شيزاڭداعى ديڭرى اۋدانىندا جەر سىلكىنىسىنەن كەيىن قايتا سالىنعان جانە جوندەلىپ بەكەمدەلگەن تۇرعىندار ءۇيى سالىنىپ بولدى ءارى تاپسىرىلدى 

حالىق گازەتىنىڭ ءتىلشىسى يۋان چۋان، شۇي يۇيياۋ 10 – ايدىڭ 29 – كۇنى رىكازىدان حابارلايدى. ءتىلشىنىڭ 10 – ايدىڭ 29 – كۇنى رىكازى قالاسىنان ۇعىسۋىنشا، شيزاڭنىڭ ديڭرى اۋدانىندا تۋىلعان جەر سىلكىنىسىنەن كەيىن قايتا سالىنعان جانە جوندەپ بەكەمدەلگەن تۇرعىندار ءۇيى سالىنىپ بولدى ءارى تاپسىرىلدى. وسى رەتكى جەر سىلكىنىسىنەن كەيىن قالپىنا كەلتىرۋ، قايتا سالۋ جۇمىسى جيىنى 7 اۋداننىڭ 47 اۋىل – قالاشىعىنداعى 486 قىستاققا سايادى، 22 مىڭنان استام وتباسىنىڭ ءۇيى قايتا سالىنعان، كولەمى 3 ميلليون 100 مىڭ شارشى مەتر بولعان، جيىنى 10 مىڭ 500 دەن استام وتباسىنىڭ ءۇيى جوندەلىپ بەكەمدەلگەن، بەكەمدەلگەن ءۇيدىڭ كولەمى ءبىر ميلليون 60 مىڭ شارشى مەتر بولعان.

ديڭرى اۋدانىندا 1 – ايدىڭ 7 – كۇنى جەر سىلكىنگەن، جەر سىلكىنگەننەن كەيىن ءۇش كۇننەن سوڭ، شيزاڭ اپاتتان كەيىن قالپىنا كەلتىرۋ جانە قايتا گۇلدەندىرۋ قىزمەتىنىڭ جالپى جوباسىن جاساۋدى دەرەۋ باستاپ، تۇرعىن ۇيلەردىڭ ءپىشىنىن جوبالاۋ، جەر جاعدايىن بارلاپ ولشەۋ قاتارلى الدىڭعى مەرزىمدەگى قىزمەتتەردى ورىستەتكەن؛ 3 – ايدىڭ باس شەنىندە قۇرىلىستى باستاعان، 6 – ايدىڭ باس شەنىندە جاپپاي قۇرىلىس جۇرگىزگەن، قايتا سالىنعان جانە جوندەلىپ بەكەمدەلگەن تۇرعىن ۇيلەر 10 – ايدىڭ اياعىندا سالىنىپ بولعان ءارى تاپسىرىلعان، اپاتقا ۇشىراعان جۇرتشىلىقتىڭ قىستان جايلى وتۋىنە كەپىلدىك ەتىلگەن.

كەلۋ قاينارى: حالىق تورابى