مەملەكەتتىك كەڭەس كەڭسە مەڭگەرمەسى «مەكتەپكە دەيىنگى اقىسىز وقىتۋدى بىرتىندەپ جالپىلاستىرۋ جونىندەگى پىكىردى» باسىپ تاراتتى

شينحۋا اگەنتتىگى، 8 - ايدىڭ 5 - كۇنى، بەيجيڭ. بىرنەشە كۇننىڭ الدىندا مەملەكەتتىك كەڭەس كەڭسەسى «مەكتەپكە دەيىنگى اقىسىز وقىتۋدى بىرتىندەپ جالپىلاستىرۋ جونىندەگى پىكىردى» باسىپ تاراتىپ، مەكتەپكە دەيىنگى وقىتۋدىڭ جالپىلاسۋىن، جالپىعا ءتيىمدى، حاۋىپسىز، ساپالى دامۋىن ىلگەرىلەتتى.

«پىكىردە» بىلاي دەپ باسا دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، نازاردى حالىق بۇقاراسىنىڭ اسىققانىنا، قاجەتىنە، ارمان - تىلەگىنە شوعىرلاندىرىپ، جالپىلاستىرۋدى، جالپىعا ءتيىمدى بولۋدى كۇشەيتۋ، ورنىقتى، ءتارتىپتى ىلگەرىلەتۋ، ۇكىمەتتىڭ ۇسىنىلىمىن ارتتىرۋ، قاراجاتتى ۇيلەسىمدى ءبولىپ كوتەرۋ پرينسيبى بويىنشا، مەكتەپكە دەيىنگى وقىتۋ، تاربيەلەۋ قاراجاتىن بىرتىندەپ كۇشىنەن قالدىرىپ، وقۋ - اعارتۋدىڭ وزىندىك قۇنىن ءونىمدى تومەندەتىپ، نەگىزگى الەۋمەتتىك وقۋ - اعارتۋعا قىزمەت وتەۋ ورەسىن جوعارىلاتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك.

«پىكىردە» مىنالار ايقىن بەلگىلەندى: 2025 - جىلى كۇزگى وقۋ ماۋسىمىنان باستاپ ۇكىمەت باسقارۋىنداعى بالالار باقشاسىنىڭ مەكتەپكە دەيىنگى ءبىر جىلدىق بالالار باقشاسىنداعى بالالاردى قاراۋ، تاربيەلەۋ قاراجاتى كەشىرىم ەتىلەدى. قاراۋ، تاربيەلەۋ قاراجاتىن كەشىرىم ەتۋ ولشەمى اۋدان دارەجەلىدەن جوعارى جەرگىلىكتى حالىق ۇكىمەتتەرى مەن ونىڭ وقۋ - اعارتۋ، باعا باسقارۋ تاراۋلارى بەكىتكەن ۇكىمەت باسقارۋىنداعى بالالار باقشاسىنىڭ تاربيەلەۋ قاراجاتىن كەشىرىم ەتۋ ولشەمى (تاماق قاراجاتى، جاتاق قاراجاتى، ۇساق - تۇيەك قاراجات سياقتىلار قامتىلمايدى) بويىنشا اتقارىلادى. وقۋ - اعارتۋ تاراۋلارىنىڭ بەكىتۋىمەن قۇرىلعان حالىق باسقارۋىنداعى بالالار باقشاسىندا وقىپ جاتقان وقۋ جاسىنداعى بالالاردىڭ سول جەردەگى ۇقساس تۇردەگى ۇكىمەت باسقارۋىنداعى بالالار باقشاسىنىڭ ورەسىنەن پايدالانىپ، قاراۋ، تاربيەلەۋ قاراجاتىن سايكەستى تۇردە كەمەيتۋ، كەشىرىم ەتۋ كەرەك. حالىق باسقارۋىنداعى بالالار باقشاسىنىڭ تاربيەلەۋ قاراجاتى كەشىرىم ەتىلەتىن ورەدەن جوعارى بولسا، بالالار باقشاسىنىڭ بەلگىلەمە بويىنشا باقشاداعى بالالار وتباسىنان جالعاستى الۋىنا بولادى. قاراۋ، تاربيەلەۋ قاراجاتىن كەشىرىم ەتۋ سەبەبىنەن بالالار باقشاسىنىڭ كىرىسى ازايعان بولەگىنە قازىنا تاراۋلارى قاراۋ، تاربيەلەۋ قاراجاتىن كەشىرىم ەتۋ، باقشاداعى بالالاردىڭ سانى، تۇرعان جەردەگى قاراۋ، تاربيەلەۋ قاراجاتى، وقۋشىلاردىڭ ءىس جۇزىندىك اقى الۋ ورەسى سياقتى جاعدايلاردى جان - جاقتى ويلاستىرىپ، بالالار باقشاسىنا قوسىمشا قاراجات بەرەدى.

