زاڭسىزدىقپەن جارامسىز جانارماي قۇياتىن پۋنكتتەردى ”جاپپاي الاستاۋ“ ارناۋلى جونگە سالۋ ارەكەتىن ورىستەتۋ جونىندە ورنالاستىرۋ جاسادى 

حالىق گازەتىنىڭ ءتىلشىسى ليۋ ۋىنشين 7 – ايدىڭ 15 – كۇنى بەيجيڭنەن حابارلايدى. ءتىلشىنىڭ شۇعىل جاعدايلارعا توتەپ بەرۋ ىستەرىن باسقارۋ مينيسترلىگىنەن ۇعىسۋىنشا، وڭدەلگەن مۇناي بازارىنداعى الەۋمەتتىك حاۋىپسىزدىككە ىقپال جاسايتىن بىلىققان جاعدايلاردى شىنايى جونگە سالۋ ءۇشىن، مەملەكەتتىك كەڭەستىڭ ءوندىرىس حاۋىپسىزدىگى كەڭسەسى بۇكىل ەلىمىز كولەمىندە زاڭسىز جانارماي قۇيۋ پۋنكتتەرىن ”جاپپاي الاستاۋ“ ارناۋلى جونگە سالۋ ارەكەتىن شوعىرلى ورىستەتۋ جونىندە ورنالاستىرۋ جاساعان.

جۋىرداعى جىلداردان بەرى، ءىشىنارا زاڭسىز ەلەمەنتتەر باس پايداسىن كۇيتتەپ، ساپاسىز مۇناي ونىمدەرىن زاڭسىزدىقپەن رەتتەۋ جانە ءوندىرۋ، باجىدان جالتارۋ، بەلگىلەمەگە قايشى تۇردە جوتكەۋ، زاڭسىز ساتۋ قاتارلى ءتۇرلى تاسىلدەر ارقىلى وڭدەلگەن مۇنايدى اينالىمعا سالۋ بازارىنىڭ ءتارتىبىن ءبۇلدىرىپ، تۇتىنۋشىلاردىڭ زاڭدى ۇقىق – مۇددەسىنە زيان جەتكىزگەن؛ كەيبىرەۋى جىلجىمالى جانارماي قۇيۋ اۆتوموبيلدەرىن سۋ شاشۋ اۆتوموبيلىنە ۇقساتىپ جاساپ، وڭدەلگەن مۇنايدى زاڭسىز تۇردە ساۋدالاعان، كەيبىرەۋى زاڭسىز جانارماي ساتۋ ورىندارىن جەر استىنداعى اۆتوموبيل توقتاتۋ ورىندارى، مەكتەپ اۆتوموبيلىن توقتاتۋ ورنى قاتارلى جەرلەرگە جاسىرىپ، الەۋمەتتىك حاۋىپسىزدىككە اۋىر دارەجەدە حاۋىپ – قاتەر توندىرگەن.

ۇعىسۋعا قاراعاندا، ارناۋلى جونگە سالۋ ارەكەتى بارىسىندا جانارمايدىڭ كەلۋ قاينارىن، اۆتوموبيلدى جانە كەمەنى وزگەرتۋ جاعدايىن، ساتۋ ارنالارىن باستى ءتۇيىن ەتىپ، جىلجىمالى جانارماي قۇيۋ اۆتوموبيلدەرى، ءوزى جاساعان جانارماي كۇبىسىمەن زاڭسىز تيجارات جۇرگىزۋ قاتارلى زاڭسىز جانارماي قۇيۋ ورىندارىن، سونداي – اق، مايدى زاڭسىز رەتتەۋ، اتىن وزگەرتىپ ساتۋ، ”ماي ءتۇرى مەن تالون ۇقساس بولماۋ“، جانارماي قۇيۋ اۆتوموبيلى مەن كەمەسىن زاڭسىز وزگەرتىپ قۇراستىرۋ قاتارلى زاڭسىز تىزبەكتەردى ءتۇيىندى تۇردە جونگە سالىپ، ناقتى تۇيىندەر بويىنشا الاستاۋ، جالپى جاقتان ءبىر – بىرلەپ تەكسەرۋ، اكىمشىلىك جاقتان زاڭ اتقارۋ مەن قىلمىستىق ىستەر بويىنشا زاڭ اتقارۋدى ۇشتاستىرۋ، تىزبەكتى الاستاۋ جاقتارىن كورنەكتىلەندىرۋمەن بىرگە، تيپتىك دەلولاردى اشكەرەلەپ، وڭدەلگەن مۇناي سالاسىنداعى زاڭسىز، زاڭعا قايشى ارەكەتتەرگە قاتاڭ سوققى بەرۋ سىندى جوعارى قىسىمدى كۇيدى قالىپتاستىرادى.

كەلۋ قاينارى: حالىق تورابى