ورتالىق دەڭگەيىندەگى فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ءماجىلىسى بەيجيڭدە اشىلدى

شينحۋا اگەنتتىگى، 10 - ايدىڭ 29 - كۇنى، بەيجيڭ. ورتالىق دەڭگەيىندەگى فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ءماجىلىسى 10 - ايدىڭ 28 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جانە باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن قاجىماي - تالماي دايەكتىلەندىرىپ، فورماشىلدىقتى رەتتەۋ - جونگە سالۋدى ۇزدىكسىز تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتىپ، ستيل قۇرىلىسىن ۇدايىلاندىرا باياندى ىلگەرىلەتىپ، ”14 - بەسجىلدىقتىڭ“ تابىسپەن اياقتاۋىنا، ”15 - بەسجىلدىقتىڭ“ تاماشا باستاماسىن باستاۋعا شىنايى كەپىلدىك ەتۋدى پارمەندى ستيل كەپىلدىگىمەن قامداۋ كەرەك.

ءماجىلىس بىلاي دەپ باسا دارىپتەدى: فورماشىلدىقتى جونگە سالۋ − نەگىزگى ساتىنىڭ اۋىرتپالىعىن جەڭىلدەتۋدەگى قامال الۋ شايقاسى، ۇزاققا سوزىلاتىن شايقاس، قازىرگى دامۋ جالپى جاعدايىن ارقاۋ ەتە وتىرىپ قىزمەتتى ىلگەرىلەتىپ، ماسەلەنى بەتكە الىپ، ماسەلەنى كوزدەي وتىرىپ تۇزەتىپ، ۇزدىكسىز ىشكەرىلەي، ناقتى يگەرىپ، ناقتى ونىمدىلىككە قول جەتكىزۋگە قۇلشىنۋ كەرەك. ناتيجە جاراتۋعا اسىعۋ، كوزسىزدىكپەن شەشىم جاساۋ ماسەلەسىن تۇزەتۋ كەرەك، جەر - جەر، تاراۋلار ”15 - بەسجىلدىق“ قىزمەتىن جوسپارلاۋدا ءىس جۇزىندىكتى شىعار ءتۇيىن ەتىپ، كوزسىزدىكپەن قىزبالىققا سالىنۋ، كورسەتكىشتى ساتىلار بويىنشا كوبەيتۋ سياقتى ماسەلەلەردەن ساقتانۋ كەرەك. ساناقتا جالعاندىق ىستەۋ ماسەلەسىن تۇزەتىپ، تەرەڭ قاتپارلى سەبەپتەردى تاۋىپ، ءتۇزىمدى اتقارۋدىڭ تۇراقتىلىعىن كۇشەيتۋ كەرەك. بەلگىلەمەگە قايشىلىق جاساپ، ءتۇسىن وزگەرتىپ باعالاۋ، ماداقتاۋدى جانە وزات ورىن قۇرۋدان ۇلگى كورسەتۋ قيمىلىن ورىستەتۋدى جونگە سالىپ، قوعامدىق ۇيىمداردىڭ، كاسىپورىن، ءىسورىنداردىڭ جەرگىلىكتى ورىندارعا قاراتا ورىستەتكەن باعالاۋ، سيلاۋ قيمىلىن اداقتاۋ جانە ارناعا ءتۇسىرۋ كەرەك. نەگىزگى ساتىنىڭ كومەسكى اۋىرتپالىعى سياقتى ماسەلەلەردى تۇزەتىپ، اۋىل - قالاشىقتاردىڭ (ءمالى باسقارماسى) مىندەت اتقارۋ ىستەرى ءتىزىمىن ويداعىداي پايدالانىپ، ”ءبىر كەستەمەن ءبىتىرۋ“ قۇرىلىسىن ىلگەرىلەتۋ كەرەك. ”قۇجات باستىلىق، ءماجىلىس باستىلىق“، ساپاسى، ونىمدىلىگى تومەن بولۋ سياقتى ماسەلەلەردى تۇزەتىپ، ”قىسقا، شىنايى، جاڭاشا“ جازۋ ستيلىن ساۋلەلەندىرىپ، نەگىزگى ساتىنىڭ اۋىرتپالىعىن جەڭىلدەتۋدىڭ بىردەيلىگىن باعالاۋدى تىڭعىلىقتى ويداعىداي ىستەۋ كەرەك. باقىلاۋ - تەكسەرۋ، باعالاۋ، تەكسەرۋ - زەرتتەۋ، قىزمەت تەكسەرۋ، ەندىك اۋىس - كۇيىس بارىسىنداعى فورماشىلدىق ماسەلەلەرىن تۇزەتىپ، باقىلاۋ - تەكسەرۋ، باعالاۋدى ءبىر تۇتاس جوسپارلاۋ، ارناعا ءتۇسىرۋ سەرپىنىن ارتتىرىپ، ادەتتەگى ۇيرەنۋ، اۋىس - كۇيىس جاساۋ، تەكسەرۋ - زەرتتەۋ، قىزمەت تەكسەرۋ جيىلىگىن قاتاڭ تىزگىندەۋ كەرەك. ۇنەمى ماسەلەلەردى بايقاۋ، ماسەلەلەردى شەشۋ مەحانيزمىن اقاۋسىزداندىرىپ، ماسەلەلەردى رەتتەۋ - تۇزەتۋدىڭ ”سوڭعى جۇمىستارىن“ ويداعىداي يگەرۋگە باسا ءمان بەرۋ كەرەك.

ءماجىلىس بىلاي دەپ باسا دارىپتەدى: «فورماشىلدىقتى جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ءبىرقانشا بەلگىلەمەنى» بۇلجىماس قاعيدا، قاتاڭ ولشەم ەتىپ، دايەكتى تۇردە قاتاڭ اتقارىپ، سوڭىنا دەيىن مىقتى يگەرۋ كەرەك. قىزمەت جاۋاپكەرشىلىگىن اناعۇرلىم ناقتىلاندىرىپ، ورتالىق پەن مەملەكەت ورگاندارى ۇلگى كورسەتۋ، جەتەكتەۋ رولىن ويداعىداي ساۋلەلەندىرىپ، ءار دارەجەلى پارتكومدار تۇلعالىق جاۋاپكەرشىلىكتى شىنايى اتقارىپ، ءار دارەجەلى ارناۋلى قىزمەت مەحانيزمدەرى ءبىر تۇتاس جوسپارلاۋ، سايكەستىرۋ رولىن اناعۇرلىم ساۋلەلەندىرۋ كەرەك. حالىق بۇقاراسىنىڭ رازىلىعىن ولشەم ەتىپ، ساياساتتى زەرتتەۋدى، باعالاۋدى كۇشەيتۋ كەرەك. ۇگىتتى، تاربيەنى، جەتەكتەۋدى ونان ارى كۇشەيتىپ، ۇنامدى تيپتەردىڭ جەتەكشىلىك رولىن ساۋلەلەندىرۋ كەرەك.

ارناۋلى قىزمەت مەحانيزمىنە مۇشە ورىنداردىڭ، قاتىستى تاراۋلاردىڭ، ءارقايسى ولكە، اۆتونوميالى رايون، قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ جاۋاپتى جولداستارى ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى.

كەلۋ قاينارى: حالىق تورابى