وقۋ – اعارتۋ مينيسترلىگى: جازعى دەمالىس كەزىندەگى تاپسىرمانىڭ جالپى مولشەرىن قاتاڭ تىزگىندەۋ كەرەك

ءتىلشىنىڭ 7 – ايدىڭ 16 – كۇنى وقۋ – اعارتۋ مينيسترلىگىنەن ۇعىسۋىنشا، جازعى دەمالىس كەزىندە تاسقىن مەزگىلى مەن دەمالىس مەزگىلى قاباتتاسىپ، حاۋىپسىزدىك قاتەرى ارتىپ، ءتۇرلى حاۋىپسىزدىك وقيعالارى وڭاي تۋىلادى، وقۋ – اعارتۋ مينيسترلىگى كەڭسەسى تاياۋدا ۇقتىرۋ باسىپ تاراتىپ، 2025 – جىلعى ورتا، باستاۋىش مەكتەپتەردىڭ جازعى دەمالىس كەزىندەگى حاۋىپسىزدىك قىزمەتىن ويداعىداي ىستەۋ جونىندە ورنالاستىرۋ جاساپ، قالىڭ ورتا، باستاۋىش مەكتەپ وقۋشىلارىنىڭ تىنىش، كوڭىلدى دەمالىستى وتكىزۋىنە كەپىلدىك ەتىپ، جازعى دەمالىس كەزىندەگى تاپسىرمانىڭ جالپى مولشەرىن قاتاڭ مەڭگەرۋدى ايقىن تالاپ ەتتى.

ۇقتىرۋدا مىنالار ايقىن بەلگىلەندى: جەر – جەردەگى وقۋ – اعارتۋ اكىمشىلىك تاراۋلارى مەن مەكتەپتەردەن وقۋ – اعارتۋ مينيسترلىگىنىڭ قاتىستى تالاپتارىن قاتاڭ تياناقتاندىرىپ، مەرەكە، دەمالىس كۇندەرى ساباق تولىقتاۋ، الدىن الا وقۋ باستاۋ، دەمالىسقا جاي تاراتۋ قاتارلى تيىم سالىنسا دا تيىلماۋ، وقۋشىلاردىڭ وقۋ اۋىرتپالىعى تىم اۋىر بولۋ ماسەلەسىن باتىل تەجەۋدى تالاپ ەتتى. ەڭبەك پەن دەمالىستى ۇشتاستىرىپ، جان - جاقتى دامىپ، اقاۋسىز جەتىلۋ پرينسيبىنە تاباندى بولىپ، جازعى دەمالىس كەزىندەگى جۇمىستىڭ جالپى مولشەرىن قاتاڭ تىزگىندەپ، تاپسىرمانى ورنالاستىرۋدى عىلىمي ارناعا ءتۇسىرىپ، قول تەلەفونمەن تاپسىرما ورنالاستىرۋ، وقۋشىلارعا قول تەلەفوننان پايدالانىپ تاپسىرما ورىنداتۋ نەمەسە اتا - انالاردان تاپسىرمانى تەكسەرىپ بەكىتۋدى تالاپ ەتۋ قاتارلى قۇبىلىستاردى باتىل تيىپ، وقۋشىلاردىڭ اۋىر ساباق اۋىرتپالىعىن ءونىمدى جەڭىلدەتىپ، قالىڭ وقىتۋشى - وقۋشىلاردىڭ دەمالىستى تىنىش، اقاۋسىز، كوڭىلدى وتكىزۋىنە كەپىلدىك ەتۋ كەرەك.

ۇقتىرۋدا حاۋىپسىزدىك تاربيەسىن كۇشەيتىپ، ساقتانۋ قابىلەتىن جوعارىلاتۋدى تالاپ ەتتى. جازدىق دەمالىس كەزىندە اقپارات قۇرالدارىنان، اسىرەسە، توراپ جاڭا مەديالارىنان تولىق پايدالانىپ، حاۋىپسىزدىك تاربيەسىن كەڭ كولەمدە ورىستەتىپ، حاۋىپسىزدىك ەسكەرتۋىن دەر كەزىندە جاريالاپ، وقۋشىلارعا حاۋىپسىزدىك تانىمىن كۇشەيتىپ، ءوز حاۋىپسىزدىگىنە كوڭىل ءبولىپ، ءتۇرلى حاۋىپسىزدىك وقيعالارىنىڭ تۋىلۋىنان قاتاڭ ساقتانۋدى ەسكەرتتى.

كەلۋ قاينارى: حالىق تورابى