7 تاراۋ ورتا، باستاۋىش مەكتەپتەردىڭ عىلىم – تەحنيكا وقۋ – اعارتۋىن كۇشەيتۋ جونىندە ورنالاستىرۋ جاسادى

11 – ايدىڭ 12 – كۇنى، وقۋ ـ اعارتۋ مينيسترلىگى اقپار جاريالاۋ ءماجىلىسىن اشىپ، وقۋ ـ اعارتۋ مينيسترلىگى قاتارلى 7 تاراۋ باسىپ تاراتقان «ورتا، باستاۋىش مەكتەپتەردىڭ عىلىم ـ تەحنيكا وقۋ ـ اعارتۋىن كۇشەيتۋ جونىندەگى پىكىرگە» (تومەندە قىسقارتىپ «پىكىر» دەپ الىنادى) قاتىستى جاعدايلاردى تانىستىردى.

وقۋ – اعارتۋ مينيسترلىگى نەگىزدىك وقۋ – اعارتۋ مەڭگەرمەسىنىڭ باستىعى تيان زۋيىن بىلاي دەپ اتاپ كورسەتتى: عىلىم – تەحنيكا ساپاسىن جەتىلدىرۋ — بىرتىندەپ ىلگەرىلەيتىن، ىشكەرىلەي توعىساتىن بارىس، «پىكىر» ”ساتىلى“ ادام تاربيەلەۋ جۇيەسىن كۇش سالا قۇرادى. باستاۋىشتىڭ تومەنگى جىلدىقتارىندا تۇرمىستىق ءتۇس الۋ، ويىن سيپاتىن الۋ ارقىلى قىزىعۋ سەزىمىن تۇتاندىرادى جانە قورعايدى؛ باستاۋىشتىڭ ورتا، جوعارى جىلدىقتارى وقۋشىلاردى ”ىستەۋ بارىسىندا ۇيرەنۋ“ ارقىلى ۇعىمدىق تۇسىنىكتى تەرەڭدەتىپ، ءپان اتتاعان بايلانىس ورناتۋعا جەتەكتەيدى؛ ورتالاۋ مەكتەپ ساتىسىندا نازاردى ناقتى ماسەلەلەردى شەشۋگە شوعىرلاندىرىپ، ءپان اتتاعان نىسانداردى ۇيرەنۋدى ورىستەتىپ، وقۋشىلاردىڭ قۇبىلىس تانىمىنان زاڭدىلىق جونىندە ىزدەنىس جاساۋىن جانە ءادىسىن يگەرۋىن ىلگەرىلەتەدى؛ ورتا مەكتەپ ساتىسىندا وقۋشىلاردى عىلىم - تەحنيكانىڭ الدىڭعى لەگىنە ارالاسىپ، تاجىريبە جاساۋ، ىزدەنىس جاساۋ جانە ينجەنەريالىق اماليات ارقىلى عىلىمي زەرتتەۋ ءادىسىن جۇيەلى يگەرۋگە شابىتتاندىرادى.

«پىكىردە» مىنالار ورتاعا قويىلدى: عىلىم – تەحنيكا وقۋ – اعارتۋىندا بارىستىق باعالاۋ، ناتيجە سيپاتتى باعالاۋ قاتارلى كوپ نەگىزدى، دامۋ سيپاتتى باعالاۋ ءتاسىلىن جان – جاقتى قولدانۋ كەرەك، ەمتيحان قاتارلى تاسىلدەرمەن وقۋشىلاردىڭ ۇيرەنۋ بارىسىنا سىڭار جاقتى باعا بەرۋگە بولمايدى، مۇددەشىلدىك نىسايىنان جانە وقىتۋشى – وقۋشىلاردىڭ اۋىرتپالىعىن اۋىرلاتۋدان ساقتانۋ كەرەك.

وقىتۋشىلار — عىلىم – تەحنيكا وقۋ - اعارتۋىن جولعا قويۋدىڭ وزەگى. «پىكىردە» عىلىم – تەحنيكا وقۋ – اعارتۋىندا وقىتۋشىلاردىڭ تاربيەسى مەن كۋرستىق تاربيەنى جاپپاي توعىستىرىپ، ءپان اتتاعان ءبىلىم مەن ونەرگە يە امبەباپ وقىتۋشىلار قوسىنىن قۇرۋ ايتىلدى. سونىمەن بىرگە، وتباسى، مەكتەپ، الەۋمەتتىك اۋماق سەلبەسىپ ادام تاربيەلەۋدىڭ ”وقۋ ـ اعارتۋ بىرلەسكەن تۇلعاسىنا“ سۇيەنىپ، جوعارى مەكتەپتەر، عىلىمي زەرتتەۋ ورىندارى، عىلىم ـ تەحنيكا كاسىپورىندارى، الاڭ ـ ساراي بازالارى، وتباسى، الەۋمەتتىك اۋماق قاتارلى ءار جاقتارداعى بايلىقتاردى ءونىمدى تۇردە سايكەستىرىپ، وڭىرلىك عىلىم ـ تەحنيكا وقۋ ـ اعارتۋ ورتالىعىن بىرگە قۇرۋدى العا قويدى.