ءتوراعا شي جينپيڭنىڭ «وقۋ - اعارتۋ جونىندە»، «شي جينپيڭنىڭ مادەنيەت يدەياسىن ۇيرەنۋ باعدارلاماسى»، «جاقىن كورىنىس: مەيىرلى ساتتەر» كىتاپتارىنىڭ فانتي نۇسقاداعى باسىلىمى شياڭگاڭ كىتاپ كورمەسىندە تۇڭعىش رەت تاراتىلدى

«حالىق گازەتى»، 7 - ايدىڭ 16 - كۇنى، شياڭگاڭ (ءتىلشى فىڭ شۋەجى) ءتوراعا شي جينپيڭنىڭ «وقۋ - اعارتۋ تۋرالى»، «شي جينپيڭنىڭ مادەنيەت يدەياسىن ۇيرەنۋ باعدارلاماسى»، «جاقىن كورىنىس: مەيىرلى ساتتەر» اتتى كۇردەلى باسىلىمى تاياۋدا بىرلەسكەن باسپا توبى جاعىنان باسپادان شىعىپ تاراتىلدى. 7 - ايدىڭ 16 - كۇنى شياڭگاڭ كىتاپ كورمەسىنىڭ تۇڭعىش كۇنى جاڭا كىتاپتى جاريالاۋ ءماجىلىسى اشىلدى.

«وقۋ - اعارتۋ جونىندەگە» ءتوراعا شي جينپيڭنىڭ وقۋ - اعارتۋ جونىندەگى 47 ماڭىزدى ماقالاسى ەنگىزىلىپ، ”قانداي ادام تاربيەلەۋ، ادامدى قالاي تاربيەلەۋ، كىم ءۇشىن ادام تاربيەلەۋ“ سىندى ءتۇبىرلى ماسەلەگە عىلمي جاۋاپ قايتارىلدى. «شي جينپيڭنىڭ مادەنيەت يدەياسىن ۇيرەنۋ باعدارلاماسىندا» شي جينپيڭ مادەنيەت يدەياسىنىڭ وزەكتى ءمانى، رۋحاني ءمانى، باي مازمۇنى، امالياتتىق تالابى جۇيەلى بايىمدالىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ مادەنيەت سالاسىنداعى ءتول جاسامپازدىق ۇلەسى جان - جاقتى بەينەلەنگەن، بۇل _ شي جينپيڭ مادەنيەت يدەياسىن ىشكەرىلەي ۇيرەنۋدەگى، تۇسىنۋدەگى بەدەلدى كومەكشى وقۋلىق. «جاقىن كورىنىس: مەيىرلى ساتتەر» شينحۋا اگەنتتىگىنىڭ اتتاس جەلىلەس توعىسپالى حابارلارىن نەگىز ەتىپ، ءتوراعا شي جينپيڭنىڭ ەل باسقارۋداعى تارتىمدى ساتتەرىن دەن قويا تاڭداپ، سۋرەتتەر مەن جازۋلار يكەمدى كىرىستىرىلىپ، سۋرەتتىڭ استارىنداعى مەيىر - شاپاعات حيكايالارىن جاندى باياندادى.

3 كىتاپتىڭ فانتي نۇسقاسىنىڭ باسپادان شىعىپ تاراتىلۋى شياڭگاڭ، اۋمىن وقىرماندارىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جۇيەلى تۇسىنۋىنە، شي جينپيڭ مادەنيەت يدەياسىنىڭ عىلمي جۇيەسىن تەرەڭ تۇسىنۋىنە، ەلىمىزدىڭ وقۋ - اعارتۋ ىستەرىنىڭ زاڭدىلىعى جونىندەگى تانىمىن تەرەڭدەتۋىنە، مەملەكەت، ۇلت جانە مادەنيەت مۇراتتاستىعىن ۇزدىكسىز كۇشەيتۋىنە، شياڭگاڭدىق، اۋمىندىق باۋىرلاستاردى بۇكىل ەلدەگى ءار ۇلت حالقىمەن بىرگە ءبىر جاعادان باس، ءبىر جەڭنەن قول شىعارىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ىنتىماقتاسا كۇرەس جۇرگىزۋ ءۇشىن باستاۋعا سەپتىگىن تيگىزەدى، توتەنشە كەلەلى ماڭىز الادى.

شياڭگاڭ ەرەكشە اكىمشىلىك رايونىنىڭ اكىمى لي جياچاۋ، ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىندەگى جاۋاپتى جولداستار، شياڭگاڭنىڭ وتاندى، شياڭگاڭدى سۇيەتىن قۇرىلىمدارىنىڭ، قوعامدىق ۇيىمدارىنىڭ ۋاكىلدەرى، شياڭگاڭنىڭ ساياسي، ەكونوميكا، وقۋ - اعارتۋ، مادەنيەت، باسپا ءسوز سالاسىنىڭ ۋاكىلدەرى، شياڭگاڭ جاستارىنىڭ ۋاكىلدەرى جاڭا كىتاپتى جاريالاۋ ماجىلىسىنە قاتىناستى. شياڭگاڭ دوستىق سەلبەستىك قوعامى، شياڭگاڭ جۇڭگو كاسىپورىندارى قوعامى، شياڭگاڭ وقۋ - اعارتۋ قىزمەتكەرلەرى بىرلەستىگى، جۇڭگو ادەبيەت - كوركەمونەرشىلەر بىرلەستىگى شياڭگاڭ مۇشەلەر باس قوعامى قاتارلىلارداعى قاتىستى جاۋاپتىلار جاڭا كىتاپ جاريالاۋ ماجىلىسىندە تارتۋعا بەرىلگەن كىتاپتى قابىلدادى. 3 كىتاپتىڭ فانتي نۇسقاسى بۇگىننەن باستاپ شياڭگاڭ، اۋمىنداعى ۇلكەن كىتاپ دۇكەندەرىندە جالپى بەتتىك تاراتىلادى ءارى ءتۇيىندى تۇردە ساتىلادى.