دامىپ جاتقان جۇڭگو | 500 نەشە ءتۇرلى شامگۇل جارىسا اشىلىپ، بەينە سۋ بوياۋلى سۋرەتتەي قۇلپىرادى 

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىندا قۇلپىرا اشىلعان شامگۇل، نايزاعايلى جاڭبىردان سوڭ شىق تۇرعان جاپىراقتار اناعۇرلىم اسەم كوركىمەن ادامدى باۋرايدى.

حالىق تورابىنىڭ ءتىلشىسى شى يۇي 7 – ايدىڭ 16 – كۇنى گۋاڭچاڭنان حابارلايدى. نايزاعايلى جاڭبىردان سوڭ، جياڭشي ولكەسى گۋاڭچاڭ اۋدانى شامگۇل عىلىم تەحنيكا كورمە سارايىندا قۇلپىرا اشىلعان شامگۇل مەن تۇڭعيىق اسەم كوركىمەن ادامدى باۋرايدى، عىلىم – تەحنيكا قىزمەتكەرلەرى شامگۇل كولشىگىندە شامگۇلدەردى باپتاۋمەن ابىگەر بولسا، ساياحاتشىلار قۇلپىرا اشىلعان گۇلدەر اراسىندا سەرۋەندەي ءجۇرىپ گۇلدەردى تاماشالاپ، سۋرەتكە ءتۇسىردى.

گۋاڭچاڭ اۋدانى شامگۇل عىلىم – تەحنيكا كورمە باقشاسى — ەلىمىز بويىنشا ەڭ ەرتە قۇرىلعان جاتاعان تۇڭعيىقتى زەرتتەۋ، كورسەتۋ تەكشەسى، باقشا ىشىندە دۇنيە ءجۇزىنىڭ جەر – جەرىنەن اكەلىنگەن ۋاكىلدىك سيپاتتاعى شامگۇل مەن تۇڭعيىقتىڭ 500 دەن استام ءتۇرى بار، جاز مەزگىلىندە شامگۇلدەر جارىسا اشىلىپ، كوزدىڭ جاۋىن الىپ، بەينە جان تەبىرەنتەرلىك اسەم سۋ بوياۋلى سۋرەتكە ۇقسايدى.

ايتۋعا تاتيتىنى، قازىر گۋاڭچاڭ اۋدانى عىلىمي زەرتتەۋ قۋاتىنا سۇيەنىپ، عارىشتا 6 رەت وزگەرتىپ تۇقىم جەتىلدىرۋ جاعىندا زەرتتەۋ جۇرگىزىپ، ”عارىشتىق شامگۇلدىڭ“ جەلىلەس تۇرلەرىن ءساتتى جەتىلدىرىپ، اق تۇڭعيىقتىڭ بىرلىك ءونىمىن 30 – 40 كيلوگرامنان 80 – 120 كيلوگرامعا جەتكىزگەن. ”عارىشتىق شامگۇلدىڭ 36 – ءنومىرلى“ ءتۇرى ەلىمىزدەگى جاتاعان تۇڭعيىقتىڭ باستى ەگىلەتىن ءتۇرىنىڭ بىرىنە اينالىپ، جىلىنا جالپىلاستىرىلىپ ەگىلەتىن اۋدانى ەكى ميلليون مۋ اينالاسىندا بولىپ، قازىرگە دەيىن جيىنى 20 ميلليون مۋدان ارتىق جالپىلاستىرىلىپ، ەلىمىزدەگى جاتاعان تۇڭعيىق ەگىلگەن جەر اۋدانىنىڭ %80 تەن استامىن ۇستاعان. گۋاڭچاڭ اۋدانى قازىر ەلىمىز بويىنشا ەڭ ءىرى اق تۇڭعيىقتىڭ اسىل تۇقىمىن اكەلۋ بازاسى، ءار جىلى ەلىمىزدىڭ جەر – جەرىنە عارىشتىق تۇڭعيىقتىڭ تۇقىمدىق تامىرىنان جيىنى 80 ميلليوننان استامى ساتىلادى، شامگۇل شارۋالاردىڭ كىرىستى ارتتىرىپ، اۋقاتتانۋى جاعىنداعى ماڭىزدى قاينارعا اينالدى.

ساناققا قاراعاندا، گۋاڭچاڭ اۋدانى بويىنشا اق تۇڭعيىقتىڭ جىلىنا ەگىلەتىن جەر اۋدانى ورنىقتى تۇردە 110 مىڭ مۋ اينالاسىندا بولىپ، جالپى ءونىم مولشەرى ءتورت ميلليارد 340 ميلليون يۋانعا جەتكەن، 2024 – جىلى وزەكشەلى اق تۇڭعيىقتىڭ ءونىم مولشەرى 9500 تونناعا جەتكەن.

كەلۋ قاينارى: حالىق تورابى

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىندا قۇلپىرا اشىلعان شامگۇل، نايزاعايلى جاڭبىردان سوڭ شىق تۇرعان جاپىراقتار اناعۇرلىم اسەم كوركىمەن ادامدى باۋرايدى.

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىندا قۇلپىرا اشىلعان شامگۇل، نايزاعايلى جاڭبىردان سوڭ شىق تۇرعان جاپىراقتار اناعۇرلىم اسەم كوركىمەن ادامدى باۋرايدى.

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىنداعى قۇلپىرا اشىلعان تۇڭعيىق ساياحاتشىلاردى سۋرەتكە تارتۋعا باۋرادى. حالىق تورابىنىڭ ءتىلشىسى شى يۇي فوتوسى

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىنداعى قۇلپىرا اشىلعان ءتۇرلى تۇستەگى تۇڭعيىق. حالىق تورابىنىڭ ءتىلشىسى شى يۇي فوتوسى

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىنداعى قۇلپىرا اشىلعان ءتۇرلى تۇستەگى تۇڭعيىق. حالىق تورابىنىڭ ءتىلشىسى شى يۇي فوتوسى

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىنداعى قۇلپىرا اشىلعان ءتۇرلى تۇستەگى تۇڭعيىق. حالىق تورابىنىڭ ءتىلشىسى شى يۇي فوتوسى

سۋرەتتە: گۋاڭچاڭ اۋدانى شامگۇل عىلىم – تەحنيكا كورمە سارايىنداعى قۇلپىرا اشىلعان ءتۇرلى تۇستەگى تۇڭعيىق. حالىق تورابىنىڭ ءتىلشىسى شى يۇي فوتوسى