شي جينپيڭ فرانسيانىڭ زۇڭتۇڭى ماكرونمەن كەڭەس وتكىزدى

12 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن فرانسيانىڭ زۇڭتۇڭى ماكرونمەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان زۇڭتۇڭ ماكرون جانە حانىمىمەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

12 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن فرانسيانىڭ زۇڭتۇڭى ماكرونمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ماكروندى قارسى الۋ سالتىن وتكىزدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگى، 12 - ايدىڭ 4 - كۇنى، بەيجيڭ (تىلشىلەر دۇڭ شۋە، فىڭ شينران). 12 - ايدىڭ 4 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن فرانسيانىڭ زۇڭتۇڭى ماكرونمەن كەڭەس وتكىزدى.

شي جينپيڭ بىلاي دەپ اتاپ كورسەتتى: جۇڭگو مەن فرانسيا − كورەگەن، جاۋاپكەرشىلىك ارقالايتىن دەربەس، ءوز - وزىنە قوجايىن بولاتىن ءىرى ەلدەر، دۇنيە ءجۇزىنىڭ كوپ ۇيەكتەنۋىن ىلگەرىلەتەتىن، ادامزاتتىڭ ىنتىماعىن، سەلبەستىگىن جەبەيتىن سىندارلى كۇش. قازىر 100 جىلدىق وزگەرىس جەدەل قۇبىلىپ، ادامزات تاعى دا قالاي ءجۇرۋدىڭ جول ايىرىعىندا تۇر. جۇڭگو - فرانسيا ەكى ەل جاۋاپكەرشىلىك ارقالاۋدى ايگىلەپ، كوپ جاقتىلىق تۋىن بيىك ۇستاپ، تاريحتىڭ دۇرىس جاعىندا مىزعىماي تۇرۋى كەرەك. جۇڭگو جاق فرانسيا جاقپەن بىرگە، باستان - اياق ەكى ەل حالقىنىڭ ءتۇبىرلى مۇددەسىن جانە حالىقارالىق قوعامنىڭ ۇزاق بولاشاقتىق مۇددەسىن شىعار ءتۇيىن ەتىپ، تەڭ تۇرعىدا تىلدەسۋگە، اشىق سەلبەسۋگە تاباندى بولىپ، جۇڭگو مەن فرانسيانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ”جاڭا الپىس جىلدىعىندا“ اناعۇرلىم ورنىقتى، اناعۇرلىم جاقسى جۇرۋىنە مۇمكىندىك جاساپ، ونىڭ ستراتەگيالىق قۇنىن تولىق ايگىلەپ، بارابار، ءتارتىپتى دۇنيە ءجۇزىنىڭ كوپ ۇيەكتەنۋىن، جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتۋگە تىڭ ۇلەس قوسۋدى قالايدى.

شي جينپيڭ بىلاي دەپ باسا دارىپتەدى: سىرتقى ورتا قالاي وزگەرسە دە، جۇڭگو - فرانسيا ەكى ەل باستان - اياق ءىرى ەلدىڭ ستراتەگيالىق كوز اياسىن جانە دەربەس، ءوز - وزىنە قوجايىن بولۋىن ايگىلەپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرى جونىندە ءوزارا ءتۇسىنىسىپ جانە قولداۋ كورسەتىپ، جۇڭگو - فرانسيا قارىم - قاتىناسىنىڭ ساياسي نەگىزىن ويداعىداي قورعاۋى كەرەك.

جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”15 - بەسجىلدىق“ جوبا ۇسىنىسىن قاراپ ماقۇلداپ، جۇڭگونىڭ الداعى 5 جىلداعى دامۋى ءۇشىن جوبا جاسادى، سونداي - اق دۇنيە جۇزىنە ”وراي تىزىمدىگىن“ ازىرلەدى. جۇڭگو مەن فرانسيا ەكى ەل ورايدى مىقتى يگەرىپ، سەلبەستىك كەڭىستىگىن كەڭەيتىپ، اۆياتسيا، عارىش، يادرو ەنەرگياسى سياقتى ءداستۇرلى سالالارداعى سەلبەستىكتى بەكەمدەپ، جاسىل ەكونوميكا، سيفرلى ەكونوميكا، بيولوگيالىق ءدارى - دارمەك، جاساندى زەردە، جاڭا ەنەرگيا سياقتى سالالارداعى سەلبەستىك كومەسكى كۇشىن اشۋى كەرەك. جۇڭگو جاق فرانسيانىڭ اناعۇرلىم كوپ ساپالى ونىمدەرىن يمپورت ەتۋدى قالايدى، اناعۇرلىم كوپ فرانسيا كاسىپورىندارىنىڭ جۇڭگوعا كەلىپ دامۋىن قارسى الادى، سونداي - اق فرانسيا جاقتىڭ جۇڭگو كاسىپورىندارىنا ءادىل ورتا جانە ورنىقتى مەجە ازىرلەۋىن ءۇمىت ەتەدى. جۇڭگو - فرانسيا ەكى ەل حالقى تابيعي جاقىندىق سەزىمگە يە، مادەنيەت، وقۋ - اعارتۋ، عىلىم - تەحنيكا، جەرگىلىكتى ورىن سياقتى سالالارداعى اۋىس - كۇيىستى، سەلبەستىكتى تەرەڭدەتىپ، گۋمانيتارلىق اۋىس - كۇيىستىڭ تاماشا تاراۋىن ۇزدىكسىز جازۋ كەرەك.

