رىن جيانشين جولداس دۇنيەگە كەلگەندىگىنىڭ 100 جىلدىعىن ەسكە ءتۇسىرۋ اڭگىمە ءماجىلىسى بەيجيڭدە وتكىزىلدى

شينحۋا اگەنتتىگى، 8 - ايدىڭ 5 - كۇنى، بەيجيڭ. رىن جيانشين جولداس دۇنيەگە كەلگەندىگىنىڭ 100 جىلدىعىن ەسكە ءتۇسىرۋ اڭگىمە ءماجىلىسى 8 - ايدىڭ 5 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اڭگىمە ماجىلىسىنە قاتىناستى ءارى ماجىلىستەن بۇرىن رىن جيانشين جولداستىڭ تۋىس - تۋعانىمەن كەزدەستى.

رىن جيانشين جولداس _ ەلىمىزدىڭ ساياسي - زاڭ شەبىنىڭ كورنەكتى باسشىسى، جۇڭگو كوممۋنيستىك پارتياسى 14 - كەزەكتى ورتالىق كوميتەتى شۋجيچۋىنىڭ شۋجيى، ورتالىق ساياسي - زاڭ كوميتەتىنىڭ بۇرىنعى شۋجيى، 9 - كەزەكتى مەملەكەتتىك ساياسي كەڭەس ءتوراعاسىنىڭ ورىنباسارى، ەڭ جوعارى حالىق سوتى مەكەمەسىنىڭ بۇرىنعى باستىعى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ساياسي - زاڭ كوميتەتىنىڭ شۋجيى چىن ۋىنچيڭ اڭگىمە ماجىلىسىندە رىن جيانشين جولداستىڭ شۇعىلالى ءومىرىن ساعىنا ەسكە الىپ، بىلاي دەپ باسا دارىپتەدى: ونىڭ پارتياعا مۇلدەم ادال بولۋداي ساياسي قاسيەتىنەن، ءومىر بويى ساياسي - زاڭ ىستەرىنە كۇش سالاتىن قاجىماس تالپىنىسىنان، ءادىليانى حالىق ءۇشىن جۇرگىزەتىن تەرەڭ سۇيىسپەنشىلىگىنەن، تارتىپكە قاتاڭ بويسۇناتىن، پاك، كىرشىكسىز رۋحاني ورەسىنەن ۇيرەنىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك.

ەڭ جوعارى حالىق سوتى مەكەمەسىنىڭ باستىعى جاڭ جۇن اڭگىمە ماجىلىسىنە قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ اڭگىمە ءماجىلىسىن باسقاردى.

كەلۋ قاينارى: حالىق تورابى