شىنياڭ جاساۋ كاسىبىنىڭ بيىگىنە ۇمتىلىپ، ”جاڭا“، ”جاسىل“ بولۋعا كۇش سالدى (ەرلىكپەن العا ۇمتىلىپ، ”14 - بەسجىلدىقتىڭ“ شەشۋشى جەڭىسىنە قول جەتكىزەيىك)

بايىرعى ونەركاسىپ قالاسى لياۋنيڭ ولكەسىنىڭ شىنياڭ قالاسى كەزىندە جاڭا جۇڭگونىڭ ونەركاسىپ تاريحىنداعى كوپتەگەن ”بىرىنشىلىكتى“ جاراتقان، ەندى جاڭا ءداۋىردىڭ جاڭا جورىعىندا ۇزدىكسىز تىڭ سەكىرىستى جۇزەگە اسىرۋدا:

بىلتىر 9 - ايدا بەيفاڭ اۋىر ونەركاسىپ توبى شەكتى سەرىكتەستىگى جوبالاپ جاساعان قاتتى تاۋ جىنىسى تۋنەلىن قازۋ ماشيناسى ”اتويشى ءنومىرلى“ جەكە ماشينامەن 26521 مەتر قازۋ رەكوردىن جاراتتى؛ بيىل جىل باسىندا دۇڭرۋان ەمدەۋ جۇيەسى شەكتى جارنا سەرىكتەستىگى زەرتتەپ جاساعان دۇنيە جۇزىندەگى تۇڭعىش 0.235 سەكۋندتىق ”ۋلترا دىبىس جىلدامدىعى“ كەڭ تۇلعالى CT اپپاراتى اراب حالىقارالىق ەمدەۋ جابدىقتارى كورمەسىندە بوي كورسەتتى؛ بيىل 7 - ايدا لياۋنيڭ امبەباپ اۆياتسيا زەرتتەۋ اكادەمياسى دەربەس زەرتتەپ جاساعان ەلىمىزدىڭ تۇڭعىش ەلەكتر ارالاس قوزعاۋشى كۇش ۇشاعى RX4M شىنياڭدا تۇڭعىش رەت ءساتتى ۇشىرىلدى...

2023 - جىلى 9 - ايدا باس شۋجي شي جينپيڭ جاڭا داۋىردە شىعىس سولتۇستىكتى جاپپاي گۇلدەندىرۋدى ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى: ”شىعىس سولتۇستىكتى جاپپاي گۇلدەندىرۋدى ىلگەرىلەتۋدىڭ نەگىزى ناقتى ەكونوميكادا، تەتىگى عىلىم - تەحنيكادا جاڭالىق اشۋدا، بەتالىسى كاسىپ سالاسىنىڭ دارەجەسىن جوعارىلاتۋدا“. بيىل 1 - ايدا باس شۋجي شي جينپيڭ لياۋنيڭدا قىزمەت تەكسەرگەندە: ”جاساۋ كاسىبى جوعارى دەڭگەيلىلەنۋ، زەردەلىلەنۋ، جاسىلدانۋ بەتالىسىنا تاباندى بولىپ، ءونىمنىڭ عىلىم - تەحنيكالىق قۇرامى مەن قوسىمشا قۇنىن ۇزدىكسىز جوعارىلاتۋى كەرەك“ دەپ اتاپ كورسەتتى.

باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاعان شىنياڭ وسىزاماندانعان كاسىپ سالاسى جۇيەسىن جەدەل ورناتىپ، جاساۋ كاسىبىنىڭ جوعارى دەڭگەيلىلەنۋىن، زەردەلىلەنۋىن، جاسىلدانۋىن كۇش سالا ىلگەرىلەتىپ، بيىككە ۇمتىلىپ، ”جاڭا“، ”جاسىل“ بولۋعا كۇش سالىپ، جوعارى ساپالى دامۋدىڭ نەگىزىن ۇزدىكسىز بەكەمدەدى.

