ەلىمىز بويىنشا جان سانىنىڭ %1 ىنەن ۇلگى الىپ تەكسەرۋ جۇرگىزۋ قىزمەتى بويىنشا كەلەسى ايدا وتباسىنا بارىپ تىزىمگە الۋ باستالادى 

مەملەكەتتىك ساناق مەڭگەرمەسىنىڭ 10 – ايدىڭ 17 – كۇنى جاريالاۋىنشا، ەلىمىز بويىنشا جان سانىنىڭ %1 ىنەن ۇلگى الىپ تەكسەرۋ جۇرگىزۋ قىزمەتى بويىنشا 2025 – جىلى 11 – ايدىڭ 1 – كۇنىنەن باستاپ، وتباسىلارعا بارىپ تىزىمگە الۋ باستالادى، وتباسىنا بارىپ تىزىمگە الۋ قىزمەتىنىڭ ۋاقىتى 2025 – جىلى 11 – ايدىڭ 1 – كۇنىنەن 30 – كۇنىنە دەيىن.

ەلىمىز بويىنشا جان سانىنىڭ %1 ىنەن ۇلگى الىپ تەكسەرۋ جۇرگىزۋدى ورىستەتۋ تۋرالى «مەملەكەت بويىنشا جان سانىنا جالپى بەتتىك تەكسەرۋ جۇرگىزۋ ەرەجەسىندە» ايقىن بەلگىلەنگەن، ادەتتە ەكى رەتكى جان سانىنا جالپى بەتتىك تەكسەرۋ جۇرگىزۋ اراسىندا، ەڭ سوڭعى سانى ”5“ پەن اياقتاعان جىلدارى جۇرگىزىلەدى، تەكسەرۋدەگى باستى ماقسات — جان سانىنىڭ دامۋ وزگەرىسىنىڭ جاعدايىن دەر كەزىندە يەلەۋ. 2025 – جىلى ەلىمىز بويىنشا جان سانىنىڭ %1 ىنەن ۇلگى الىپ تەكسەرۋ جۇرگىزۋدى بەلگىلەنگەن مەرزىمدە ورىستەتىپ، ەلىمىزدىڭ جان سانىنىڭ مولشەرى، ساپاسى، قۇرىلىمى، تارالۋى جانە قونىستانۋى جاقتارىندا تۋىلعان وزگەرىس جاعدايىن دەر كەزىندە انىقتاپ، جان سانىنىڭ دامۋ بەتالىسى مەن جىلجۋ زاڭدىلىعىن دۇرىس مەڭگەرۋ جان سانىنىڭ دامۋىنا قولداۋ كورسەتۋ جانە قىزمەت وتەۋ جۇيەسىن كەمەلدەندىرۋ، جاڭا داۋىردەگى جان سانىن دامىتۋ ستراتەگياسىن كەمەلدەندىرۋ، جان سانىنىڭ قارتتانۋىنا بايلانىستى بەلسەندى شارا قولدانۋ، جان سانىنىڭ جوعارى ساپالى دامۋىن ىلگەرىلەتۋ جاقتارىندا ماڭىزدى مانگە يە.

ۇقتىرۋدا مىنالار اتاپ كورسەتىلگەن: ەلىمىز بويىنشا جان سانىنىڭ %1 ىنەن ۇلگى الىپ تەكسەرۋ جۇرگىزۋ وتباسىن بىرلىك ەتىپ ورىستەتىلەدى، تەكسەرۋ وبيەكتىلەرى — ەلىمىز شەكاراسى ىشىندەگى جەرەبەگە ىلىنگەن وتباسىلارداعى بارلىق جان سانى، ەلىمىز بويىنشا جيىنى 5 ميلليون وتباسى، 14 ميلليون جان سانى تاڭدالادى. تەكسەرىلەتىن مازمۇندار — جان سانى جانە تۇرعىنداردىڭ نەگىزگى جاعدايى، باستىسى، اتى – ءجونى، ازاماتتىق كۋالىك ءنومىرى، جىنىسى، جاسى، ۇلتى، ءبىلىم الۋ دەڭگەيى، سالاسى، كاسىبى، قونىس اۋدارۋ – جوتكەلۋ جاعدايى، ۇيلەنۋ جاعدايى، تۋىت جاعدايى، قازا بولۋ جاعدايى، تۇرعىن ءۇي جاعدايى قاتارلىلار.

كەلۋ قاينارى: حالىق تورابى