2025.07.18 15:58 كەلۋ قاينارى : حالىق تورابى
ورتالىق تەلەۆيزيا تورابىنىڭ حابارى: مەملەكەتتىك كەڭەستىڭ اقپارات كەڭسەسى 7 – ايدىڭ 17 – كۇنى اقپار جاريالاۋ ءماجىلىسىن اشىپ، 2025 – جىلدىڭ الدىڭعى جارىمىنداعى اۋىل شارۋاشىلىعى جانە اۋىل – قىستاق ەكونوميكاسىنىڭ جاعدايىن تانىستىردى.
اۋىل شارۋاشىلىعى جانە اۋىل – قىستاق مينيسترلىگىنىڭ دامۋدى جوسپارلاۋ مەڭگەرمەسىنىڭ باستىعى چىن باڭشۇننىڭ ايتۋىنشا، الدىڭعى جارىم جىلدا شارۋالاردىڭ كىرىسى ورنىقتى ارتقان، ەڭبەكاقى سيپاتىندىق كىرىس پەن تيجارات سيپاتىندىق كىرىستىڭ ولاردىڭ كىرىسىن ارتتىرۋىنداعى قوسقان ۇلەسى 70 پايىزعا جەتكەن. كەلەسى قادامدا، اۋىل شارۋاشىلىعى جانە اۋىل – قىستاق مينيسترلىگى قاتىستى تاراۋلارمەن بىرگە شارۋالاردىڭ جۇمىستانۋ، كىرىسىن ارتتىرۋ ارناسىن كۇش سالا كەڭەيتىپ، كىرىسىن ارتتىرۋ اۋقىمىن ورنىقتىرادى. ناقتى تومەندەگىدەي ءۇش جاقتاعى شارالاردى اتقارادى:
بىرىنشىدەن، اۋىل شارۋاشىلىعى ونىمدەرىن ءوندىرۋ مەن ساتۋدى ۇشتاستىرۋدى كۇشەيتەدى. قاتىستى تاراۋلارمەن بىرگە جازدىق استىقتى، ەرتە پىساتىن كۇرىشتى ساتىپ الۋدى ويداعىداي ىستەپ، شارۋالاردىڭ استىق ساتۋىن ىركىلىسسىزدەندىرۋگە كۇش سالا كەپىلدىك ەتىپ، استىق باعاسىنىڭ ۇيلەسىمدى دەڭگەيدە ورنىقتى بولۋىن ىلگەرىلەتەدى. اۋىل شارۋاشىلىعى جانە اۋىل – قىستاق مينيسترلىگى اۋىل شارۋاشىلىعى ونىمدەرىن ءوندىرۋ جانە ساتۋدى ۇشتاستىرۋدى ءتۇرلى ارنالار ارقىلى ىلگەرىلەتىپ، ءىرى تيپتى اۋىل شارۋاشىلىعى ونىمدەرى ەلەكتروندىق تەكشەلەرىنە ارقا سۇيەي وتىرىپ، ينتەرنەت ارقىلى جانە ينتەرنەتتەن تىس فورمادا ءوندىرۋ مەن ساتۋدى ۇشتاستىرۋ جاعىنداعى قيمىلداردى ۇيىمداستىرىپ، ساپالى اۋىل شارۋاشىلىعى ونىمدەرىن جاقسى باعادا ساتۋعا شارت – جاعداي جاراتادى.
ەكىنشىدەن، اۋىل شارۋاشىلىعىنىڭ كوپ سالالى جاقتارداعى ونىمدىلىگىن جوعارىلاتادى. شارۋالاردى وتباسىندا تيجارات ەتۋگە ۇيلەسەتىن كاسىپ سالاسى نىساندارىن دامىتۋعا جەتەلەپ، اۋىل – قىستاقتاعى دەمالىس جانە ساياحات، اۋىل – قىستاقتاعى ەلەكتروندىق ساۋدا، مادەنيەتتى باستان كەشىرۋ قاتارلى جاڭا كاسىپ سالالارى مەن جاڭا كاسىپ كۇيلەرىن كۇش سالا دامىتىپ، ”جەرگىلىكتى ەرەكشەلىككە يە ءونىمدى“ جەتكىلىكتى دامىتىپ، كاسىپ سالاسىنىڭ اناعۇرلىم كوپ ارتقان قۇنى مەن كىرىسىنىڭ اۋىل – قىستاقتا، شارۋالاردىڭ قولىندا قالۋىنا شارت – جاعداي ازىرلەيدى.
ۇشىنشىدەن، شارۋالاردىڭ جۇمىستانۋ، شارۋاشىلىق قۇرۋ جاعىنداعى ساپاسىن جوعارىلاتادى. اۋىل شارۋاشىلىعى جانە اۋىل – قىستاق مينيسترلىگى جوعارى ساپالى شارۋالاردى جەتىلدىرۋ جوسپارىن جالعاستى اتقارىپ، اۋىل – قىستاقتاعى شارۋاشىلىق قۇرۋعا باعىتتالعان كۋرستاردى ۇيىمداستىرۋ مەن قولداۋ كورسەتۋ تەبىنىن ارتتىرادى. قاتىستى تاراۋلارمەن بىرگە تاپسىرىس بويىنشا، باعىتتامالى تۇردە، جۇمىس ورنىنا قاراي جەتىلدىرۋ قاتارلى باسقارۋ – ىستەتۋ فورمالارىن جالپىلاستىرىپ جانە ويداعىداي پايدالانىپ، اۋىل – قىستاقتاعى ەڭبەككۇشتەردىڭ جۇمىستانۋ شەبەرلىگىن جوعارىلاتىپ، ەرەكشەلىككە يە ەڭبەككۇش ماركاسىن جەتىلدىرەدى جانە جالپىلاستىرادى.
كەلۋ قاينارى: حالىق تورابى