سەنىمدى بەكەمدەپ، جوعارى ساپالى دامۋدى، جوعارى ءونىمدى جونگە سالۋدى ىلگەرىلەتەمىز

5 - ايدىڭ 19 - كۇنىنەن 20 - كۇنىنە دەيىن باس شۋجي شي جينپيڭ حىناندا قىزمەت تەكسەردى ءارى ماڭىزدى ءسوز سويلەدى. باس شۋجي شي جينپيڭنىڭ ماڭىزدى ءسوزى جۇرت كوڭىلىن جەلپىندىرىپ، كۇش - قۋاتتى ۇيىستىرىپ، قالىڭ كادرلار مەن بۇقارانى ەرلىكپەن العا ۇمتىلىپ، ءورىس اشا العا ىلگەرىلەۋگە ىنتالاندىردى. كوپشىلىك مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، رەفورما جاساپ، ەسىك اشۋدى جاپپاي تەرەڭدەتىپ، وسىزاماندانعان كاسىپ سالاسى جۇيەسىن كۇش سالا قۇرىپ، حالىق تۇرمىسىن كۇش سالا جاقسارتىپ، قوعامدى جونگە سالۋدى كۇشەيتىپ، ەكولوگيالىق ورتانى قورعاۋدى كۇش سالا نىعايتىپ، مادەنيەتتىڭ گۇلدەنىپ - كوركەيۋىن كۇش سالا ىلگەرىلەتىپ، جوعارى ساپالى دامۋ مەن جوعارى ءونىمدى جونگە سالۋ ارقىلى جۇڭگو ۇلگىسىندەگى وسىزامانداندىرۋدىڭ تىڭ داستانىن قۇلشىنا جازامىز.

جوعارى ساپالى دامۋ ارقىلى ءتۇرلى تۇراقسىزدىققا توتەپ بەرەمىز

باس شۋجي شي جينپيڭ بىلاي دەپ اتاپ كورسەتتى: ”كۇردەلى سىرتقى ورتا الدىندا، سەنىمدى بەكەمدەپ، ءوز ءىسىمىزدى تاباندىلىقپەن ويداعىداي ىستەپ، جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتۋ كەرەك“.

”ءبىز دۇنيە جۇزىلىك دەڭگەيدەگى زات اينالىمى تورابىن جەدەل قۇرىپ، جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋدەمىز“. باس شۋجي شي جينپيڭنىڭ ماڭىزدى ءسوزىن مۇقيات ۇيرەنگەن حىنان جىڭجوۋ اۆياتسيا پورتى رايونى پارتيا قىزمەتى كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى تيان حايتاۋدىڭ سەنىمى ەسەلەپ ارتتى، ول بىلاي دەدى: ”جوعارى ساپالى دامۋدىڭ تۇراقتىلىعى ارقىلى ءتۇرلى تۇراقسىزدىققا توتەپ بەرىپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش قوسامىز“.

عىلىم - تەحنيكادا جاڭالىق اشۋدى جەتەكشى ەتكەن لوياڭ قازانشىق توبى شەكتى جارنا سەرىكتەستىگى جاڭا ەنەرگيالى اۆتوموبيل قازانشىعى سياقتى جاڭا جارىس جولىندا كۇش سالا جۇگىرۋدە. ”باس شۋجي شي جينپيڭ ءبىزدى تەحنيكالىق قامال الۋدى بارىنشا كۇشەيتىپ، دەربەس جاڭالىق اشا دامۋ جولىمەن جۇرۋگە شابىتتاندىردى“. وسى توپتىڭ تەحنيكالىق ينجەنەرى ياڭ فۋيۇن مىنانى ءبىلدىردى: ”ءبىز قوجايىندىق رۋحتى ساۋلەلەندىرىپ، قايراتتانا ءىس تىندىرىپ، كوبىرەك ۇلەس قوسىپ، اناعۇرلىم كوپ بىرەگەي ونىمدەردى جارىققا شىعارۋىمىز كەرەك“.

عىلىم - تەحنيكادا جاڭالىق اشۋ وسى زامانعى جاساۋ كاسىبىنە دەم بەرۋمەن بىرگە، مادەني مۇرالاردى قورعاۋعا دا دەم بەرەدى. ”جاڭا ماتەريالداردى، جاڭا تەحنيكالاردى قولدانۋ لۇڭمىن تاس ۇڭگىرىن قۇتقارۋ سيپاتتى قورعاۋدان ساقتانۋ سيپاتتى قورعاۋعا دەيىنگى ماڭىزدى بۇرىلىستى جۇزەگە اسىردى“. لۇڭمىن تاس ۇڭگىرى زەرتتەۋ ورنىنىڭ زەرتتەرمەنى ما چاۋلۇڭ بولاشاققا زور ءۇمىت ارتىپ وتىر، ”ءبىز، ءسوز جوق، باس شۋجي شي جينپيڭنىڭ ماڭىزدى تاپسىرماسىن ورىنداپ، لۇڭمىن تاس ۇڭگىرىن ويداعىداي قورعايمىز، جالعاستىرامىز، تاراتامىز“.

