ەلىمىزدىڭ ايعا عارىشكەر شىعارۋ ىسىندە جاڭا ىلگەرىلەۋشىلىك بولدى

بەيجيڭ ۋاقىتى بويىنشا 2025 – جىلى 8 – ايدىڭ 6 – كۇنى، لانيۋە اي بەتىنە قونۋ اسپابىن قوندىرۋ – ۇشىرۋ ۋنيۆەرسال سىناعى حىبەي ولكەسى حۋايلاي اۋدانىنداعى جەردەن تىسقارى اسپان دەنەسىنە قوندىرۋ – ۇشىرۋدى سىناق ەتۋ الاڭىندا ءساتتى ورىندالدى. وسى رەتكى سىناق — ەلىمىز تۇڭعىش رەت وتكىزگەن عارىشكەرلى ۇشۋ اسپابىن جەردەن تىسقارى اسپان دەنەسىندە قوندىرۋ – ۇشىرۋ سىناعى، سىناقتىڭ جۇمىس بارىسى كۇردەلى، سىناق پەريودى ۇزاق، تەحنيكالىق قيىندىق دارەجەسى جوعارى، ەلىمىزدىڭ عارىشكەر جىبەرىپ ايدا بارلاۋ جۇرگىزۋ ينجەنەرياسىن زەرتتەۋ – بەلگىلەۋ قىزمەتىندەگى ماڭىزدى ءتۇيىن.

لانيۋە اي بەتىنە قونۋ اسپابى — ەلىمىز تۇڭعىش رەتكى ايعا عارىشكەر جىبەرىپ بارلاۋ جۇرگىزۋ مىندەتىنە باعىتتاي وتىرىپ، بۇكىلدەي جاڭادان زەرتتەپ جاساعان جەردەن تىسقارى اسپان دەنەسىنە قوناتىن جانە ۇشاتىن اسپاپ، ايعا قونۋ بولمەسى مەن ىلگەرىلەتۋ بولمەسىنەن قۇرالادى، باستىسى، اي وربيتاسى مەن اي بەتى اراسىندا عارىشكەردى تاسىمالداۋعا قولدانىلادى، 2 عارىشكەردى اپارىپ اكەلە الادى ءارى ايدا پايدالاناتىن ماشينا مەن عىلىمي زەرتتەۋگە قاجەتتى زاتتاردى تيەۋگە بولادى، عارىشكەرلەردىڭ ايعا قونعان سوڭ ايدا تىرشىلىك ەتۋ ورتالىعى، ەنەرگيا ورتالىعى جانە ساندى مالىمەت ورتالىعى سانالىپ، ايدا تۇراقتاپ تۇرۋ مەن ايدا قيمىل ورىستەتۋگە قولداۋ كورسەتە الادى.

قوندىرۋ – ۇشىرۋ ۋنيۆەرسال سىناعى بارىسىندا ايعا قوندىرۋ – ۇشىرۋ جۇيەسىنىڭ جوباسى، مەڭگەرۋ جوباسى، ايعا قونعان سوڭ ماشينانى توقتاتۋ جوباسى، GNC جانە ىلگەرىلەتۋ قاتارلى بولىمشە جۇيەلەر اراسىنداعى تۇيىلىستەردىڭ سايكەسىمدىلىگىنە جۇيەلى دە ۋنيۆەرسال سىناق جۇرگىزىلەدى. سىناقتىڭ تابىسپەن ورىندالۋى ەلىمىزدىڭ عارىشكەر جىبەرىپ ايدا بارلاۋ جۇرگىزۋ ينجەنەرياسىنىڭ زەرتتەۋ – جاساۋ قىزمەتىندە تىڭ دا ماڭىزدى جەتىستىككە قول جەتكىزىلگەنىن كورسەتەدى.

كەلۋ قاينارى: حالىق تورابى