دامۋ بارىسىندا حاۋىپسىزدىكتى بەكەمدەپ، حاۋىپسىزدىك بارىسىندا دامۋدى كوزدەيىك

حاۋىپسىزدىك − دامۋدىڭ العى شارتى، دامۋ − حاۋىپسىزدىكتىڭ كەپىلى. پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە ”دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولۋ“ ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوزسىز، بويسۇنۋعا ءتيىستى ماڭىزدى قاعيدا قاتارىنا كىرگىزىلىپ، ”مەملەكەت حاۋىپسىزدىگى قالتقىسىن اناعۇرلىم بەكەمدەۋ“ باستى نىسانالاردىڭ ءبىرى ەتىلىپ، دامۋ مەن حاۋىپسىزدىكتى ءبىر تۇتاس جوسپارلاۋ ارقاۋ ەتىلىپ ءبىرقىدىرۋ ستراتەگيالىق ورنالاستىرۋ جاسادى، بۇل جاڭا حاۋىپسىزدىك جاعدايى ارقىلى جاڭا دامۋ جاعدايىن قامتاماسىزداندىرۋدا، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتۋدە كەلەلى جەتەكشىلىك رول اتقارادى.

دامۋ مەن حاۋىپسىزدىكتى ءبىر تۇتاس جوسپارلاپ، تاۋقىمەت تانىمىن كۇشەيتىپ، امانشىلىقتا جامانشىلىقتىڭ بولارىن ويلاۋ − پارتيامىزدىڭ ەل باسقارۋداعى كەلەلى پرينسيبى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، دامۋ جانە حاۋىپسىزدىك سىندى ەكى ءىرى ءىستى ويداعىداي ىستەپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، داعدارىستى جەڭىپ، قيىن وتكەلدەن ءوتىپ، وزگەرىسكە توتەپ بەرىپ، جاڭا جاعداي اشىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ تىڭ داستانىن جازدى. ءبىز جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتىپ، ”ادامزات تاريحىنداعى ەرەكشە ەكونوميكالىق بۇرىلىستى“ جۇزەگە اسىرۋمەن بىرگە، ”دۇنيە ءجۇزى مويىنداعان ەڭ حاۋىپسىز ەلدەردىڭ بىرىنە“ اينالدىق.

”14 - بەسجىلدىق“ مەزگىلىندە استىق حاۋىپسىزدىگى ەل باسقارۋداعى ماڭداي الدى ءىرى ءىس بولدى، ەلىمىزدىڭ استىق جالپىلىق ءوندىرىس قۋاتى ۇزدىكسىز جوعارىلاپ، جىلدىق ءونىم مولشەرى باستان - اياق ءبىر تريلليون 300 ميلليارد جىڭنان استى؛ ەنەرگيا حاۋىپسىزدىگىن ەكونوميكالىق، قوعامدىق دامۋعا قاتىستى جالپى جاعدايلىق، ستراتەگيالىق ماسەلە ەتىپ، دۇنيە جۇزىندەگى كولەمى ەڭ ۇلكەن ەلەكتر نەگىزدىك قۇرىلعى جۇيەسىن ورناتىپ، تۇتىنۋدىڭ %90 تەن استامىن ەل ىشىندە دەربەس قامتاماسىز ەتۋدى جۇزەگە اسىردى؛ ەكونوميكا، فينانس جالپى جاعدايىنىڭ ورنىقتىلىعىن قورعاۋدى كوزدە ۇستاپ، اۋىر حاۋىپ - قاتەردى ءبىر جاقتى ەتۋدى ءبىر تۇتاس جوسپارلاۋ، سايكەستىرۋ مەحانيزمىن كەمەلدەندىرىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، قورا - جاي، جەرگىلىكتى قارىز اقشا، ورتا، شاعىن فينانس قۇرىلىمدارى سياقتى حاۋىپ - قاتەردى شەشتى؛ قورشاۋ، تەجەۋ، قىسىم ءتۇسىرۋ الدىندا كۇشتى شوعىرلاندىرا وتىرىپ ءوز ىستەرىن ويداعىداي ىستەپ، ەلىمىزدىڭ دامۋى مەن حاۋىپسىزدىگىنىڭ ىرىقتىلىق ۇقىعىن مىقتى يگەردى... اماليات مىنانى تولىق دالەلدەدى: مەملەكەت حاۋىپسىزدىگىن قورعاۋ − بۇكىل ەلدەگى ءار ۇلت حالقىنىڭ ءتۇبىرلى مۇددەسى، دامۋ مەن حاۋىپسىزدىكتى ءبىر تۇتاس جوسپارلاۋ جۇڭگو ۇلگىسىندەگى وسىزامانداندىرۋدىڭ ورنىقتى، باياندى بولۋىن ماڭىزدى كەپىلمەن قامدادى.

