شي جينپيڭ نيگەريانىڭ بۇرىنعى زۇڭتۇڭى بۋحاريدىڭ قايتىس بولۋىنا بايلانىستى نيگەريانىڭ زۇڭتۇڭى تينۋبقا كوڭىل ايتۋ تەلەگرامماسىن جولدادى

شينحۋا اگەنتتىگى، 7 - ايدىڭ 16 - كۇنى، بەيجيڭ. 7 - ايدىڭ 16 - كۇنى مەملەكەت ءتوراعاسى شي جينپيڭ نيگەريانىڭ بۇرىنعى زۇڭتۇڭى بۋحاريدىڭ قايتىس بولۋىنا بايلانىستى نيگەريانىڭ زۇڭتۇڭى تينۋبقا كوڭىل ايتۋ تەلەگرامماسىن جولداپ، جۇڭگو ۇكىمەتى مەن جۇڭگو حالقى اتىنان قايعىلى ازا ءبىلدىردى، بۋحاريدىڭ تۋىس - تۋعاندارىنان، نيگەريا ۇكىمەتى مەن حالقىنان شىنايى حال سۇرادى.

شي جينپيڭ بىلاي دەپ اتاپ كورسەتتى: بۇرىنعى زۇڭتۇڭ بۋحاري _ نيگەريانىڭ ماڭىزدى باسشىسى، نيگەريانىڭ مەملەكەت جاعدايىنا ۇيلەسەتىن دامۋ جولىن قاراستىرۋعا كۇش سالىپ، مەملەكەتتىڭ ىنتىماعىنا، العا باسۋىنا كورنەكتى ۇلەس قوسىپ، حالىقارالىق قوعامدا بەدەلگە يە بولدى. ول كوزى تىرىسىندە جۇڭگومەن دوستىققا تاباندى بولىپ، جۇڭگو مەن نيگەريانىڭ دوستىعىن جانە جۇڭگو مەن افريكانىڭ دوستىق سەلبەستىگىن بەلسەنە جەبەدى. ونىڭ قايتىس بولۋى _ نيگەريا حالقىنىڭ وراسان زور جوعالتۋى، جۇڭگو حالقى دا ءبىر جاقسى دوسىنان ايرىلدى. جۇڭگو جاق جۇڭگو - نيگەريا قارىم - قاتىناسىن دامىتۋعا باسا ءمان بەرەدى، نيگەريامەن بىرگە ەكى ەلدىڭ جالپى بەتتىك ستراتەگيالىق سەرىكتەستىك قارىم - قاتىناسىن ۇزدىكسىز دامىتۋدى قالايدى.