تىزبەكتى ۇزارتۋعا، تىزبەكتى نىعايتۋعا كۇش سالدى، انحۇي ولكەسى لينچۋان اۋدانىنىڭ استىق، ماي تۇتاس كاسىپ سالاسى تىزبەگىنىڭ ءونىم قۇنى 2024 - جىلى 5 ميلليارد 780 ميلليون يۋانعا جەتتى. لينچۋان اۋداندىق اۋىل شارۋاشىلىعى، اۋىل - قىستاق مەكەمەسىنىڭ باستىعى سۇن جيە بىلاي دەدى: ”باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرۋدا ءبىز ەگىستىك جەردى قورعاۋدى جانە گۇلدەندىرۋدى اناعۇرلىم كۇشەيتىپ، استىق حاۋىپسىزدىگى جاۋاپكەرشىلىگىن ارقالاپ، وسى زامانعى اۋىل شارۋاشىلىعى كاسىپ سالاسى تىزبەگىن ۇزارتىپ، اۋىل شارۋاشىلىعىنىڭ ونىمدىلىگىن ارتتىرۋدى، اۋىل - قىستاقتىڭ ومىرشەڭدىك كۇشىن ارتتىرۋدى، شارۋالاردىڭ كىرىسىن ارتتىرۋدى اناعۇرلىم ويداعىداي ىلگەرىلەتەمىز“.

جاز باسىنداعى نيڭشيادا حۋاڭحى سۋى يرەلەڭدەپ اعىپ جاتىر. باياندى جونگە سالۋ ارقىلى قازىر حۋاڭحى وزەنىنىڭ نەگىزگى اعىسى نيڭشيادا جىل بويى 2 - تۇردەگى ساپالى سۋ ورەسىن ساقتادى. ”ءبىز حۋاڭحى وزەنى الابىنىڭ ەكولوگياسىن قورعاۋدا جانە جوعارى ساپالى دامۋدا الدىمەن اتقاراتىن رايون قۇرىلىسىن جەتەكشى ەتىپ، ەكولوگيالىق قالتقىنى بەكەمدەپ، حۋاڭحى وزەنىنىڭ اقاۋسىز، تىنىش بولۋىن قورعايمىز“ دەدى نيڭشيا حۇيزۋ اۆتونوميالى رايوندىق ەكولوگيالىق ورتا مەڭگەرمەسىنىڭ باستىعى پيڭ شۋەجى.

قوعامدىق جونگە سالۋدى تىڭعىلىقتى كۇشەيتەمىز

جاڭا ەكونوميكالىق ۇيىم، جاڭا قوعامدىق ۇيىم، جاڭا جۇمىستانعان قاۋىم − ەكونوميكالىق، قوعامدىق دامۋدىڭ ماڭىزدى تۇلعاسى ءارى نەگىزگى ساتى پارتيا قۇرىلىسىنىڭ ماڭىزدى شەبى.

”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭادان گۇلدەنگەن سالالاردىڭ ءىس جۇزىندىگىمەن تىعىز بايلانىستىرىپ، ۇيىمدىق قۇرىلىس، جاڭالىق اشۋ قيمىلى، قىزمەت وتەۋدى تەرەڭدەتۋ سياقتى جاقتاردا نىساناعا قاراي كۇش سالىپ، جاڭادان گۇلدەنگەن سالالارداعى پارتيا قۇرىلىسىنىڭ ساپاسىن ۇزدىكسىز جوعارىلاتامىز“. سىچۋان ميشان قالالىق پارتكوم قوعامدىق قىزمەت ءبولىمى باستىعىنىڭ ورىنباسارى چۇي بو بىلاي دەدى: كەلەسى قادامدا نازاردى جوعارى ساپالى پارتيا قۇرىلىسىنا شوعىرلاندىرىپ، جوعارى ساپالى دامۋعا جەتەكشىلىك ەتىپ، جاڭادان گۇلدەنگەن سالالارداعى پارتيا ۇيىمدارىنىڭ رولىن ساۋلەلەندىرۋ ارناسىن كەڭەيتىپ، بىرگە قۇرۋ، بىرگە جونگە سالۋ، بىرگە يگىلىكتەنۋ ۇستانىمىن امالياتتا ايگىلەپ، ءار جاقتى قوعامدىق جونگە سالۋعا بەلسەنە ات سالىسۋعا جەتەكتەيمىز.

