ەلىمىز اۋىل – قىستاقتاعى تاس جولدى جاقسارتۋ جاعىنداعى جاڭا كەزەكتى ارەكەتتى اتقارادى 

جۇمىسشىلار گازەتىنىڭ ءتىلشىسى گان شي حابارلايدى. جۋىردا قاتىناس – تاسىمال مينيسترلىگى، قازىنا مينيسترلىگى، جاراتىلىستىق بايلىق مينيسترلىگى «اۋىل – قىستاق تاس جولىن جاقسارتۋ جاعىنداعى جاڭا كەزەكتى ارەكەت جوباسىن» (تومەندە قىسقارتىلىپ «جوبا» دەپ اتالادى) جاريالاپ، اۋىل – قىستاقتى دامىتۋ بەتالىسى مەن شارۋالار جۇرتشىلىعىنىڭ قاجەتىنە سايكەسىپ، جان سانىنىڭ ورنالاسۋى، كاسىپ سالاسى قۇرىلىمى، ەكونوميكا مەن قوعامنىڭ دامۋى قاتارلىلارمەن ۇشتاستىرا وتىرىپ، اۋىل – قىستاق تاس جولىن دامىتۋ جاعىنداعى باستى تۇيىندەر مەن ۋاقىت رەتىن جەرگىلىكتى جاعدايعا قاراي عىلىمي ورنالاستىرىپ، كولەمى مەن ولشەمىن ۇيلەسىمدى تۇراقتاندىرۋدى ورتاعا قويعان. «جوبادا» مىنالار ايقىن تۇراقتاندىرىلعان: 2027 – جىلعا بارعاندا، ەلىمىز بويىنشا اۋىل – قىستاقتا جاڭادان 300 مىڭ كيلومەتردەن استام تاس جول جاڭادان سالىنادى نەمەسە وزگەرتىلىپ سالىنادى، اۋىل – قىستاقتاردا قولايلى دا جوعارى ءونىمدى، جالپىعا ءتيىمدى دە ءادىل تاس جول تورى نەگىزىنەن سالىنىپ بولادى.

«جوبادا» مىنالار ورتاعا قويىلعان: 2027 – جىلعا بارعاندا، 300 مىڭ كيلومەترلىك تاس جولدا جوندەۋ سيپاتتى قورعاۋ ينجەنەرياسى اتقارىلادى، تەحنيكالىق جاعدايى ۇزدىك دەڭگەيدەگى تاس جول مولشەرى %70 تەن جوعارى ورەدە بولادى، 150 مىڭ كيلومەترلىك تاس جولدا ادام ءومىرىنىڭ حاۋىپسىزدىگىن قورعاۋ سيپاتتى ينجەنەريا اتقارىلىپ، حاۋىپتى، توزعان كوپىرلەردەن (شۇعىل جاعدايعا قاجەتتى وتكەلدەردى كوپىرگە وزگەرتۋ، سۋ باسىپ كەتەتىن كوپىرلەردى وزگەرتۋ قامتىلادى) 9000 كوپىر وزگەرتىلىپ سالىنادى، اۋىل – قىستاقتاعى تاس جولداردىڭ حاۋىپسىزدىگى مەن قىزمەت وتەۋ – قامتاماسىزداندىرۋ قۋاتى اناعۇرلىم جوعارىلاتىلادى؛ قۇرىلىمدىق قىستاقتارعا الەۋمەتتىك اۆتوبۋس قاتىناۋ مولشەرى %55 تەن ارتىپ، شارت – جاعدايى بار اۋدان دارەجەلى اكىمشىلىك رايونداردا اۋىل – قىستاقتى جولاۋشى – جۇك – پوچتا تاسىمالىن توعىسپالى دامىتۋمەن بۇكىلدەي قامتۋدى نەگىزىنەن ىسكە اسىرۋعا كۇش سالىنادى، قالا – اۋىلدىڭ قاتىناس – تاسىمال جاعىندا قىزمەت وتەۋ ورەسى اناعۇرلىم جوعارىلاتىلادى.

«جوبادا» مىنالار ورتاعا قويىلعان: جول تورىنىڭ ساپاسىن جوعارىلاتۋ ارەكەتى، حاۋىپسىزدىكتى جوعارىلاتۋ ارەكەتى، تاسىمال قۋاتىن جوعارىلاتۋ ارەكەتى، جونگە سالۋ قۋاتىن جوعارىلاتۋ ارەكەتى، ءجۇرىس – تۇرىس جاعىندا قىزمەت وتەۋ ساپاسىن جوعارىلاتۋ ارەكەتى، جاراسىمدى دا كورىكتى اۋىل – قىستاق ورەسىن جوعارىلاتۋ ارەكەتى، وندىرىسكە دەم بەرۋدى جوعارىلاتۋ ارەكەتى قاتارلى سەگىز ءتۇرلى ءتۇيىندى مىندەت اتقارىلادى.

كەلۋ قاينارى: حالىق تورابى