وزىق جاساۋ كاسىبى شوعىرىن جەدەل دامىتىپ، قۇن تىزبەگىنىڭ ورتا، جوعارى دەڭگەيىنە كوتەرىلۋگە قۇلشىندى _

مۋزىكا ءۇنى كوتەرىلدى، ءبىر ”مەحانيكالىق قول“ ءبىر كاسىپتىك ارتيسپەن بىرگە ونەر كورسەتىپ، اينالۋ، كوتەرۋ اراسىندا ادام مەن ماشينانىڭ ىقپالداستىعىن ورىندادى. ”بۇل ءبىزدىڭ بيىل جاڭادان شىعارعان ۇلكەن جۇك كوتەرەتىن قۇلتەمىرىمىز، ەڭ كوپ بولعاندا 270 كيلوگرام اۋىر زاتتى كوتەرە الادى، ارەكەت دالدىگى ميلليمەتر دارەجەسىنە جەتەدى“ دەدى شىنياڭ شينسۇڭ قۇلتەمىر اۆتوماتتاندىرۋ شەكتى جارنا سەرىكتەستىگىنىڭ ءتوراعاسى جاڭ جين.

قازىر شينسۇڭ سەرىكتەستىگىنىڭ ونىمدەرى 40 نەشە مەملەكەت پەن رايونعا ەكسپورت ەتىلۋدە. وتكەن جىلدىڭ سوڭىنا دەيىن شىنياڭ قۇلتەمىر جانە زەردەلى جاساۋ شوعىرى 700 دەن استام ونەركاسىپ كاسىپورنىن شوعىرلاندىرىپ، ءونىم قۇنىنىڭ بۇكىل قالا ونەركاسىپ جالپى ءونىم قۇنىنداعى سالىستىرماسى %20 تەن استى.

سوڭعى جىلدارى شىنياڭ قالاسى وزىق جاساۋ كاسىبى شوعىرىن جەدەل دامىتۋ جونىندەگى اتقارۋ پىكىرى مەن 10 ءتۇيىندى كاسىپ سالاسى شوعىرى ارناۋلى جوباسىن ىركەس - تىركەس شىعارىپ، جاساۋ كاسىبىنىڭ كاسىپ تىزبەگىنىڭ، قۇن تىزبەگىنىڭ ورتا، جوعارى دەڭگەيىنە قادام تاستاۋىنا دەم بەردى. 2024 - جىلى بۇكىل قالاداعى 10 ءتۇيىندى كاسىپ شوعىرىنىڭ كولەمى ءبىر تريلليون يۋاننان اسىپ، 100 ميلليارد يۋاندىق كاسىپ شوعىرىنىڭ سانى 5 كە جەتتى؛ شىنياڭ ءىرى ونەركاسىپ انا ماشينا شوعىرى، شىنياڭ اۆياتسيا شوعىرى مەملەكەتتىڭ وزىق جاساۋ كاسىبى شوعىرىنا ەنگىزىلدى.

ونەركاسىپ كاسىپورىندارىنىڭ زەردەلىلەنۋىن، جاڭالانۋىن ىلگەرىلەتىپ، جاڭا بۋىن ينفورماتسيا تەحنيكاسى مەن ءداستۇرلى جاساۋ كاسىبىنىڭ توعىسۋىن جەدەلدەتتى _

شىنگۋ توبىندا ونەركاسىپ ينتەرنەتىنىڭ قولدانىلۋىنىڭ ارقاسىندا، ءار جىلى ءبىر ميلليون 900 مىڭنان استام چەرتوج قاعازى ۇنەمدەلىپ، قالاقتى دوڭگەلەك سياقتى شەشۋشى ۇساق بولشەكتەردى مانەرلەۋ ونىمدىلىگى %28.2 جوعارىلادى؛ بەيفاڭ اۋىر ونەركاسىپ توبىندا ءىرى ساندى مالىمەت تۇعىرىن قۇرۋ ارقىلى جاساۋ پەريودى %30 تەن استام قىسقاردى... شىنياڭ قالاسى ونەركاسىپ كاسىپورىندارىنىڭ بۇلتتىق جۇيەگە ەنىپ، ”سان - سيفر“ قولدانۋىن ىلگەرىلەتىپ، ”جابدىق وزەگىن اۋىستىرۋ“، ”ءوندىرىس جەلىسىن اۋىستىرۋ“ ارەكەتىن ورىستەتىپ، جاڭا بۋىن ينفورماتسيا تەحنيكاسى ارقىلى ءداستۇرلى كاسىپ سالالارىنىڭ تيپىن وزگەرتىپ، دارەجەسىن جوعارىلاتۋىنا دەم بەردى.

