سۋ يگىلىگى مينيسترلىگى وزەن ـ كولدەردى باسقارۋ مەن قورعاۋدى ارناعا ءتۇسىرۋدى كۇشەيتۋدى جاريالادى

شينحۋا اگەنتتىگىنىڭ 11 ـ ايدىڭ 6 ـ كۇنى بەيجيڭنەن بەرگەن حابارى. ءتىلشىنىڭ 11 ـ ايدىڭ 6 ـ كۇنى سۋ يگىلىگى مينيسترلىگىنەن ۇعىسۋىنشا، وزەن ـ كولدەردى باسقارۋ مەن قورعاۋدى كۇشەيتىپ، مەملەكەتتىڭ سۋ حاۋىپسىزدىگىن قامتاماسىز ەتۋ ءۇشىن، سۋ يگىلىگى مينيسترلىگى تاياۋدا «وزەن ـ كولدەردى باسقارۋ كولەمىن بەلگىلەۋدىڭ تەحنيكالىق ولشەمىن» بەكىتىپ جاريالاعان، ولشەم 2026 ـ جىلى 1 – ايدىڭ 28 – كۇنىنەن باستاپ اتقارىلادى.

تانىستىرۋعا قاراعاندا، سۋ يگىلىگى كاسىپتىك ولشەمى رەتىندە، ولشەم 7 تاراۋ، 3 قوسىمشا ماتەريالدى قامتىعان، باستى مازمۇنى نەگىزگى بەلگىلەمە، ماتەريال جيناۋ جانە نەگىزگى كارتانى جاساۋ، وزەن - كولدەردى باسقارۋ كولەمىن بەلگىلەۋ، وزەن - كولدەردى باسقارۋ كولەمى بەلگىسى، بەلگىلەۋ جەتىستىكتەرىن رەتتەپ ارحيۆكە الۋ قاتارلىلاردى قامتىعان، وزەن - كولدەردى باسقارۋ كولەمىن بەلگىلەۋ قىزمەتىنە قولدانۋعا ارنالعان.

ولشەمدە مىنالار ايقىن بەلگىلەندى: وزەن ـ كولدەردى باسقارۋ كولەمى — وزەن ـ كولدەردىڭ تاسقىن ىركۋ كەڭىستىگى مەن تاسقىننان ساقتانۋ حاۋىپسىزدىگىن قورعاۋ، سۋمەن قامداۋ، ەكولوگيا قاتارلى فۋنكسيالاردى ءبىرتۇتاس جوسپارلاپ، تەڭ ءمان بەرۋ، وزەن ـ كولدەردى باسقارۋ قاجەتىن قاناعاتتاندىرۋ، زاڭ بويىنشا، پلان بويىنشا وزەن – كول ءوڭىرىن بەلگىلەۋ. وزەن - كولدەردى باسقارۋ كولەمىن اعارلار مەن وڭىرلەردىڭ جالپىلىق پلانى، تاسقىننان ساقتانۋ پلانى قاتارلى ايقىن تاسقىننان ساقتانۋ فۋنكسيالىق ورنى بويىنشا، تاسقىننىڭ بىرتىندەپ دامۋى مەن وزەن - كولدەردىڭ وزگەرۋىنىڭ نەگىزگى زاڭدىلىعىنا ساي بەلگىلەۋ كەرەك، تاسقىن ىركۋ كەڭىستىگىن تارايتۋعا بولمايدى.

ولشەمدە مىنالار العا قويىلدى: ورگانيزمدەردىڭ الۋان تۇرلىلىگىن قورعاۋ، وزەن ـ كول ەكولوگياسىن قورعاۋ، قالپىنا كەلتىرۋ، تابيعي قورعالاتىن جەرلەردى بەلگىلەۋ، اۋىز سۋ قاينارىن قورعاۋ رايونىن بەلگىلەۋ قاتارلىلارمەن ۇشتاستىرىپ، وزەن ـ كولدەردى باسقارۋ كولەمىن جاعالاۋلارىنا دەيىن كەڭەيتىپ بەلگىلەۋگە بولادى. وزەن - كولدەردى باسقارۋ كولەمىن بەلگىلەۋ ناتيجەسىن ”بۇكىل ەلدىڭ سۋ يگىلىگىنىڭ ءبىر كارتاسىنا“ ەنگىزىپ، سيفرلاندىرىپ باسقارۋدى جۇزەگە اسىرۋ كەرەك. بۇدان سىرت، ولشەمدە تاعى توسپالى وزەن - كولدەر مەن توسپاسىز وزەن - كولدەردى باسقارۋ كولەمىن بەلگىلەۋ جونىندە بەلگىلەمە جاسالدى.

كەلۋ قاينارى: حالىق تورابى