شىنجوۋ 21 – ءنومىرلى الەم كەمەسىندەگى عارىشكەرلەر گرۋپپاسى جۋىردا ۇيلەسىمدى ۋاقىتتا ءبىرىنشى رەت عارىش بولمەسىنەن شىعىپ ارەكەتتەنەدى

جۇڭگو عارىشقا ادام ۇشىرۋ ينجەنەرياسى كەڭسەسىنىڭ حابارلاۋىنشا، جوسپارداعى ورنالاستىرۋعا ساي، شىنجوۋ 21 – ءنومىرلى عارىش كەمەسىندەگى عارىشكەرلەر گرۋپپاسى جۋىردا ۇيلەسىمدى ۋاقىتتا ءبىرىنشى رەت عارىش بولمەسىنەن شىعىپ ارەكەتتەنەدى.

بەيجيڭ ۋاقىتى بويىنشا 2025 – جىلى 11 – ايدىڭ 1 – كۇنى شىنجوۋ 21 – ءنومىرلى عارىش كەمەسىندەگى عارىشكەرلەر عارىشتىق قۇراما تۇلعاسىنا ءساتتى ورنالاسقاننان بەرى، شىنجوۋ 20 – ءنومىرلى عارىش كەمەسىندەگى عارىشكەرلەرمەن اۋىسۋ، عارىش بەكەتىندەگى تەكشەنى قورعاۋ جانە كۇتىمدەۋ، شۇعىل جاعدايدا قاجەتتى زاتتاردى شارلاپ تەكسەرۋ جانە رەتتەۋ، تۇرمىس كەشىرۋ جانە دەنساۋلىقتى كۇتىمدەۋ قاتارلى قىزمەتتەردى ورىنداپ، تۇتاس جۇيە بويىنشا شۇعىل قىسىمعا توتەپ بەرۋگە جانە وربيتادا مەحانيكالىق بىلەكتى قولدانۋعا جاتتىعۋ جاسادى، عارىشتاعى ءتۇرلى عىلىمي زەرتتەۋ مىندەتىن ورنىقتى ىلگەرىلەتتى. مۇنان سىرت، عارىشكەرلەر وربيتادا شىنجوۋ 22 – ءنومىرلى الەم كەمەسىن قارسى الدى ءارى بۇيىمداردى سايكەستىرۋدى سىناق ەتۋ مەن عارىشقا شىعارىلعان زاتتاردى رەتتەۋ قاتارلى جۇمىستاردى ورىندادى.

قازىر عارىش بەكەتى قۇراما تۇلعاسىنىڭ قوزعالىسى ورنىقتى، شىنجوۋ 21 – ءنومىرلى الەم كەمەسىندەگى عارىشكەرلەردىڭ كۇي – جايى جاقسى، عارىش بولمەسىنەن شىعىپ ارەكەتتەنۋگە قاتىستى ءتۇرلى دايىندىق قىزمەتتەردى ورىنداپ بولدى.

كەلۋ قاينارى: حالىق تورابى