ديڭ شۋەشياڭ نيدەرلاندتىڭ سىرتقى ىستەر ءۋازىرى فەردكامپپەن كەزدەستى

شينحۋا اگەنتتىگى، 5 - ايدىڭ 22 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 5 - ايدىڭ 22 - كۇنى بەيجيڭدە نيدەرلاندتىڭ سىرتقى ىستەر ءۋازىرى فەردكامپپەن كەزدەستى.

ديڭ شۋەشياڭ مىنالاردى ءبىلدىردى: ءتوراعا شي جينپيڭ ۋيلليام الەكساندر پاتشا قاتارلى نيدەرلاند جاقتىڭ باسشىلارىمەن تالاي رەت ديدارلاسىپ، ەكى ەل قارىم - قاتىناسىنىڭ دامۋىنا ايقىن باعدار كورسەتتى. جۇڭگو مەن نيدەرلاند − دۇنيە جۇزىندەگى ماڭىزدى ەكونوميكالىق تۇلعالار، اشىق، ناقتى جان - جاقتى سەلبەستىك سەرىكتەرى. جۇڭگو جاق نيدەرلاند جاقپەن دوستىق بارىس - كەلىس جاعدايىن جالعاستىرىپ، ءبىر - ءبىرىنىڭ ۇيلەسىمدى كوڭىل ءبولىپ وتىرعان ماسەلەلەرىنە كوڭىل ءبولىپ، ءتۇيىندى سالالارداعى ناقتى سەلبەستىكتى كۇشەيتىپ، كوپ جاقتى ساۋدا ءتۇزىلىسى مەن حالىقارالىق ەكونوميكا - ساۋدا ءتارتىبىن قورعاپ، دۇنيە جۇزىلىك كاسىپ تىزبەگىنىڭ، قامداۋ تىزبەگىنىڭ حاۋىپسىزدىگى مەن ورنىقتىلىعىن قورعاۋدى قالايدى. نيدەرلاند جاقتىڭ سىندارلى رولىن ۇزدىكسىز ساۋلەلەندىرىپ، جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىنا اناعۇرلىم زور ۇلەس قوسۋىن ءۇمىت ەتەمىن.

فەردكامپ مىنانى ءبىلدىردى: قازىر حالىقارالىق جاعداي سايىسقا تولى، نيدەرلاند پەن جۇڭگونىڭ تىلدەسۋدى، سەلبەستىكتى كۇشەيتۋى توتەنشە ماڭىزدى. نيدەرلاند جاق جۇڭگونى ماڭىزدى سەرىك سانايدى، جۇڭگو جاقپەن جالپى بەتتىك بارىس - كەلىستى، سەلبەستىكتى كۇشەيتىپ، ءتۇرلى سىن - سايىسقا قول ۇستاسا توتەپ بەرىپ، ەركىن ساۋدانى قورعاۋدى قالايدى.

كەلۋ قاينارى: حالىق تورابى