«پىكىردە» مىنالار ورتاعا قويىلدى: مەملەكەت ءبىر تۇتاس اتقارعان قاراۋ، تاربيەلەۋ قاراجاتىن كەشىرىم ەتۋ ساياساتى نەگىزىندە، ءارقايسى ولكەنى ءىس جۇزىندىك جاعدايمەن ۇشتاستىرىپ، وتباسىندا ەكونوميكالىق قيىنشىلىعى بار بالالار، جەتىم بالالار جانە مۇگەدەك بالالار سياقتى قاۋىمعا قارجىلاي كومەك بەرۋ ساياساتىن اناعۇرلىم بەكەمدەپ جانە تياناقتاندىرىپ، ەڭ تومەنگى شەكتەن تۇسىرمەي قامتاماسىز ەتۋدى ويداعىداي ىستەۋگە شابىتتاندىرۋ كەرەك. سونىمەن بىرگە، «جۇڭحۋا حالىق رەسپۋبليكاسىنىڭ مەكتەپكە دەيىنگى وقىتۋ زاڭىن» مۇقيات تياناقتاندىرىپ، نەگىزگە، جالپىعا ءتيىمدى بولۋعا كەپىلدىك ەتۋگە تاباندى بولىپ، مەكتەپكە دەيىنگى وقىتۋعا قوسىلىم مەحانيزمىن اناعۇرلىم اقاۋسىزداندىرۋ كەرەك.

«پىكىردە» مىنالار تالاپ ەتىلدى: ولكەلەر ولكە دارەجەلى ءبىر تۇتاس جوسپارلاۋ رولىن ساۋلەلەندىرىپ، قىزمەت مەحانيزمىن كەمەلدەندىرىپ، جاۋاپكەرشىلىك ءبولىسىن ايقىنداپ، ناقتى اتقارۋ جوباسىن جاساپ، ءوز رايونىندا اتقارىلعان مەكتەپكە دەيىنگى وقىتۋعا قارجىلاي كومەك بەرۋ ساياساتىمەن ويداعىداي ۇشتاستىرۋى كەرەك. جەرگىلىكتى ءار دارەجەلى قازىنا، وقۋ - اعارتۋ تاراۋلارى كۇندەلىكتى باقىلاۋ - مەڭگەرۋدى كۇشەيتىپ، قارجىمەن قامتاماسىز ەتۋدى جانە پايدالانۋدى باسقارۋدى كۇشەيتىپ، قارجىنى دەر كەزىندە تولىق بوساتىپ، بالالار باقشاسىنىڭ قالىپتى اينالىمىنا كەپىلدىك ەتىپ، وقىتۋشىلاردىڭ ەڭبەكاقىسىن كەشەۋىلدەتۋگە قاتاڭ تيىم سالۋى كەرەك. جەرگىلىكتى ءار دارەجەلى وقۋ - اعارتۋ تاراۋلارى باقىلاۋ - باسقارۋ جاۋاپكەرشىلىگىن قاتاڭ تياناقتاندىرىپ، باقشا قۇرۋ ارەكەتىن ارناعا ءتۇسىرىپ، باقشاداعى بالالاردىڭ دەنساۋلىعىن شىنايى ويداعىداي قورعاۋى كەرەك.

كەلۋ قاينارى: حالىق تورابى