حان جىڭ چيليدىڭ زۇڭتۇڭى بوريچپەن كەزدەستى

«حالىق گازەتى»، 5 - ايدىڭ 14 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 5 - ايدىڭ 14 - كۇنى بەيجيڭدە چيليدىڭ زۇڭتۇڭى بوريچپەن كەزدەستى.

حان جىڭ مىنالاردى ءبىلدىردى: بيىل − جۇڭگو مەن چيليدىڭ ديپلوماتيالىق قارىم - قاتىناس ورناتقاندىعىنىڭ 55 جىلدىعى جانە ەركىن ساۋدا كەلىسىمىنە قول قويىلعاندىعىنىڭ 20 جىلدىعى. ديپلوماتيالىق قارىم - قاتىناس ورناتقان جارتى عاسىردان استام ۋاقىتتان بەرى ەكى ەل قارىم - قاتىناسى تاماشا دامۋ جاعدايىن ساقتاپ، لاتىن امەريكاسى مەن كارايب ەلدەرىنىڭ الدىڭعى لەگىندە ۇزاق ۋاقىت ءجۇردى. ءتوراعا شي جينپيڭ سىزبەن تابىستى كەڭەس وتكىزىپ، جۇڭگو ـ چيلي قارىم - قاتىناسىنىڭ دامۋىنا پارمەندى قوزعاۋشى كۇش قوستى. جۇڭگو جاق چيلي جاقپەن بىرگە ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ساياسي سەنىمدىلىكتى ۇزدىكسىز بەكەمدەپ، ناقتى سەلبەستىكتى ۇزدىكسىز تەرەڭدەتىپ، كوپ جاقتى ستراتەگيالىق سەلبەستىكتى كۇشەيتىپ، جۇڭگو مەن چيليدىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتىپ، جۇڭگو مەن لاتىن امەريكاسىنىڭ تاعدىرلاس ورتاق تۇلعاسىن قۇرۋعا تىڭ ۇلەس قوسۋدى قالايدى.

بوريچ مىنانى ءبىلدىردى: چيلي - جۇڭگو قارى - قاتىناسىنىڭ بولاشاعى نۇرلى. چيلي جاق ”ءبىر بەلدەۋ، ءبىر جولدى“ بىرگە قۇرۋعا بەلسەنە ات سالىسىپ، جۇڭگو جاقپەن ەكونوميكا، مادەنيەت، قوعام، عىلىم - تەحنيكا سياقتى سالالارداعى ناقتى سەلبەستىكتى كۇشەيتىپ، كليمات وزگەرىسىنە بىرگە توتەپ بەرىپ، كوپ جاقتىلىقتى جانە دۇنيە ءجۇزىنىڭ بەيبىتشىلىگىن قورعاۋدى قالايدى.