2025.08.01 13:43 كەلۋ قاينارى : حالىق تورابى
شينحۋا اگەنتتىگىنىڭ 7 – ايدىڭ 31 – كۇنى بەيجيڭنەن بەرگەن حابارى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى 7 – ايدىڭ 31 – كۇنى «زەينەتكە شىعۋ جاسىنان اسقان ەڭبەكشىلەردىڭ نەگىزدىك ۇقىق - مۇددەسىن قامتاماسىزداندىرۋ جونىندەگى ۋاقىتتىق بەلگىلەمەنى (اشىق پىكىر قابىلداناتىن نۇسقا)» جاريالاعان، سول كۇننەن باستاپ 8 – ايدىڭ 31 – كۇنىنە دەيىن قوعامداعىلاردان اشىق پىكىر قابىلدانادى.
پىكىر قابىلداناتىن نۇسقادا زەينەتكە شىعۋ جاسىنان اسقان ەڭبەكشىلەردىڭ نەگىزدىك ۇقىق - مۇددەسىن قامتاماسىزداندىرۋعا ساياتىن مازمۇندار انىق بەلگىلەنگەن، زەينەتكە شىعۋ جاسىنان اسقان ەڭبەكشىلەردىڭ ەڭبەكاقى الۋى، دەمالىس الۋى، ەڭبەك حاۋىپسىزدىگى جانە دەنساۋلىعى، جۇمىس ۇستىندە جارالانۋعا قاتىستى قامتاماسىزداندىرىلۋى قاتارلى نەگىزدىك ۇقىق – مۇددەلەرىنە كەپىلدىك ەتۋدى كۇشەيتۋ، داۋ – شاردى ءبىر جاقتى ەتۋ جولدارىن ىركىلىسسىزدەندىرۋ ورتاعا قويىلعان، زەينەتكە شىعۋ جاسىنان اسقان ەڭبەكشىلەردىڭ ەڭبەككە قاتىستى داۋ – شار تۋىلعاندا جاراستىرۋدى جانە تورەلىك ايتۋدى ءوتىنىش ەتۋ، حالىق سوتى مەكەمەسىنە ارىزدانۋ، ادام كۇشى بايلىعى جانە قوعامدىق قامتاماسىزداندىرۋ تاراۋلارىنا اشكەرەلەۋ قاتارلى جولدار ارقىلى ءوزىنىڭ زاڭدى ۇقىق – مۇددەسىن قامتاماسىزداندىرۋىنا بولادى.
اشىق پىكىر قابىلداناتىن مەزگىلدە، جۇرتشىلىق ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ تورابىنا شىعۋ، حات جازۋ، ەلەكتروندىق حات جولداۋ قاتارلى تاسىلدەر ارقىلى پىكىرىن بىلدىرۋىنە بولادى.
كەلۋ قاينارى: حالىق تورابى