قارتتاردىڭ قوعامدىق ىستەرگە اتسالىسۋىنا قولداۋ كورسەتەدى! 19 تاراۋ تۇڭعىش رەت بىرگە قۇجات جاريالاپ، نىسانانى ايقىندادى 

جان سانىنىڭ قارتتانۋىنا بەلسەندى توتەپ بەرۋدەگى مەملەكەتتىك ستراتەگيانى اتقارۋ، قارتتاردىڭ ءوز قۇنىن ايگىلەۋىنە قولداۋ كورسەتۋ، جۇڭگو ۇلگىسىندەگى وسىزامانداندىرۋعا ”قارتتاردىڭ كۇش – قۋاتىن“ ارناۋدى ونان ارى جەبەۋ ءۇشىن، جۋىردا حالىق ىستەرى مينيسترلىگى قاتارلى 19 تاراۋ تۇڭعىش رەت «قارتتاردىڭ قوعامدىق ىستەرگە اتسالىسۋىنا قولداۋ كورسەتىپ، قارتايعاندا رولىن ساۋلەلەندىرۋىن ىلگەرىلەتۋ جونىندەگى جەتەكشى پىكىردى» باسىپ تاراتقان. پىكىردىڭ جالپى مازمۇنىندا جيىنى 4 ءتۇرلى جاقتاعى 10 نەشە تارماق ساياساتتىق شارا قامتىلىپ، 2029 - جىلدان 2035 – جىلعا دەيىن قارتتاردىڭ قوعامدىق ىستەرگە اتسالىسۋىنا قولداۋ كورسەتۋ جاعىنداعى كەزەڭدىك نىسانالاردى ايقىن تۇراقتاندىرعان.

پىكىردە مىنالار ورتاعا قويىلعان: 2029 – جىلعا بارعاندا، قارتتاردىڭ قوعامدىق ىستەرگە قاتىناسۋىنا قولداۋ كورسەتۋ جاعىنداعى ساياسات جانە زاڭدىق ورتا العاشقى قادامدا قالىپتاستىرىلادى، قارتتاردىڭ رولىن جالعاستى ساۋلەلەندىرۋىنە كەدەرگى بولاتىن ۇيلەسىمسىز بەلگىلەمەلەردى اداقتاۋ ورىندالىپ بولادى، ”قارتتار ارەكەتى“ قاتارلى قارتتاردىڭ ەرىكتى قىزمەت وتەۋىنە قاتىستى ۇزاق مەرزىمدىك ءونىمدى مەحانيزم نەگىزىنەن قالىپتاستىرىلادى، قارتتارعا ساياتىن وقۋ – اعارتۋ، مادەنيەت، دەنە تاربيە جاقتارىنداعى قىزمەت وتەۋمەن قامداۋ اناعۇرلىم جوعارى ءونىمدى بولادى، قارتتاردىڭ قوعامدىق ىستەرگە اتسالىسۋ قابىلەتى اناعۇرلىم جوعارىلاتىلادى؛ 2035 – جىلعا بارعاندا، قارتتاردىڭ قوعامدىق ىستەرگە اتسالىسۋىنا قاتىستى قىزمەت وتەۋ جۇيەسى اناعۇرلىم كەمەلدەندىرىلەدى، قارتتارعا ۇيلەسەتىن كوپ نەگىزدەنگەن، دارالىق ەرەكشەلىككە يە جۇمىس ورىندارى اناعۇرلىم بايىتىلىپ، قارتتار بەلسەندىلىگى جونىندەگى كوزقاراس بۇكىل قوعامدا ورتاق تانىمعا اينالادى، قارت ەڭبەككۇش بايلىقتارى ءونىمدى اشىلىپ پايدالانىلادى، قارتتار رولىن اناعۇرلىم تولىق ساۋلەلەندىرە الاتىن بولادى.

كەلۋ قاينارى: حالىق تورابى