەسىپ جاڭالىق اشۋ سىندى زەرتتەۋ ـ اشۋ ەكولوگياسىن كەمەلدەندىرىپ، سيفرلى وقۋ ـ اعارتۋدىڭ جالپىلىق تەحنيكاسىنان بىرلەسىپ قامال الۋدى كۇشەيتىپ، وقۋ ـ اعارتۋ سالاسىنداعى ارناۋلى ءىرى مودەلدى بىرگە اشىپ، تۇرلىشە قاجەتتى قاناعاتتاندىراتىن سيفرلى وقۋ ـ اعارتۋ قىزمەت وتەۋى مەن ونىمدەرىن اناعۇرلىم كوپ شىعارۋ كەرەك. ءۇشىنشى، سيفرلى وقۋ ـ اعارتۋ جەتىستىكتەرىنەن بىرگە يگىلىكتەنۋدى قول ۇستاسا ىلگەرىلەتىپ، سيفرلى نەگىزدىك قۇرىلعىلار جاعىنداعى ۇلاستىرۋ - تۇتاستىرۋدى ىلگەرىلەتىپ، سيفرلى وقۋ ـ اعارتۋدىڭ جارامدىلىعىن جوعارىلاتىپ، وركەندەپ كەلە جاتقان ەلدەردىڭ وقۋ ـ اعارتۋدى سيفرلاندىرۋىنا كومەكتەسىپ، دارىندىلاردى تاربيەلەۋ مەن تەحنيكالىق قولداۋدى كۇشەيتىپ، سيفرلى وقۋ ـ اعارتۋدىڭ دامۋ پارقىنا ۇيلەسۋ كەرەك. ءتورتىنشى، سيفرلى وقۋ ـ اعارتۋدىڭ ەتيكالىق حاۋىپسىزدىگىن قامتاماسىز ەتۋدى قول ۇستاسا بەكەمدەپ، عىلىم ـ تەحنيكادا ىزگىلىككە تالپىنۋعا تاباندى بولىپ، سيفرلى وقۋ ـ اعارتۋدى جونگە سالۋدى كۇشەيتىپ، زەردەلى وقۋ ـ اعارتۋ ونىمدەرىن، قۇرالدارىن، قىزمەت وتەۋىن باقىلاۋ ـ باسقارۋدى كۇشەيتىپ، سيفرلى وقۋ ـ اعارتۋدىڭ جۇيەلى، ءتارتىپتى دامۋىنا كەپىلدىك ەتۋ كەرەك.
كامبودجانىڭ باس ءۋازىرىنىڭ ورىنباسارى، قوسىمشا وقۋ ـ اعارتۋ، جاستار جانە دەنە تاربيە مينيسترلىگىنىڭ ءۋازىرى حانچۇننارو اشىلۋ سالتىنا قاتىناستى ءارى ارناۋ ءسوز سويلەدى.
اشىلۋ سالتىنان بۇرىن ديڭ شۋەشياڭ وقۋ ـ اعارتۋدىڭ سيفرلاندىرىلعان جەتىستىكتەر كورمەسىن ەكسكۋرسيالاپ، كورمەگە قاتىناسقان ورىنداردىڭ جاۋاپتىلارىمەن پىكىر اۋىستىردى.
2025 - جىلعى دۇنيە جۇزىلىك سيفرلى وقۋ - اعارتۋ جينالىسى ”وقۋ - اعارتۋدىڭ دامۋى جانە وزگەرىسى: زەردەلى ءداۋىردى“ نەگىزگى تاقىرىپ ەتتى. جۇڭگو مەن شەتەلدىڭ ۇكىمەت ءمانساپتىلارىنان، قاتىستى حالىقارالىق ۇيىمداردىڭ جاۋاپتىلارىنان، جوعارى، ورتا، باستاۋىش مەكتەپتەردىڭ ۋاكىلدەرىنەن، سونداي ـ اق مامان ـ وقىمىستىلاردان 600 دەن استام ادام اشىلۋ سالتىنا قاتىناستى.
