شي جينپيڭ رەسەيدىڭ سىرتقى ىستەر مينيسترى لاۆروۆپەن كەزدەستى

7 - ايدىڭ 15 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ سىرتقى ىستەر مينيسترى لاۆروۆپەن كەزدەستى.

سۋرەتتى شينحۋا اگەنتتىگى تاراتقان

شينحۋا اگەنتتىگى، 7 - ايدىڭ 15 - كۇنى، بەيجيڭ (تىلشىلەر سۇن ي، ساۋ جيايۋە). 7 - ايدىڭ 15 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا رەسەيدىڭ سىرتقى ىستەر مينيسترى لاۆروۆپەن كەزدەستى.

شي جينپيڭ لاۆروۆقا پۋتين زۇڭتۇڭعا ىقىلاستى سالەمىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: جۇڭگو مەن رەسەي پۋتين زۇڭتۇڭ ەكەۋىمىز كەلىسكەن ماڭىزدى ورتاق تانىمدى ويداعىداي تياناقتاندىرىپ، جۇڭگو مەن رەسەيدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناس قۇرىلىسىن ىشكەرىلەي ىلگەرىلەتىپ، كوپ جاقتى تۇعىرداعى ءوزارا قولداۋدى كۇشەيتىپ، ەكى ەلدىڭ دامۋى مەن حاۋىپسىزدىك مۇددەسىن ويداعىداي قورعاپ، دۇنيە جۇزىندەگى وڭتۇستىك ەلدەردى ىنتىماقتاستىرىپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋى كەرەك. شاڭحاي ىنتىماقتاستىق ۇيىمى جۇڭگو مەن رەسەي بىرگە ات سالىسىپ قۇرعان جالپىلىق وڭىرلىك سەلبەستىك ۇيىمى، ازيا - ەۆروپا ۇلى قۇرلىعىنىڭ بەيبىتشىلىگىن، ورنىقتىلىعىن، دامۋىن قورعاۋدا ماڭىزدى مانگە يە. ەكى جاق ءوزارا قولداۋ كورسەتىپ، شاڭحاي سەلبەستىك ۇيىمىنىڭ دامۋ بەتالىسىن ويداعىداي يگەرىپ، ۇزدىكسىز جاڭا قوزعاۋشى قۋات ۇستەپ، وسى ستراتەگيالىق تۇعىردى ناقتىلاندىرۋى، كۇشەيتۋى كەرەك.

لاۆروۆ پۋتين زۇڭتۇڭنىڭ ءتوراعا شي جينپيڭگە جولداعان ىقىلاستى سالەمىن جەتكىزىپ، مىنالاردى ءبىلدىردى: ەكى ەل مەملەكەت باسشىلارىنىڭ ستراتەگيالىق جەتەكشىلىگىندە رەسەي مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسى ىشكەرىلەي دامىدى. رەسەي جاق جۇڭگومەن قارىم - قاتىناسىنا ايرىقشا ءمان بەرەدى، فاشيزمگە قارسى دۇنيە جۇزىلىك سوعىس جەڭىسكە جەتكەندىگىنىڭ 80 جىلدىعى سىندى ماڭىزدى جىلدا جۇڭگو جاقپەن جوعارى جىكتەگىلەردىڭ بارىس - كەلىسىن ساقتاپ، ءار سالاداعى ءوزارا ءتيىمدى سەلبەستىكتى كۇشەيتىپ، حالىقارالىق، وڭىرلىك ىستەردە پىكىرلەسۋدى، سايكەسۋدى ساقتاپ، دۇنيە ءجۇزىنىڭ جانە ءوڭىردىڭ بەيبىتشىلىگى مەن ورنىقتىلىعىن جەبەۋدى ءۇمىت ەتەدى. رەسەي جاق جۇڭگو جاقتىڭ ءتوراعا ەل قىزمەتىن بەلسەنە قولداپ، شاڭحاي سەلبەستىك ۇيىمى تيانجين باسشىلار ءماجىلىسىنىڭ تولىق تابىسقا جەتۋىن بىرگە ىلگەرىلەتەدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى