شي جينپيڭ ماۆريتانيانىڭ زۇڭتۇڭى گازۆانيمەن جۇڭگو مەن ماۆريتانيانىڭ ديپلوماتيالىق قارىم ـ قاتىناس ورناتقاندىعىنىڭ 60 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 7 ـ ايدىڭ 19 ـ كۇنى، بەيجيڭ. 7 ـ ايدىڭ 19 ـ كۇنى مەملەكەت ءتوراعاسى شي جينپيڭ ماۆريتانيانىڭ زۇڭتۇڭى گازۆانيمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 60 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ماۋريتيۋس ديپلوماتيالىق قارىم - قاتىناس ورناتقان 60 جىلدان بەرى، حالىقارالىق جاعداي قالاي وزگەرسە دە، ەكى جاق باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، وركەندەپ كەلە جاتقان ەلدەردىڭ ءبىر - بىرىنە قارايلاسۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىن ورناتتى. تاياۋ جىلداردان بەرى جۇڭگو مەن ماۋريتيۋس قارىم ـ قاتىناسى اقاۋسىز، ورنىقتى دامىپ، ساياسي ءوزارا سەنىمدىلىگى كۇن سايىن بەكەمدەلىپ، ءار سالاداعى اۋىس ـ كۇيىس، سەلبەستىگى مول ونىمدىلىككە قول جەتكىزدى. بىلتىر جۇڭگو ـ افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى كەزىندە مەن گازۆاني زۇڭتۇڭمەن ديدارلاستىم ءارى ماڭىزدى ورتاق تانىمعا كەلىپ، جۇڭگو ـ ماۋريتيۋس قارىم ـ قاتىناسىن ستراتەگيالىق سەرىكتەستىك قارىم ـ قاتىناس دەڭگەيىنە كوتەرۋدى بىرگە جاريالاپ، ەكى ەل قارىم ـ قاتىناسىنىڭ جاڭا پاراعىن اشتىق. مەن جۇڭگو ـ ماۋريتيۋس قارىم ـ قاتىناسىنىڭ دامۋىنا ايرىقشا ءمان بەرەمىن، زۇڭتۇڭ گازۆانيمەن بىرگە قۇلشىنىپ، ديپلوماتيالىق قارىم ـ قاتىناس ورناتۋدىڭ 60 جىلدىعىن جاڭا باستاما ەتىپ، ءداستۇرلى دوستىقتى جالعاستىرىپ، ءوزارا سەنىمدىلىك پەن سەلبەستىكتى تەرەڭدەتىپ، جۇڭگو مەن ماۋريتيۋستىڭ ستراتەگيالىق سەرىكتەستىك قارىم ـ قاتىناسى دامۋىنىڭ جاڭا بولاشاعىن بىرگە اشىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

گازۆاني مىنالاردى ءبىلدىردى: 60 جىلدان بەرى ماۆريتانيا جۇڭگومەن بەرىك دوستىق ورناتىپ، ءار دارەجەلى ورىنداردا تىعىز سەلبەسىپ، حالىقارالىق ورىنداردا ءبىرىن ـ ءبىرى قولدادى. 2024 ـ جىلى 9 ـ ايدا جۇڭگو ـ افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى كەزىندە مەن ءتوراعا شي جينپيڭمەن بىرگە ۇلگى دەپ اتالعان ماۋريتيۋس ـ جۇڭگو قارىم - قاتىناسىن ستراتەگيالىق سەرىكتەستىك قارىم - قاتىناس دەڭگەيىنە كوتەرۋدى جاريالادىم. بۇل _ ەكى ەل قارىم - قاتىناسىنىڭ ىشكەرىلەي دامۋىنىڭ ەڭ شىنايى بەينەسى، دوسجار ەكى ەل حالقىنا باقىت جاراتادى، ءار ەل حالقىنىڭ حاۋىپسىزدىگى مەن گۇلدەنۋىن، ىرىس - قۇتىن جەبەۋگە ءتيىمدى.

سول كۇنى مەملەكەتتىك كەڭەستىڭ زۇڭليى لي چياڭ ماۆريتانيانىڭ زۇڭليى اجايمەن ءوزارا قۇتتىقتاۋ تەلەگرامماسىن جولدادى. لي چياڭ مىنالاردى ءبىلدىردى: جۇڭگو جاق ماۋريتيۋس جاقپەن قول ۇستاسا قۇلشىنىپ، جۇڭگو مەن ماۋريتيۋستىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن وراي ەتىپ، ءتوراعا شي جينپيڭ مەن گازۆاني زۇڭتۇڭ كەلىسكەن ماڭىزدى ورتاق تانىمدى بار كۇشپەن تياناقتاندىرىپ، جۇڭگو مەن ماۋريتانيانىڭ ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋدى قالايدى.

اجاي مىنانى ءبىلدىردى: ماۋريتيۋس جاق ءبىر جۇڭگو پرينسيبىنە تاباندى بولادى، گازۆاني زۇڭتۇڭ مەن ءتوراعا شي جينپيڭنىڭ الىستى بولجاعان جەتەكشىلىگىندە، جۇڭگو جاقپەن ماۋريتيۋس ـ جۇڭگو ستراتەگيالىق سەرىكتەستىك قارىم - قاتىناسىن كۇشەيتىپ، ەكى ەلدىڭ دامۋىنا قىزمەت ەتۋدى قالايدى.

كەلۋ قاينارى: حالىق تورابى