نيڭشيانىڭ تۇڭشين اۋدانىندا كوپتەگەن تاراۋ قوعام اماندىعىن جان - جاقتى جونگە سالۋ ورتالىعىنا بارىپ سەلبەسىپ قىزمەت ىستەپ، قايشىلىقتار مەن داۋ - شاردى كوپ نەگىزدەندىرىپ شەشۋ بىرىككەن كۇش قالىپتاستىردى. بيىل جىل باسىنان بەرى اۋدان، اۋىل ەكى دارەجەلى قوعام اماندىعىن جان - جاقتى جونگە سالۋ ورتالىعى 1191 قايشىلىق پەن داۋ - شاردى قابىلداپ، 1160 ىن شەشىپ، شەشۋ شاماسىن %97.4 كە جەتكىزدى. ”باس شۋجي شي جينپيڭنىڭ ماڭىزدى ءسوزى بىزگە العا باسۋ بەتالىسىن كورسەتتى، ءبىز ءبىر تۇتاس جوسپارلاپ سايكەستىرۋدى اناعۇرلىم كۇشەيتىپ، قوعامدىق جونگە سالۋدى تىڭعىلىقتى كۇشەيتىپ، قوعامدىق جونگە سالۋ قىزمەتتەرىنىڭ بويلىق باعىتتا تۇبىنە جەتۋىنە، ەندىك باعىتتا شەتىنە جەتۋىنە شىنايى كەپىلدىك ەتەمىز“ دەدى تۇڭشين اۋداندىق پارتكوم شۋجيىنىڭ ورىنباسارى، ساياسي - زاڭ كوميتەتىنىڭ شۋجيى سۇڭ جيجۇڭ.

باس شۋجي شي جينپيڭ بىلاي دەپ باسا دارىپتەدى: ”ادال، سەنىمدى بولۋ قۇن جەتەكشىلىگىن كۇشەيتىپ، ۇكىمەتتىڭ، كاسىپورىننىڭ، قوعامنىڭ سەنىمدىلىك دەڭگەيىن جوعارىلاتۋ كەرەك“.

”فۋجيان ولكەسى نازاردى اكىمشىلىك سەنىمدىلىككە، ساۋدا سەنىمدىلىگىنە، قوعامدىق سەنىمدىلىككە، ءادىليانىڭ الەۋمەتتىك سەنىمدىلىگىنە جانە جەكەلەردىڭ سەنىمدىلىگىنە شوعىرلاندىرىپ، قوعامدىق سەنىمدىلىك جۇيەسىن ورناتىپ جانە كەمەلدەندىرىپ، ادال، سەنىمدى تاماشا راي قالىپتاستىردى“. فۋجيان ولكەلىك دامۋ جانە رەفورما كوميتەتىنىڭ مەڭگەرۋشىسى مىڭ چيان بىلاي دەپ تانىستىردى: بۇكىل ولكەنىڭ سەنىمدىلىك جۇيەسى قۇرىلىسىن كۇشەيتۋدىڭ 3 جىلدىق ارەكەت جوباسى جەدەل اقىلداسىپ جاسالۋدا.

بيىل جىل باسىنان بەرگى جاۋىن - شاشىننىڭ بۇرىنعىدان از بولۋ جاعدايىنا باعىتتاي وتىرىپ، انحۇي ولكەسى 5 - ايدىڭ 15 - كۇنىنە دەيىن چاڭجياڭ - حۋايحى ينجەنەرياسى سياقتى سۋ يگىلىگى ينجەنەريالارىنان پايدالانىپ، ءوڭىر اتتاپ ءبىر ميلليارد 164 ميلليون تەكشەمەتر سۋ جەتكىزىپ، كوپ جەردىڭ قۋاڭشىلىق جاعدايىن ءونىمدى تۇردە باسەڭدەتتى.

”ءبىز سۋ يگىلىگى سياقتى تاراۋلارمەن تىعىز سايكەسىپ، سۋدان پايدالانۋدى رەتتەۋدى كۇشەيتىپ، قالا، اۋىل تۇرعىندارىنىڭ سۋمەن قامداۋ جانە اۋىل شارۋاشىلىعىنداعى سۋارۋ قاجەتىنە شىنايى كەپىلدىك ەتەمى”“. انحۇي ولكەلىك شۇعىل جاعدايعا توتەپ بەرۋدى باسقارۋ مەڭگەرمەسى تاسقىننان ساقتانۋ، قۋاڭشىلىققا قارسى اتتانۋ باسقارماسىنىڭ باستىعى چىڭ جيان مىنانى ءبىلدىردى: سونىمەن بىرگە، تالداۋ جاساۋدى، تۇجىرىم جاساۋدى كۇشەيتىپ، جوبانىڭ تولىق بولۋىنا كەپىلدىك ەتىپ، قۋاڭشىلىقتان كەيىن سۋ اپاتى شۇعىل تۋىلۋىنان قاتاڭ ساقتانامىز.

ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتەمىز

”جوعارى ورىن اتاپ كورسەتىپ، بۇقارا ورتاعا قويىپ، ءوزارا ىزدەپ، ءوزى تەكسەردى“، نازاردى 11 جاقتاعى كورنەكتى ماسەلەگە شوعىرلاندىرىپ، شوعىرلى رەتتەۋ - وڭاۋدى ناقتى يگەرىپ، 113 ءتۇرلى رەتتەۋ - وڭاۋ شاراسىن ايقىندادى... سىچۋان ولكەسىنىڭ چىڭدۋ قالاسى ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.

”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، اناعۇرلىم مۇقيات مىندەت اتقارىپ، جاۋاپكەرشىلىكتى ادا ەتىپ، قىزمەتتىڭ ءتۇيىنىن ماسەلەنى شەشۋدى ىلگەرىلەتۋگە اۋدارىپ، ۇيرەنۋدىڭ ساپالى، تەكسەرۋدىڭ پارمەندى، تۇزەتۋدىڭ ءونىمدى بولۋىنا شىنايى كەپىلدىك ەتۋىمىز كەرەك“ دەدى چىڭدۋ قالالىق پارتكوم ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى قىزمەتى ارناۋلى توبى جالپىلىق گرۋپپاسىنىڭ باستىعى گان ليجۇن.

فۋجيان ولكەسى نيڭدى قالاسى جوۋنيڭ اۋدانى چيبۋ قالاشىعى حوۋياڭ قىستاعىندا مىڭ مۋلىق ورمان القابى قۇلپىرىپ تۇر. قىستاق پارتيا ياچەيكاسىنىڭ شۋجيى جاڭ مياۋشياڭ ورمان اراسىنا كىرىستىرىپ ەگىلگەن ءشوپ مارجان سياقتى جۇڭگوشا دارىلىك شوپتەردىڭ ءوسىپ - جەتىلۋىن ەگجەي - تەگجەيلى كوردى.

”كاسىپ سالاسىن يگەرۋ، اۋىلداستارعا قىزمەت وتەۋ ۋاقىتى اناعۇرلىم كوبەيدى!“ ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى تىڭعىلىقتى ورىستەتىلىپ، فورماشىلدىق ۇزدىكسىز وڭالىپ، نەگىزگى ساتىنىڭ اۋىرتپالىعى جەڭىلدەدى، جاڭ مياۋشياڭ سياقتى كوپتەگەن نەگىزگى ساتى كادرىنىڭ قايراتى تاسقىنداي ءتۇستى، ”ورمان اراسى ەكونوميكاسى، كۇتىنۋ ساياحاتى سياقتى ساپالى كاسىپ سالالارىن دامىتۋ اۋىلداستاردىڭ تۇرمىسىن بارعان سايىن جاقسارتتى“.

ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي ۇيرەنۋ تاربيەسىن ورىستەتۋدى وراي ەتىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن شەشىپ، ستيل قۇرىلىسىنىڭ جەتىستىكتەرىن حالىق ءۇشىن قىزمەت ىستەۋدىڭ ونىمدىلىگىنە اينالدىرۋ كەرەك.

5 - ايدىڭ 20 - كۇنى حىنان ولكەسى جىڭجوۋ قالاسى جينشۇي رايونى دۋليڭ ءمالى باسقارماسى حالىققا قولايلى قىزمەت وتەۋ ورتالىعى دارەجەسىن جوعارىلاتىپ، جاڭالاۋ جۇرگىزدى، مۇندا قوعامدىق قامتاماسىزداندىرۋ، ەمدەۋ قامسىزداندىرۋى سياقتى ۇنەمىلىك ىستەردى ءبىر بەكەتتە بىتىرۋگە بولادى. ”باس شۋجي شي جينپيڭنىڭ ماڭىزدى سوزىندە تەرەڭ حالىقتىق سۇيىسپەنشىلىك قامتىلعان“. دۋليڭ ءمالى باسقارماسى پارتيا قىزمەتى كوميتەتىنىڭ شۋجيى رىن لالا مىنانى ءبىلدىردى: ”ءبىز باستان - اياق بۇقارانىڭ ءىسىن ءوز ءىسىمىز دەپ ءبىلىپ، اناعۇرلىم زور تەبىنمەن حالىق تۇرمىسى ارمانىنىڭ ناقتى كورىنىسىن كەسكىندەيمىز!“

(«حالىق گازەتىنىڭ» تىلشىلەرى ۋاڭ لى - ۋىن، جۋ پەيشيان، بي جيڭجين، لو ياڭچي، يوۋ ي، ليۋ شياۋيۇي)

كەلۋ قاينارى: حالىق تورابى