قازىنا مينيسترلىگى: باعۋ – تاربيەلەۋ قاراجاتىن الماۋعا قاجەتتى قوسىمشا قاراجاتتى تاراتۋدا ورتا – باتىس بولىكتەگى وڭىرلەرگە باسىمدىلىق بەرىلەدى 

8 – ايدىڭ 7 – كۇنى تۇستەن بۇرىن ساعات 10 دا، مەملەكەتتىك كەڭەستىڭ كەڭسە مەڭگەرمەسى مەملەكەتتىك كەڭەستىڭ ساياسات تۋرالى كەزەكتى قۇلاققاعىس ەتۋ ءماجىلىسىن وتكىزدى، قازىنا مينيسترلىگىنىڭ ورىنباسار مينيسترى گو تيڭتيڭ مەن وقۋ – اعارتۋ مينيسترلىگىنىڭ قاتىستى جاۋاپتىلارى مەكتەپكە دەيىنگى تاربيەنى تەگىن ورىستەتۋدى بىرتىندەپ ىلگەرىلەتۋ ساياساتىنا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ قايتادى.

قازىنا مينيسترلىگىنىڭ ورىنباسار مينيسترى گو تيڭتيڭ بىلاي دەپ تانىستىردى: باعۋ – تاربيەلەۋ قاراجاتىن الماۋعا قاجەتتى قوسىمشا قاراجاتتى ورتالىق پەن جەرگىلىكتى ورىن بىرگە ارقالايدى، ورتالىق قازىنا كوپ ءبولىمىن ارقالاپ، باتىس بولىكتەگى وڭىرلەرگە باسىمدىلىق بەرەدى. جەر – جەر ورتالىقتىڭ قوسىمشا قاراجاتى مەن ءوزىنىڭ قازىنالىق قۋاتىن ءبىرتۇتاس جوسپارلاپ ورنالاستىرىپ، قاراجاتتى دەر كەزىندە تولىق سومادا بولۋگە كەپىلدىك ەتىپ، حالىققا ءتيىمدى بۇل ساياساتتىڭ ءساتتى اتقارىلۋىنا كەپىلدىك ەتۋ كەرەك.

گو تيڭتيڭ مىنانى ءبىلدىردى: ەلىمىزدىڭ مەملەكەت جاعدايىن جان – جاقتى ويلاستىرا وتىرىپ، مۇمكىندىكتىڭ بارىنشا كۇش سالىپ، شاماعا قاراي ىستەۋگە تاباندى بولىپ، بالالار باقشاسىنىڭ ۇلكەن كلاسىنان باستاپ باعۋ – تاربيەلەۋ قاراجاتىن الماۋدى اتقارىپ، ساياساتتىڭ ۇزدىكسىز اتقارىلۋىنا كەپىلدىك ەتىلەدى. سوڭىنان ۇيلەسىمدى ۋاقىتتا ساياساتتىق شارالاردى زەرتتەپ كەمەلدەندىرىپ، اناعۇرلىم كوپ بالانىڭ ءتيىمدى ساياساتتان يگىلىكتەنۋىنە شارت – جاعداي جاراتىلادى.

كەلۋ قاينارى: حالىق تورابى