بۇگىنگى دۇنيە ءجۇزى بىلىعىپ، توعىسىپ وتىر. الداعى 5 جىلدا ەلىمىزدىڭ دامۋى ءدوپ كەلىپ وتىرعان ءتۇرلى تۇراقسىز، مەجەلەۋ قيىن حاۋىپ - قاتەر فاكتورلارى كورنەكتى كوبەيىپ، دامۋ مەن حاۋىپسىزدىكتى ءبىر تۇتاس جوسپارلاۋ مىندەتى اناعۇرلىم جاپالى بولادى. جالپى ءماجىلىس مەملەكەت حاۋىپسىزدىگى جۇيەسى مەن قابىلەتىن وسىزامانداندىرۋدى ىلگەرىلەتۋدى ارقاۋ ەتىپ، مەملەكەت حاۋىپسىزدىگى جۇيەسىن اقاۋسىزداندىرىپ، ءتۇيىندى سالالارداعى مەملەكەت حاۋىپسىزدىگى قابىلەتى قۇرىلىسىن كۇشەيتىپ، الەۋمەتتىك حاۋىپسىزدىكتى جونگە سالۋ دەڭگەيىن جوعارىلاتىپ، قوعامدىق جونگە سالۋ جۇيەسىن كەمەلدەندىرۋدى العا قويدى؛ مەملەكەت قورعانىسى مەن ارميانى وسىزامانداندىرۋدى جوعارى ساپامەن ىلگەرىلەتۋدى ارقاۋ ەتىپ، وزىق جاۋىنگەرلىك قۋات قۇرىلىسىن جەدەلدەتىپ، اسكەري جونگە سالۋدىڭ وسىزاماندانۋىن ىلگەرىلەتىپ، ءبىر تۇلعالانعان مەملەكەتتىڭ ستراتەگيالىق جۇيەسى مەن قابىلەتىن بەكەمدەۋدى، جوعارىلاتۋدى العا قويدى. پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنىپ، شىنايى دايەكتىلەندىرىپ، تاريحي ىرىقتىلىق رۋحىمەن قيىن وتكەلدەن ءوتىپ، حاۋىپ - قاتەرگە، سىن - سايىسقا توتەپ بەرگەندە، ءسوز جوق، ءتۇرلى حاۋىپ - قاتەردەن ءونىمدى ساقتانىپ جانە ونى شەشىپ، ەكونوميكا مەن قوعامنىڭ توزىمدىلىگىن كۇشەيتۋگە بولادى.

تىنىشتىق − حالىق باقىتىنىڭ جان تامىرى. بۇل ارادا ”اناعۇرلىم جوعارى دەڭگەيدەگى تىنىش جۇڭگو قۇرۋدى“ مىسالعا الساق، قايتكەندە دامۋ بارىسىندا حاۋىپسىزدىكتى بەكەمدەۋگە، حاۋىپسىزدىك بارىسىندا دامۋدى كوزدەۋگە بولادى دەگەن تۇسىنىكتى تەرەڭدەتەمىز.

ساندى مالىمەتتە كورسەتىلۋىنشە، ەلىمىز − دۇنيە جۇزىندەگى ءولىم دەلوسىنىڭ تۋىلۋ مولشەرى ەڭ تومەن، قىلمىستىق ىستەر قىلمىس مولشەرى ەڭ تومەن، مىلتىق، قوپارىلىس دەلوسى ەڭ از ەلدەردىڭ ءبىرى. «2025 - جىلعى دۇنيە جۇزىلىك حاۋىپسىزدىك بايانداماسىندا» بىلاي دەپ قارالدى: جۇڭگو − دۇنيە جۇزىندەگى ەڭ حاۋىپسىز ەلدەردىڭ ءبىرى، مەيلى جۇڭگو حالقىنىڭ حاۋىپسىزدىك سەزىمى بولسىن، الدە جۇڭگونىڭ ”زاڭ جانە ءتارتىپ كورسەتكىشى“ بولسىن، ءبارى دە باتىستاعى بارلىق ءىرى ەلدەردەن الدەقايدا اسىپ ءتۇستى. تىنىشتىق قالايشا مەملەكەتتىڭ كوركەم تانىسقىسىنا اينالادى؟ اماليات بىزگە مىنانى ۇعىندىردى: جۇڭگو قوعامنىڭ جاراسىمدىلىعى مەن ورنىقتىلىعىن، مەملەكەتتىڭ باياندى تىنىشتىعىن جۇزەگە اسىرۋدا تۇزىمگە سۇيەنەدى، مەملەكەتتى جونگە سالۋ جاعىنداعى ەرەن قابىلەتكە سۇيەنەدى.

