U 22 مەملەكەتتىك فۋتبول كومانداسىنىڭ شوعىرلى جاتتىعۋ تىزىمدىگى جاريالاندى شينجياڭدىق 4 دوپشى تاڭدالدى

12 - ايدىڭ 4 – كۇنى، جۇڭگو فۋتبول بىرلەستىگىنىڭ رەسمي تورابى «جۇڭگو فۋتبول قوعامىنىڭ U − 22 مەملەكەتتىك ەرلەر فۋتبول قۇراماسىن دامىتۋدىڭ 2025 - جىلعى 7 - رەتكى شوعىرلى جاتتىعۋىن ۇيىمداستىرۋ جونىندەگى ۇقتىرۋىن» جاريالادى، جۇڭگو U-22 ەرلەر فۋتبولىنىڭ U23 ازيا ساۋىتىنا دايىندالۋىنداعى 29 ادامنىڭ ەسىمدىگىن جاريالادى، مۇنىڭ ىشىندە شينجياڭدىق 4 دوپشى تاڭدالدى.

شينجياڭدىق 4 دوپشى جەكە ـ جەكە: بايحرام ابدۇۋالي، ءۇمىتجان ءۇسىپ، يمران مامەت، ءمۇتالىپ يمىنقاري.

ۇعىسۋعا قاراعاندا، 2026 ـ ازيا فۋتبول بىرلەستىگىنىڭ ساۋد ارابيا U 23 ازيا ساۋىتىنا تالاسۋ جارىسىنا قاتىناسۋ ءۇشىن، جۇڭگو 22U مەملەكەتتىك ەرلەر فۋتبول كومانداسى 12 ـ ايدىڭ 7 ـ كۇنى گۋاڭدۇڭ ولكەسىنىڭ جاۋچيڭ قالاسىنا بارىپ شوعىرلى جاتتىعۋ ۇيىمداستىرىپ، اراب بىرىككەن امىرلىگىنە، ساۋد ارابياسىنا بارىپ جارىسقا قاتىناسادى.

جارىس جوسپارىنا ساي، 2026 ـ ازيا فۋتبول بىرلەستىگىنىڭ U 23 ازيا ساۋىتى جەرگىلىكتى ۋاقىت 2026 ـ جىلى 1 – ايدىڭ 6 – كۇنىنەن 24 - كۇنىنە دەيىن ساۋد ارابياسىندا وتكىزىلەدى. بيىل 10 – ايدىڭ باسىندا U 23 ازيا لوڭقاسىنىڭ گرۋپپالارعا ءبولۋ جەرەبە تارتۋدىڭ ناتيجەسى رەسمي جاريالاندى، بارلىق 16 كوماندا 4 گرۋپپاعا ءبولىندى، ءاربىر گرۋپپادا 4 كوماندا بولدى. گرۋپپا جارىسى اقىرلاسقاننان كەيىن، ءار گرۋپپانىڭ الدىڭعى ەكى كومانداسى 8 مىقتى كوماندا قاتارىنا وتەدى. جۇڭگو 22U ەرلەر فۋتبول كومانداسى يراق كومانداسىمەن، اۆستراليا كومانداسىمەن، تايلاند كومانداسىمەن بىرگە D گرۋپپادا بولدى.

كەلۋ قاينارى: حالىق تورابى