مەملەكەتتىك اۋرۋدىڭ الدىن الۋ – تىزگىندەۋ مەڭگەرمەسى: ەلىمىز بويىنشا جاڭا تيپتى ايدارشا ۆيرۋس ىندەتىنە شالدىققانداردىڭ ارتۋ بەتالىسى باسەڭدەگەن 

شينحۋا اگەنتتىگىنىڭ ءتىلشىسى گۋ تيانچىڭ 5 – ايدىڭ 28 – كۇنى بەيجيڭنەن حابارلايدى. ءتىلشىنىڭ 5 – ايدىڭ 28 – كۇنى مەملەكەتتىك اۋرۋدىڭ الدىن الۋ – تىزگىندەۋ مەڭگەرمەسىنەن ۇعىسۋىنشا، قازىر ەلىمىز بويىنشا جاڭا تيپتى ايدارشا ۆيرۋس ىندەتىنە شالدىققانداردىڭ ارتۋ بەتالىسى بەسەڭدەگەن، كوپ ساندى ولكەلەردە ىندەت ەڭ جوعارى شەككە جەتكەن نەمەسە تومەندەۋ بەتالىسى بايقالعان. تارالۋ ۇستىندەگى نەگىزگى ۆيرۋس ءتۇبىرىنىڭ XDV وزگەرگەن ءتۇبىرىنىڭ التىنشى بۋىن قوسالقى تارماعى NB.1.8.1، ونىڭ اۋرۋعا شالدىقتىرۋ قۋاتىندا كورنەكتى وزگەرىس بايقالماعان، اۋرۋعا شالدىققانداردا كلينيكالىق بەلگىلەردىڭ اۋىرلاسۋ دارەجەسىندە كورنەكتى وزگەرىس بايقالماعان.

جاڭا تيپتى ايدارشا ۆيرۋس قاتارلى تىنىس جولى جۇقپالى اۋرۋلاردى باقىلاۋ – تەكسەرۋ ناتيجەسىنە قاراعاندا، 2025 – جىلى 3 – ايدان بەرى، ەلىمىز بويىنشا جۇقپالى تۇماۋ قاتارلى باسقا دا تىنىس جولى شۇعىل جۇقپالى اۋرۋلارىنا شالدىققانداردىڭ مولشەرى تومەن دەڭگەيدە بولعان، جاڭا تيپتى ايدارشا ۆيرۋس ىندەتىنە شالدىققانداردىڭ سانى بىرتىندەپ ارتقان. قازىر ەلىمىز بويىنشا كوپ ساندى ولكەلەردە ىندەت ەڭ جوعارى شەككە جەتكەن نەمەسە تومەندەۋ بەتالىسىن بايقاتقان.

باقىلاۋ – تەكسەرۋ ناتيجەسىنە قاراعاندا، ىندەت جاعدايىندا وڭىرلىك پارىق ساقتالعان، وڭتۇستىكتەگى ولكەلەردە ىندەتكە شالدىعۋ دەڭگەيى سولتۇستىكتەگى ولكەلەرمەن سالىستىرعاندا جالپى جاقتان جوعارى بولعان. بۇكىل ەلىمىزدە قىزۋى ورلەگەندەردى قابىلداۋ امبۋلاتورياسىندا ەمدەلگەندەردىڭ سانى، اۋرۋى سالماقتى ادامداردىڭ سانى تۇگەلدەي الدىڭعى مەرزىمدەگى ءار جولعى ورەدەن اسىپ كەتپەگەن، قالىپتى ەمدەۋ تارتىبىنە كورنەكتى ىقپال جەتكىزبەگەن. قازىر كلينيكالىق اۋرۋ بەلگىلەرى، باستىسى، جەڭىل اۋرۋ بەلگىلەرى مەن كورنەكتى ەمەس اۋرۋ بەلگىلەرىن نەگىز ەتكەن. جاڭا تيپتى ايدارشا ۆيرۋستىڭ NB.1.8.1 قوسالقى تارماعىنا قازىرگى تەكسەرۋ دارىلەرى مەن ەمدەۋ دارىلەرى ءالى دە ءونىمدى.

كەلۋ قاينارى: حالىق تورابى