شي جينپيڭ بىلاي دەپ باسا دارىپتەدى: بۇگىنگى دۇنيە ءجۇزى تىم تىنىش ەمەس، قولامتالى ماسەلەلەر كوپ تۇيىندە تۋىلۋدا، كۇردەلى، شەشىلۋى قيىن. جۇڭگو مەن فرانسيا بىرلەسكەن مەملەكەتتەر ۇيىمىن قۇرۋشى مۇشە ەل جانە حاۋىپسىزدىك القالار كەڭەسىنىڭ تۇراقتى القا ەلى رەتىندە، ناعىز كوپ جاقتىلىقتى امالياتتا ايگىلەپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاپ، داۋ - شاردى ساياسي جولمەن شەشۋ، دۇنيە ءجۇزىنىڭ بەيبىتشىلىگى مەن ورنىقتىلىعىن جەبەۋ جونىندە قارىم - قاتىناس پەن سەلبەستىكتى كۇشەيتىپ، الەمدىك جونگە سالۋدى رەفورمالاۋدى، كەمەلدەندىرۋدى ىلگەرىلەتۋى كەرەك. قازىر دۇنيە جۇزىندە وڭتۇستىك پەن سولتۇستىكتىڭ دامۋىنداعى بىركەلكىسىزدىك، وركەندەپ كەلە جاتقان ەلدەردىڭ حالىقارالىق فينانس قۇرىلىمىنداعى ۋاكىلدىك سيپاتى جەتەرسىز بولۋ سياقتى كوپتەگەن بىركەلكىسىزدىك ماسەلەسى ورىن تەۋىپ وتىر، ءار ەل جاۋاپكەرشىلىكتى بىرگە ارقالاپ، سايكەستى ارەكەت جاساپ، دۇنيە ءجۇزى ەكونوميكاسىن جونگە سالۋدىڭ اناعۇرلىم ءادىل، ادىلەتتى، ۇيلەسىمدى بولۋىن قول ۇستاسا ىلگەرىلەتۋى كەرەك.

جۇڭگو مەن ەۆروپانىڭ 50 جىلدان بەرگى بارىس - كەلىس سەلبەستىگى ءوزارا پايدا جەتكىزىپ، تەڭ يگىلىككە كەنەلىپ، ءبىر - بىرىنە پايدا جەتكىزدى. ءار ەلدىڭ ءوندىرۋ تىزبەگى، قامداۋ تىزبەگى ىشكەرىلەي توعىسىپ، ەسىك اشۋ سەلبەستىگى وراي الا كەلدى، ”بايلانىسىن ءۇزۋ، تىزبەكتى بۇزۋ“ ءوزىن - ءوزى تۇيىقتاعاندىقتى بىلدىرەدى. قورعانىمپازدىق دۇنيە ءجۇزىنىڭ كاسىپ سالاسى قۇرىلىمىن رەتتەۋ ماسەلەسىن شەشە المايدى، قايتا حالىقارالىق ساۋدا ورتاسىن قيىن كۇيگە تۇسىرەدى. جۇڭگو - ەۆروپا ەكى جاق سەرىكتەستىك قارىم - قاتىناس ورنىنا تاباندى بولىپ، اشىق پوزيتسيا ۇستانىپ سەلبەستىكتى ىلگەرىلەتىپ، جۇڭگو - ەۆروپا قارىم - قاتىناسىنىڭ دەربەس، ءوز - وزىنە قوجايىن بولۋ، سەلبەسىپ تەڭ يگىلىككە كەنەلۋ دۇرىس ارناسىمەن دامۋىنا شىنايى كەپىلدىك ەتۋى كەرەك.

