بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.30 14:53 كەلۋ قاينارى : حالىق تورابى
«حالىق گازەتى»، 10 - ايدىڭ 29 - كۇنى، بەيجيڭ (ءتىلشى جاڭ ياڭ). ورتالىق كوميتەتتىڭ ۇگىت ءبولىمى، ورتالىق پەن مەملەكەت ورگاندارى قىزمەت كوميتەتى، وقۋ - اعارتۋ مينيسترلىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى، جۇڭگو كوممۋنيستىك پارتياسى بەيجيڭ قالالىق كوميتەتى 10 - ايدىڭ 29 - كۇنى تۇستەن بۇرىن بەيجيڭدەگى حالىق سارايىندا پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە ورتالىق ۇگىت - لەكسيا ۇيىرمەسىنىڭ تۇڭعىش رەتكى بايانداما جاساۋ جينالىسىن وتكىزدى. ورتالىق ۇگىت - لەكسيا ۇيىرمەسىنىڭ مۇشەسى، ورتالىق قازىنا - ەكونوميكا كەڭسەسى مەڭگەرۋشىسىنىڭ كۇندەلىكتى قىزمەتكە جاۋاپتى ورىنباسارى، ورتالىق اۋىل شارۋاشىلىق كەڭسەسىنىڭ مەڭگەرۋشىسى حان ۋىنشيۋ ۇگىت - لەكسيا بايانداماسىن جاسادى.
حان ۋىنشيۋدىڭ بايانداماسى باس شۋجي شي جينپيڭنىڭ پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە سويلەگەن ماڭىزدى ءسوزى مەن جالپى ءماجىلىستىڭ «ۇسىنىسىن» تىعىز ارقاۋ ەتىپ، «ۇسىنىستىڭ» جازىلۋ جاعدايىنا تۇسىنىك جاساپ، ”14 - بەسجىلدىق“ مەزگىلىندەگى دامۋ جەتىستىكتەرى مەن ”15 - بەسجىلدىق“ مەزگىلىندەگى دامۋدا ءدوپ كەلگەن حالىقارا جانە ەل ءىشى ورتاسىن بايىمداپ، ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسىن، بويسۇنۋ پرينسيبىن جانە باستى نىساناسىن بايىمدادى، «ۇسىنىستا» ورتاعا قويىلعان كەلەلى ستراتەگيالىق ورنالاستىرۋلار جونىندە ءتۇيىندى تۇسىنىك جاسادى ءارى جالپى ءماجىلىستىڭ رۋحىن دايەكتى تياناقتاندىرۋ جونىندەگى تانىم، اسەرلەردى ايتتى.
بايانداما ىشكەرىلەي، ەگجەي - تەگجەيلى جاسالدى، مازمۇنى باي، ماڭىزدى ءتۇيىنى كورنەكتى، جۇيەسى جان - جاقتى بولىپ، تيپتىك مىسالداردان، ناقتى ساندى مالىمەتتەردەن تولىق پايدالانىپ تۇسىنىك جاساپ، تىڭدارمانداردىڭ جالپى ءماجىلىستىڭ رۋحى جونىندەگى تۇسىنىگىن تەرەڭدەتۋىنە كومەكتەستى. كوپشىلىك بىلاي دەپ قارادى: جالپى ءماجىلىستىڭ رۋحى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي ۇيرەنىپ، جاپپاي دايەكتىلەندىرىپ، تياناقتاندىرىپ، قاجىماي - تالماي قۇلشىنىپ، ۇزدىكسىز كۇرەس جۇرگىزىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتىپ، ۇلى جوبانىڭ رەالدىققا اينالۋىن بىرگە ىلگەرىلەتەمىز.
بايانداما جينالىسىن ورتالىق پەن مەملەكەت ورگاندارى قىزمەت كوميتەتى شۋجيىنىڭ كۇندەلىكتى قىزمەتكە جاۋاپتى ورىنباسارى گو ۋىنچي باسقاردى. بەيجيڭدەگى پارتيا، ۇكىمەت، ارميا ورگاندارىنداعى كادرلاردان، ورتالىق كاسىپورىندارى مەن جوعارى مەكتەپتەردىڭ جاۋاپتىلارىنان، نازاريا قىزمەتكەرلەرىنەن جانە ءار سالا بۇقاراسىنىڭ ۋاكىلدەرىنەن 700 دەي ادام قاتىناستى.
ۇعىسۋعا قاراعاندا، ورتالىق ۇگىت - لەكسيا ۇيىرمەسى بەيجيڭدە تۇڭعىش رەتكى ۇگىت - لەكسيا بايانداماسىن جاساۋ جينالىسىن وتكىزگەننەن كەيىن تاياۋدا بۇكىل ەلدىڭ جەر - جەرىنە بارىپ ۇگىت - لەكسيا جاسايدى ەكەن.
كەلۋ قاينارى: حالىق تورابى
