شي جينپيڭ جۇڭگو، ۆيەتنام پارتيالارىنىڭ 20 - رەتكى نازاريالىق زەرتتەۋ - تالقى ماجىلىسىنە قۇتتىقتاۋ حاتىن جولدادى

شينحۋا اگەنتتىگى، 11 - ايدىڭ 12 - كۇنى، بەيجيڭ. 11 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جۇڭگو، ۆيەتنام پارتيالارىنىڭ 20 - رەتكى نازاريالىق زەرتتەۋ - تالقى ماجىلىسىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: جۇڭگو مەن ۆيەتنام − جاقسى كورشى، جاقسى دوس، جاقسى جولداس، جاقسى سەرىك، ستراتەگيالىق مانگە يە تاعدىرلاس ورتاق تۇلعا. جۇڭگو مەن ۆيەتنام پارتيالارى ماركسيزمگە تاباندى بولىپ جانە ونى دامىتىپ، سوتسياليزم جولىمەن بۇلجىماي ءجۇرىپ، ءوز ەلدەرىنە باسشىلىق ەتىپ، سوتسياليستىك قۇرىلىس جۇرگىزىپ، كوپتەگەن ۇقساس نەمەسە قارايلاس داۋىرلىك تاقىرىپتارعا ءدوپ كەلدى. ەكى پارتيا ەل باسقارۋ تاجىريبەلەرىن اۋىستىرۋدى ىشكەرىلەي ورىستەتىپ، ءوز ەلىنىڭ مەملەكەت جاعدايىنا ۇيلەسەتىن سوتسياليستىك وسىزامانداندىرۋ جولىن بىرگە قاراستىرىپ، ماركسيزمنىڭ جەرگىلىكتەنۋىن، زامانالانۋىن قول ۇستاسا ىلگەرىلەتىپ، دۇنيە جۇزىلىك سوتسياليزم قوزعالىسىنىڭ دامۋىن ىلگەرىلەتىپ، جاڭا داۋىردەگى ”جولداس ۇستىنە باۋىرلاس“ دوستىقتىڭ جاڭا تاراۋىن ۇزدىكسىز جازدى.

شي جينپيڭ بىلاي دەپ باسا دارىپتەدى: جۇڭگو، ۆيەتنام پارتيالارىنىڭ نازاريالىق زەرتتەۋ - تالقى ءماجىلىسى − ەكى پارتيانىڭ اۋىس - كۇيىسىنىڭ، تىلدەسۋىنىڭ ماڭىزدى تۇعىرى، دوستىقتى، ءوزارا سەنىمدىلىكتى بەكەمدەۋدە، يدەيالىق ورتاق تانىمدى كۇشەيتۋدە، جۇڭگو - ۆيەتنام قارىم - قاتىناسىنىڭ دامۋىن جەبەۋدە بەلسەندى رول اتقارادى. ەكى جاقتىڭ اۋەلگى ماقساتتى ۇمىتپاي، دۇرىس جولدان جازباي، جاڭالىق اشىپ، ەل باسقارۋ تاجىريبەلەرىن اۋىستىرۋدى، ءوزارا ۇلگى الۋدى ۇزدىكسىز كۇشەيتىپ، نازاريالىق زەرتتەۋ - تالقىلاۋدى جانە عىلمي اۋىس - كۇيىستى ىشكەرىلەي ورىستەتىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى بىرگە تەرەڭدەتىپ، ەكى ەلدىڭ وزدەرىنىڭ سوتسياليزم ىستەرى مەن جۇڭگو - ۆيەتنام تاعدىرلاس ورتاق تۇلعاسى قۇرىلىسىنا نازاريالىق تىرەك ازىرلەپ، ادامزاتتىڭ بەيبىتشىلىگى مەن دامۋى سىندى وسكەلەڭ ىسكە ءتيىستى ۇلەس قوسۋىن ءۇمىت ەتەمىن.

سول كۇنى 20 - رەتكى جۇڭگو، ۆيەتنام پارتيالارىنىڭ نازاريالىق زەرتتەۋ - تالقى ءماجىلىسى ۆيەتنامنىڭ نيڭپيڭ قالاسىندا وتكىزىلدى.