ماكرون مىنالاردى ءبىلدىردى: فرانسيا مەن جۇڭگو جوعارى جىكتەگىلەردىڭ ءجيى بارىس - كەلىسىن ساقتاپ كەلەدى، باستان - اياق ءوزارا سەنىم ارتىپ، ءوزارا قۇرمەت ەتىپ كەلەدى. فرانسيا جاق جۇڭگومەن قارىم - قاتىناسىنا ءمان بەرەدى، ءبىر جۇڭگو ساياساتىن باتىل اتقارادى، فرانسيا مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىن ۇزدىكسىز تەرەڭدەتۋدى قالايدى. فرانسيا جاق جۇڭگونىڭ ەكونوميكانى قارىشتاپ دامىتقاندىعىن، ەسىك اشۋعا، سەلبەسۋگە تاباندى بولعاندىعىن، دۇنيە جۇزىنە اناعۇرلىم كوپ وراي اكەلگەندىگىن كورىپ قۋانۋدا، جۇڭگو جاقپەن ءوزارا قارجى قوسۋدى جەبەپ، ەكونوميكا - ساۋدا، قايتا تۋىندايتىن ەنەرگيا سياقتى سالالارداعى سەلبەستىكتى كۇشەيتىپ، دوسجار مادەنيەت اۋىس - كۇيىسىن جەبەۋدى قالايدى. فرانسيا جاق جۇڭگو كاسىپورىندارىنىڭ فرانسياعا كوبىرەك قارجى قوسۋىن قارسى الادى، ءادىل، كەمسىتپەيتىن شارۋاشىلىق - ساۋدا ورتاسىن ازىرلەۋدى قالايدى.

فرانسيا جاق ەۆروپا - جۇڭگو قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋگە كۇش سالادى، ەۆروپا مەن جۇڭگو تىلدەسۋگە، سەلبەسۋگە تاباندى بولۋى كەرەك، ەۆروپا ستراتەگيالىق دەربەستىكتى جۇزەگە اسىرۋى كەرەك دەپ قارايدى. دۇنيە ءجۇزىنىڭ وڭىرلىك جاعدايىنىڭ ورنىقسىزدىعى، كوپ جاقتى ءتارتىپتىڭ سوققىعا ۇشىراۋى الدىندا، فرانسيا مەن جۇڭگونىڭ سەلبەستىگى ءتىپتى دە ماڭىزدى، كەم بولسا بولمايدى. فرانسيا جاق ءتوراعا شي جينپيڭنىڭ الەمدىك جونگە سالۋعا رەفورما جاساۋ جانە ونى كەمەلدەندىرۋ، الەمدىك ەكونوميكانىڭ اناعۇرلىم تەپە - تەڭدىگىن ىلگەرىلەتۋ جونىندەگى پىكىرىن بۇكىلدەي قۇپتايدى، جۇڭگو جاقپەن سايكەسۋدى كۇشەيتىپ، ءىرى ەل جاۋاپكەرشىلىگىن بىرگە ارقالاپ، كوپ جاقتىلىققا تاباندى بولىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ، جاساندى زەردەنى جونگە سالۋ سياقتى سالالارداعى سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگى مەن گۇلدەنۋىن جەبەۋگە ۇلەس قوسۋدى قالايدى.

ەكى ەل مەملەكەت باسشىلارى ۋكراينا داعدارىسى جونىندە پىكىر الماستىردى. شي جينپيڭ بىلاي دەپ اتاپ كورسەتتى: جۇڭگو جاق بەيبىتشىلىككە ءتيىمدى بارلىق قۇلشىنىستى قولدايدى، ءوز تاسىلىمەن داعدارىستى ساياسي جولمەن شەشۋدە ۇزدىكسىز سىندارلى رول اتقارادى. جۇڭگو جاق ەۆروپا ەلدەرىنىڭ ءتيىستى رولىن ساۋلەلەندىرىپ، ەۆروپا حاۋىپسىزدىگىنىڭ تەپە - تەڭ، ءونىمدى، باياندى جۇلگەسىن ورناتۋدى ىلگەرىلەتۋىن قولدايدى.

كەڭەستەن كەيىن ەكى ەل مەملەكەت باسشىلارى يادرو ەنەرگياسى، اۋىل شارۋاشىلىعى، ازىق - تۇلىك، وقۋ - اعارتۋ، ەكولوگيالىق ورتا سياقتى سالالارداعى كوپتەگەن سەلبەستىك قۇجاتىنا قول قويۋعا بىرگە كۋا بولدى.

ەكى ەلدىڭ مەملەكەت باسشىلارى تاعى جۇڭگولىق، شەتەلدىك تىلشىلەرمەن كەزدەستى.

كەڭەستىڭ الدىندا شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا ماكرون مەن حانىمى بريجيتتى قارسى الۋ سالتىن وتكىزدى.

ماكرون جەتكەن كەزدە قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن فرانسيا ەكى ەلدىڭ مەملەكەت گيمنىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. ماكرون شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى تۇستە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا ماكرون مەن حانىمىنا ارناپ قارسى الۋ قوناعاسىن وتكىزدى.

ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى