شي جينپيڭ ا ق ش - نىڭ زۇڭتۇڭى ترامپپەن كەڭەس وتكىزەدى

شينحۋا اگەنتتىگى، 10 - ايدىڭ 29 - كۇنى، بەيجيڭ. سىرتقى ىستەر مينيسترلىگىنىڭ مالىمدەمەشىسى 10 - ايدىڭ 29 - كۇنى مىنانى جاريالادى: جۇڭگو، ا ق ش ەكى جاقتىڭ اقىلداسىپ بەلگىلەۋىمەن مەملەكەت ءتوراعاسى شي جينپيڭ سول جەر ۋاقىتى 10 - ايدىڭ 30 - كۇنى كورەيانىڭ فۋشانىندا ا ق ش - نىڭ زۇڭتۇڭى ترامپپەن كەڭەس وتكىزىپ، جۇڭگو - ا ق ش قارىم - قاتىناسى جانە ەكى جاق ورتاق كوڭىل ءبولىپ وتىرعان ماسەلەلەر جونىندە پىكىر اۋىستىرادى.

«حالىق گازەتى»، 10 - ايدىڭ 29 - كۇنى، بەيجيڭ (ءتىلشى لي انچي). جۇڭگو، ا ق ش ەكى جاقتىڭ اقىلداسىپ بەلگىلەۋىمەن مەملەكەت ءتوراعاسى شي جينپيڭ سول جەر ۋاقىتى 10 - ايدىڭ 30 - كۇنى كورەيانىڭ فۋشانىندا ا ق ش - نىڭ زۇڭتۇڭى ترامپپەن كەڭەس وتكىزەدى. سىرتقى ىستەر مينيسترلىگىنىڭ مالىمدەمەشىسى گو جياكۇن 10 - ايدىڭ 29 - كۇنى كەزەكتى تىلشىلەر جينالىسىندا قاتىستى جاعدايلاردى تانىستىردى.

گو جياكۇن مىنالاردى ءبىلدىردى: مەملەكەت باسشىلارى ديپلوماتياسى جۇڭگو - ا ق ش قارىم - قاتىناسىندا ورنىن وگەيسىتۋگە بولمايتىن ستراتەگيالىق جەتەكشىلىك رول اتقارۋدا. وسى رەتكى كەزدەسۋدە ەكى ەلدىڭ مەملەكەت باسشىلارى جۇڭگو - ا ق ش قارىم - قاتىناسىنا ساياتىن ستراتەگيالىق، ۇزاق بولاشاقتىق ماسەلەلەر، سونداي - اق ورتاق كوڭىل ءبولىپ وتىرعان كەلەلى ماسەلەلەر جونىندە ىشكەرىلەي پىكىر اۋىستىرادى.

”ءبىز ا ق ش - مەن بىرگە قۇلشىنىپ، وسى رەتكى كەزدەسۋدە بەلسەندى تابىستارعا قول جەتكىزۋدى ىلگەرىلەتىپ، جۇڭگو - ا ق ش قارىم - قاتىناسىنىڭ ورنىقتى دامۋىنا تىڭنان جەتەكشىلىك ەتىپ، تىڭ قوزعاۋشى كۇش قوسۋدى قالايمىز“ دەدى گو جياكۇن.

كەلۋ قاينارى: حالىق تورابى