بەنزين مەن ديزەل مايىنىڭ باعاسى ارزانداتىلدى 

شينحۋا اگەنتتىگىنىڭ ءتىلشىسى ۋەي يۇيكۇن 7 – ايدىڭ 15 – كۇنى بەيجيڭنەن حابارلايدى. مەملەكەتتىك دامۋ – رەفورما كوميتەتىنىڭ 7 – ايدىڭ 15 – كۇنى بەرگەن حابارىنا قاراعاندا، جۋىرداعى حالىقارالىق بازارداعى مۇناي باعاسىنداعى وزگەرىستەرگە ساي، 7 – ايدىڭ 15 – كۇنىنەن بۇرىنعى 10 قىزمەت كۇنىندەگى ورتاشا باعانى الدىڭعى رەتكى باعانى رەتتەۋ الدىنداعى 10 قىزمەت كۇنىندەگى ورتاشا باعامەن سالىستىرۋ جاعدايىنا ساي، وڭدەلگەن مۇناي باعاسىن قالىپتاستىرۋدىڭ قازىر اتقارىلىپ وتىرعان مەحانيزمى بويىنشا، 2025 - جىلى 7 - ايدىڭ 15 - كۇنى ساعات 24 تەن باستاپ، ەل ىشىندەگى بەنزين مەن ديزەل مايىنىڭ باعاسى ءار تونناسىنا جەكە - جەكە 130 يۋان جانە 125 يۋان تومەندەتىلدى.

مەملەكەتتىك دامۋ – رەفورما كوميتەتىنىڭ جاۋاپتىسىنىڭ ايتۋىنشا، جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.

وڭدەلگەن مۇناي باعاسىن بۇل اينالىمداعى رەتتەۋ مەزگىلىندە، حالىقاراداعى مۇناي باعاسى تولقىمالى كۇيدە بولدى، ورتاشا ورەسى الدىڭعى اينالىمداعى باعا رەتتەۋ مەزگىلىنەن تومەن بولدى. مەملەكەتتىك دامۋ – رەفورما كوميتەتى باعانى باقىلاۋ ورتالىعى قىسقا مەرزىم ىشىندە حالىقارادا مۇناي باعاسى بارىنشا تولقىمالى كۇيدە بولادى دەپ قاراعان.

كەلۋ قاينارى: حالىق تورابى