مەملەكەتتىك جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ جۇڭگوشا سوتسياليزم ىستەرىنىڭ تاڭداۋلى قۇرىلىسشىلارىن ماداقتاۋ - سيلاۋ جينالىسى بەيجيڭدە اشىلدى

«حالىق گازەتى»، 7 - ايدىڭ 29 - كۇنى، بەيجيڭ (ءتىلشى لي چاڭيۇي)، مەملەكەتتىك جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ جۇڭگوشا سوتسياليزم ىستەرىنىڭ تاڭداۋلى قۇرىلىسشىلارىن ماداقتاۋ - سيلاۋ جينالىسى 7 - ايدىڭ 29 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ ”ەكىدەن تيتتەي دە اۋىتقىماۋ“، ”ءۇشتىڭ وزگەرمەۋى“، ”ەكى اقاۋسىزدىق“ سياقتى كەلەلى باعىت - ساياساتتارىن ىشكەرىلەي دايەكتىلەندىرىپ، تياناقتاندىرىپ، ۇزدىكتەردى باعالاۋ، ماداقتاۋ - سيلاۋدىڭ ۇلگىلىك، جەتەكشىلىك رولىن تولىق ساۋلەلەندىرىپ، جالپىلىق مەنشىككە جاتپايتىن شارۋاشىلىق سالاسىنداعى قالىڭ قايراتكەرلەردى جانە جاڭا قوعامدىق جىكتەگى قايراتكەرلەردى ىنتىماقتاسا كۇرەس جۇرگىزۋگە، ەڭبەك ءسىڭىرىپ، ۇلەس قوسىپ، بۇلجىماستان جۇڭگوشا سوتسياليزمنىڭ قۇرۋشىسى، جۇڭگو ۇلگىسىندەگى وسىزامانداندىرۋدىڭ جەبەۋشىسى بولۋعا شابىتتاندىرۋ كەرەك.

ۋاڭ حۋنيڭ مىنالاردى ءبىلدىردى: پارتيا 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى جالپىلىق مەنشىككە جاتپايتىن شارۋاشىلىقتىڭ دامۋىنا ايرىقشا ءمان بەرىپ، جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ ەسەيىپ – ەرجەتۋىنە شىنايى قامقورلىق جاساپ، ءبىرقىدىرۋ ماڭىزدى ورنالاستىرۋ جاساپ، ءبىرقىدىرۋ ساياساتتىق شارانى ورتاعا قويدى جانە كەمەلدەندىردى. جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەر مەن جاڭا قوعامدىق جىكتەگى قايراتكەرلەر العىس ايتىپ، ۇدەرە العا تارتىپ، ناقتى ىستەپ، كۇرەس جۇرگىزىپ، جاڭا داۋىردەگى جۇڭگوشا سوتسياليزم ىستەرىن ىلگەرىلەتۋگە ماڭىزدى ۇلەس قوستى. جاڭا جورىقتا كوپشىلىكتىڭ ءداۋىردىڭ اۋىر مىندەتىن باتىلدىقپەن ارقالاپ، دامۋ سەنىمىن كۇشەيتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋگە تاعى دا تىڭ ۇلەس قوسۋىن ءۇمىت ەتەمىن. وتان ءۇمىتىن اقتاۋ مۇراتىن كوكەيدە ساقتاپ، جاۋاپكەرشىلىكتى كۇشەيتىپ، ۇلگى كورسەتىپ، مۇرات دەڭگەيىن جوعارىلاتىپ، وتباسى، وتان سۇيىسپەنشىلىگىن نىعايتىپ، باستان - اياق پارتيامەن بىرگە ويلاپ، بىرگە تۇرىپ، بىرگە ىستەپ، جەكە ادامنىڭ كۇرەسىن، كاسىپورىننىڭ دامۋىن مەملەكەتتىڭ گۇلدەنۋىمەن، ۇلتتىڭ گۇلدەنۋىمەن، حالىقتىڭ باقىتىمەن سانالى تۇردە ۇشتاستىرۋ كەرەك. دامۋدى كوزدەۋ جاعىندا جاۋاپكەرشىلىكتى كۇشەيتىپ، ۇلگى كورسەتىپ، جاڭا دامۋ ۇستانىمىن امالياتتا ايگىلەپ، جوعارى ساپالى دامۋ جولىمەن باتىل ءجۇرىپ، كاسىپورىنداردىڭ ساپاسىن، ونىمدىلىگىن جانە وزەكتى باسەكەلىك قۋاتىن ۇزدىكسىز جوعارىلاتۋ كەرەك. زاڭعا بويسۇنۋ، تيجارات جۇرگىزۋگە شەبەر بولۋ جاعىندا جاۋاپكەرشىلىكتى كۇشەيتىپ، ۇلگى كورسەتىپ، تارتىپكە، زاڭعا بويسۇنىپ كاسىپورىن قۇرىپ، اشىق - جارقىن تيجارات جۇرگىزىپ، زاڭمەن جونگە سالىناتىن حالىقتىق كاسىپورىنداردى، پاك حالىقتىق كاسىپورىنداردى قۇرۋ كەرەك. الدىمەن اۋقاتتانۋ، بىرگە اۋقاتتانۋدى جەبەۋ جاعىندا جاۋاپكەرشىلىكتى كۇشەيتىپ، ۇلگى كورسەتىپ، قوعامدىق جاۋاپكەرشىلىكتى اتقارىپ، بايىعاندا جاۋاپكەرشىلىك ارقالاۋ، بايىعاندا ادىلەتتى جاقتاۋ، بايىعاندا سۇيىسپەنشىلىك ارناۋ كەرەك.