جاڭا داۋىردەگى ”فىڭچياۋ تاجىريبەسىنەن“ بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىگىن ادا ەتەتىن قوعامدىق جونگە سالۋ ورتاق تۇلعاسىن قالىپتاستىرىپ، ”جاڭا داۋىردەگى ليۋچى كوشەسى قىزمەت ادىسىنەن“ باستاپ تۋ باستان جونگە سالۋ، كوپ نەگىزدى بىرگە جونگە سالۋ، جاراسىمدى بىرگە يگىلىكتەنۋ سىندى نەگىزگى ساتىنى جونگە سالۋ جولىمەن جۇرگەنگە دەيىن، سان - ساناقسىز اقىل - پاراسات ارقىلى جونگە سالۋدىڭ اناعۇرلىم دالمە - ءدال، جوعارى ءونىمدى بولۋىن ىلگەرىلەتۋدەن زاڭمەن جونگە سالۋدى قورعاپ، تىنىش جۇڭگونىڭ ىرگە تاسىن بەكەمدەۋگە دەيىن... ”14 - بەسجىلدىق“ مەزگىلىندە ەلىمىزدىڭ قوعامدىق جونگە سالۋىنىڭ قوعامدانۋى، زاڭمەن جونگە سالىنۋ، زەردەلىلەنۋ، ارنايىلانۋ دەڭگەيى زور دارەجەدە جوعارىلادى. بولاشاققا بەتالعاندا، دامۋ مەن حاۋىپسىزدىكتى ءبىر تۇتاس جوسپارلاۋعا اناعۇرلىم ءمان بەرۋ ءۇشىن، ءبىز ىشكى - سىرتقى حاۋىپ - قاتەر مەن سىن - سايىستى ءبىر تۇتاس ويلاستىرىپ، حاۋىپسىزدىكتى قورعاۋ قابىلەتىن كۇشەيتىپ، جۇڭگوشا سوتسياليستىك قوعامدى جونگە سالۋ جولىمەن بۇلجىماي ءجۇرىپ، جوعارى ءونىمدى جونگە سالۋ ارقىلى جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن جەبەپ، جاڭا حاۋىپسىزدىك جاعدايىن ءونىمدى قالىپتاستىرىپ، جاڭا دامۋ جاعدايىن پارمەندى قامتاماسىز ەتۋىمىز كەرەك.

سۇبەلى ۇلى تابىس وڭاي - وسپاق ايتا سالاتىن شارۋا ەمەس. بۇرىنعىلار ىستەپ كورمەگەن ۇلى ءىس، ءسوز جوق، ءتۇرلى قيىنشىلىقتار مەن سىندارعا تاپ بولادى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ”مەملەكەتتىڭ ۇلى ءىسىن“ كوكەيدە ساقتاپ، تومەنگى شەكتە وي جۇگىرتىپ، دامۋ مەن حاۋىپسىزدىكتى ءبىر تۇتاس جوسپارلاۋدى ەلىمىزدىڭ ەكونوميكالىق، قوعامدىق دامۋىنىڭ ءار جاعىمەن جانە جالپى بارىسىمەن ساباقتاستىرىپ، جوعارى ساپالى دامۋ ارقىلى جوعارى دەڭگەيلى حاۋىپسىزدىكتى جەبەپ، جوعارى دەڭگەيلى حاۋىپسىزدىك ارقىلى جوعارى ساپالى دامۋدى قامتاماسىز ەتكەندە، ءبىز، ءسوز جوق، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشا الامىز.

كەلۋ قاينارى: حالىق تورابى