2024 – جىلى شىنياڭ ”اقىل – پاراسات جاعىنان وزگەرتىپ، سان - سيفرعا بۇرىلىس جاساۋدى“ تۇتقا ەتىپ، 105 زەردەلى دارەجەسىن جوعارىلاتۋ نىسانىن اتقارىپ، 23 زەردەلى زاۆودتى، 30 سيفرلانعان سەحتى جاڭادان جەتىلدىرىپ، ونەركاسىپ كاسىپورىندارىنىڭ سيفرلاندىرىلعان زەرتتەۋ – اشۋ، جوبالاۋ قۇرالدارىنىڭ جالپىلاسۋ شاماسىن، شەشۋشى جۇمىس ءتارتىبىنىڭ سيفرلانعان مەڭگەرۋ شاماسىن جەكە – جەكە %82.8 كە، %71.5 كە جەتكىزدى. شىنياڭ بۇكىل ەلدەگى تۇڭعىش توپتاعى جاساۋ كاسىبىنىڭ جاڭاشا تەحنيكالىق جاقتان قايتا قۇرۋ سىناق ءتۇيىنى قالالارىنىڭ قاتارىنان ورىن الىپ، ”5G + ونەركاسىپ ينتەرنەتى“ توعىسپالى قولدانىسىن تۇيىندە سىناق ەتەتىن قالالارعا تاڭدالىپ، جاساۋ كاسىبىنىڭ دامۋ ساپاسى، ونىمدىلىگى زور دارەجەدە جوعارىلادى.

”جاسىل جاساۋ“ ارناۋلى ارەكەتىن اتقارىپ، كاسىپ سالاسىن دامىتۋدىڭ ”جاسىلدىق مولشەرىن“ ۇزدىكسىز جوعارىلاتتى −

دۇڭبەي ءدارى جاساۋ توبى شەكتى جارنا سەرىكتەستىگىنىڭ شيكىزات ءدارى - دارمەك زاۆود رايونىنا بارعانىمىزدا، جىپىرلاعان جابىق گاز قۇبىرلارىن كوردىك، اۋادان بوگدە ءيىس سەزىلمەيدى. ”زاۆود اۋماعى بۇكىلدەي جابىق ءوندىرىس ورتاسىن، ءبىر تۇتاس گاز جيناۋ قۇبىر تورىن جۇزەگە اسىردى“. دۇڭبەي ءدارى جاساۋ توبى پارتكومى شۋجيىنىڭ ورىنباسارى جاڭ نان بىلاي دەدى: ”ۆيتامين C ءوندىرىسىن الىپ ايتساق، ءارقايسى اۋماقتاعى مەتانولدان شىققان گازدى جيناۋ، بۇركۋ، ورتەۋ ارقىلى جاراقسىز گازدىڭ شىعارىلۋىن ءونىمدى تۇردە ازايتامىز“.

كاسىپ سالاسىنىڭ جاسىل، تومەن كومىرتەكتى دامۋىن جەدەلدەتكەن شىنياڭ ”جاسىل جاساۋ“ ارناۋلى ارەكەتىن ىشكەرىلەي اتقارىپ، مەملەكەت دارەجەلى 74 جاسىل جاساۋ ورنىن، ولكە دارەجەلى 275 ورىندى جەتىلدىردى؛ تەحنيكالىق جاقتان قايتا قۇرۋ، بايلىقتان اينالمالى پايدالانۋ سياقتىلار ارقىلى ونەركاسىپ ورىندارىنىڭ ارتقان قۇنىنداعى ەنەرگيا قۇراۋىن 4 جىلدا %15 تەن استام تومەندەتۋدى ىلگەرىلەتتى.

جاساۋ كاسىبىندەگى ءىرى قالادان جاساۋ كاسىبىندەگى قۋاتتى قالاعا قادام تاستاعان شىنياڭدا جاساۋ كاسىبىنىڭ جوعارى ساپالى دامۋى تەز، ورنىقتى بولدى. 2024 - جىلى شىنياڭ قالاسىنىڭ كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن %17.6 ارتىپ، عىلىم - تەحنيكالىق كاسىپورىندار 25 مىڭنان استى. ”باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىعان شىنياڭ وزىندىك ەرەكشەلىككە، ابزالدىققا يە وسىزاماندانعان كاسىپ سالاسى جۇيەسىن قۇرۋدى كۇش سالا جەدەلدەتىپ، كاسىپ سالاسى تىزبەگىنىڭ، قامداۋ تىزبەگىنىڭ دەربەس، مەڭگەرىمدى بولۋ دەڭگەيىن ورنىقتى جوعارىلاتتى“ دەدى لياۋنيڭ ولكەلىك پارتكومنىڭ تۇراقتى مۇشەسى، شىنياڭ قالالىق پارتكومنىڭ شۋجيى حو بۋگاڭ.

كەلۋ قاينارى: حالىق تورابى