ورتالىق اۋا رايى ستانسياسى جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىن جالعاستى جاريالادى

جۇڭگو اقپارات تورابىنىڭ 7 – ايدىڭ 17 – كۇنى بەرگەن حابارى. ورتالىق اۋا رايى ستانسياسى تورابىنىڭ حابارىنا قاراعاندا، ورتالىق اۋا رايى ستانسياسى 7 – ايدىڭ 17 - كۇنى ساعات 6 دا جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سيگنالىن جالعاستى جاريالاعان:

مەجەمەن 7 – ايدىڭ 17 - كۇنى كۇندىز شانشي ولكەسىنىڭ گۋانجۇڭ قالاسىنان حۋاڭحى، حۋايحى وزەنىنىڭ ورتا، باتىس بولەگىنىڭ وڭتۇستىگىندەگى باسىم كوپ جەرى، شينجياڭنىڭ باسىم كوپ جەرى، ىشكى موڭعۇلدىڭ باتىس بولەگى قاتارلى جەرلەردە 35 سەلتسي گرادۋستان جوعارى ىستىق بولادى؛ مۇنىڭ ىشىندە شانشيدىڭ ورتا وڭتۇستىك بولەگى، سانشيدىڭ باتىس وڭتۇستىك بولەگى، حىناننىڭ ورتا بولەگى، حۋبەيدىڭ ورتا وڭتۇستىك بولەگى، حۋنان، جياڭشيدىڭ ورتا، باتىس بولەگى، جىجياڭنىڭ سولتۇستىك بولەگى، سىچۋان ويپاتى، چۇڭچيڭ، گۇيجوۋدىڭ شىعىس بولەگى، گۋاڭشيدىڭ شىعىس سولتۇستىك بولەگى، سونداي - اق ىشكى موڭعۇلدىڭ باتىس بولەگى، شينجياڭنىڭ تيانشان رايونى جانە وڭتۇستىك شينجياڭ ويپاتى قاتارلى جەرلەردىڭ ءىشىنارا رايوندارىنىڭ ەڭ جوعارى تەمپەراتۋراسى 37 دە 39 سەلتسي گرادۋسقا جەتەدى، چۇڭچيڭنىڭ باتىس بولەگى مەن سولتۇستىك بولەگى، سىچۋان ويپاتىنىڭ ورتا وڭتۇستىك بولەگى، ىشكى موڭعۇلدىڭ باتىس سولتۇستىك بولەگى، شينجياڭنىڭ تۇرپان ويپاتى قاتارلى جەرلەردىڭ ءىشىنارا رايوندارى 40 سەلتسي گرادۋستان اسادى.

ساقتانۋ ەسكەرتپەسى:

1. قاتىستى تاراۋلار جانە ورىندار ىستىقتان ساقتانۋ، تەمپەراتۋرانى تومەندەتۋ كەپىلدىك شارالارىن جاۋاپكەرشىلىگى بويىنشا ورىنداۋ كەرەك؛

2. جوعارى تەمپەراتۋرادا سىرتتا قيمىل جاساۋدان مۇمكىندىكتىڭ بارىنشا ساقتانۋ، جوعارى تەمپەراتۋرادا جۇمىس ىستەيتىندەر ٴۇرتىس قىزمەت ۋاقىتىن قىسقارتۋى كەرەك؛

3. قارتتار، ءالسىز، اۋرۋ، بالالار قاۋىمىنا ىستىقتان ساقتانۋ، تەمپەراتۋرانى تومەندەتۋگە جەتەكشىلىك ەتۋ ءارى قاجەتتى قورعانۋ شارالارىن قولدانۋ؛

4. قاتىستى تاراۋلار جانە ورىندار توك ىستەتۋ مولشەرى وتە جوعارى بولۋ جانە توك سىمى، ترانسفورماتور قاتارلى توك جۇگىنىڭ وتە ۇلكەن بولۋىنان كەلىپ شىققان وٴرت اپاتىنىڭ الدىن الۋعا ءمان بەرۋى كەرەك.

كەلۋ قاينارى: حالىق تورابى