ورتالىق اۋا رايى ستانسياسى: سوڭعى جارىم جىلداعى العاشقى سۋىق اعىس ەلىمىزگە ىقپال جاسايدى 

ورتالىق تەلەۆيزيا تورابىنىڭ حابارى: ورتالىق اۋا رايى ستانسياسى تورابىنىڭ حابارلاۋىنشا، سۋىق اعىستىڭ ىقپالىنا ۇشىرايتىندىقتان، 11 – ايدىڭ 14 – كۇنىنەن 17 – كۇنىنە دەيىن، ەلىمىزدىڭ سولتۇستىگىندەگى وڭىرلەر مەن ورتا – شىعىس بولىگىندەگى وڭىرلەردە اۋا تەمپەراتۋراسى جالپى بەتتىك 6 – 10 گرادۋس تومەندەيدى، ىشكى موڭعۇلدىڭ ورتا – باتىس بولىگى، شانشيدىڭ وڭتۇستىك بولىگى، چۇڭچيڭنىڭ سولتۇستىك بولىگى جانە چاڭجياڭنىڭ وڭتۇستىگىندەگى وڭىرلەردىڭ ورتا – شىعىس بولىگى قاتارلى جەرلەردە اۋا تەمپەراتۋراسى 12 – 14 گرادۋس تومەندەيدى؛ 11 – ايدىڭ 18 – كۇنى تاڭ سارىدە ەڭ تومەنگى اۋا تەمپەراتۋراسى 0 گرادۋس بولاتىن بەلدەۋ وڭتۇستىككە قاراي ويىسىپ، جياڭسۋ مەن انحۇيدىڭ وڭتۇستىك بولىگىندەگى، حۋبەيدىڭ سولتۇستىك بولىگىندەگى وڭىرلەردى شارپيدى. اتالعان وڭىرلەردە 4 – 6 بال جەل سوعادى، ۇيتقىمالى جەل كۇشى 7 – 8 بال بولادى، شينجياڭنىڭ سولتۇستىگىندەگى تاۋ ساعالارىندا، ىشكى موڭعۇلدىڭ شىعىس – وڭتۇستىك بولىگىندەگى ءىشىنارا جەرلەردە ۇيتقىمالى جەل كۇشى 9 – 10 بالعا جەتەدى. مۇندا 11 – ايدىڭ 14 – كۇنىنەن 15 – كۇنىنە دەيىن سۋىق اعىس نەگىزىنەن شينجياڭنىڭ سولتۇستىگىنە، گانسۋعا، نيڭشياعا، ىشكى موڭعۇلدىك ورتا – باتىس بولىگىنە ىقپال جاسايدى، 11 – ايدىڭ 16 – كۇنىنەن 17 – كۇنىنە دەيىن شىعىسقا قاراي جوتكەلىپ، وڭتۇستىككە قاراي ويىسىپ، ورتا – شىعىس بولىكتەگى وڭىرلەرگە ىقپال جاسايدى. 11 – ايدىڭ 16 – كۇنىنەن 19 – كۇنىنە دەيىن، ەلىمىزدىڭ شىعىس بولىگى مەن وڭتۇستىك بولىگىندەگى تەڭىز وڭىرىندە ىلگەرىندى – كەيىندى 6 – 8 بال بوران سوعادى، ۇيتقىمالى جەل كۇشى 9 – 10 بال بولادى.

كەلۋ قاينارى: حالىق تورابى