ۋاڭ حۋنيڭ مىنالاردى ءبىلدىردى: ءار دارەجەلى پارتكومدار مەن ۇكىمەتتەر حالىقتىق شارۋاشىلىقتىڭ دامۋىن جەبەيتىن ساياساتتىق شارالاردى تىڭعىلىقتى تياناقتاندىرىپ، حالىقتىق كاسىپورىندار مەن حالىقتىق كاسىپورىنشىلاردىڭ زاڭدى ۇقىق - مۇددەسىن زاڭ بويىنشا قورعاۋى كەرەك. ءار دارەجەلى پارتكومداردىڭ بىرلىكساپ تاراۋلارى ”ەكى اقاۋسىزدىقتى“ جەبەۋ قىزمەت مەحانيزمىن اقاۋسىزداندىرىپ، يدەيالىق - ساياسي جەتەكشىلىكتى كۇشەيتۋى كەرەك. ءار دارەجەلى ساۋدا - ونەركاسىپشىلەر بىرلەستىگى ۇيىمدارى كوپىرلىك، دانەكەرلىك جانە كومەكشىلىك رولدارىن ساۋلەلەندىرىپ، ”حالىقتىق شارۋاشىلىق قايراتكەرلەرى وتاۋىن“ ويداعىداي قۇرۋى كەرەك.

لي گانجيە ماداقتاۋ - سيلاۋ جينالىسىن باسقاردى، حاۋ ميڭجين، چىن ي - چين، گاۋ يۇنلۇڭ ماداقتاۋ - سيلاۋ جينالىسىنا قاتىناستى.

جالپىلىق مەنشىككە جاتپايتىن شارۋاشىلىق سالاسىنداعى جانە جاڭا قوعامدىق جىكتەگى 100 قايراتكەر ”جۇڭگوشا سوتسياليزم ىستەرىنىڭ تاڭداۋلى قۇرىلىسشىلارى“ اتاعىن الدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى نەگىزگى جاۋاپتى جولداس ماداقتاۋ - سيلاۋ قارارىن وقىدى. تاڭداۋلى قۇرىلىسشىلاردىڭ ۋاكىلدەرى ماداقتاۋ - سيلاۋ جينالىسىندا ءسوز سويلەدى ءارى ۇندەۋ حاتىن وقىدى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ولكە، اۆتونوميالى رايون، توتە قاراستى قالالار جانە شينجياڭ ءوندىرىس - قۇرىلىس بيڭتۋانى پارتكومدارىنىڭ بىرلىكساپ بولىمىندەگى، ساۋدا - ونەركاسىپشىلەر بىرلەستىگىندەگى جاۋاپتى جولداستار قاتارلىلار ماداقتاۋ - سيلاۋ جينالىسىنا قاتىناستى.