فۋجيان جاڭا داۋىردەگى تاۋلى ءوڭىر، تەڭىز جاعالاۋىنداعى ءوڭىر سەلبەستىگىن ىشكەرىلەي اتقاردى

ماتەريال سالۋ، ۇنتاقتاۋ، ايىرۋ، تازارتۋ... فۋجيان لۇڭيان قالاسى شيالۇڭ سەلبەستىك رايونىندا شينلۋ ۋولفرام كاسىبى شەكتى سەرىكتەستىگىنىڭ تۇتاس بارىستى زەردەلىلەندىرۋ ءوندىرىس جەلىسى تولىق ىسكە قوسىلىپ، سۇرعىلت ءتۇستى ۋولفرام سۇرىپتالعان رۋداسى ونەركاسىپتە جاسالعان ماڭىزدى ماتەريال ۋولفرام قىشقىل اممونيعا اينالدى.

وندىرىسكە قوسىلعاننان بەرى شيامىن مەن لۇڭيان بىرلەسىپ قارجى قوسىپ جەتىلدىرگەن وسى كاسىپورىن تەڭىز جاعالاۋىنداعى قارجى، تەحنيكا، باسقارۋ ابزالدىعىنان جانە تاۋلى وڭىرلەردىڭ جەر، ەڭبەككۇش، بايلىق ابزالدىعىنان تولىق پايدالانىپ، تەز قارقىنمەن زورايدى. ”بيىل الدىڭعى 3 توقساندا ءونىم قۇنى 930 ميلليون يۋانعا جەتىپ، 200 دەن استام ادامنىڭ جۇمىستانۋىنا دەم بەرىلىپ، باتىس فۋجيان توڭكەرىستىك بايىرعى رايونىنىڭ دامۋ قوزعاۋشى قۋاتىن كۇشەيتۋىنە دەم بەرىلدى“ دەدى سەرىكتەستىكتىڭ باس ديرەكتورى جۋ بينچۋان.

2024 - جىلى 10 - ايدا باس شۋجي شي جينپيڭ فۋجياندا قىزمەت تەكسەرگەندە بىلاي دەپ اتاپ كورسەتتى: ”وڭىرلەردىڭ سايكەستى دامۋىن جانە قالا مەن اۋىلدىڭ توعىسپالى دامۋىن ىلگەرىلەتۋ جاعىندا ۇلگى كورسەتۋ كەرەك. تاۋلى ءوڭىر مە تەڭىز جاعالاۋىنداعى ءوڭىردىڭ سەلبەستىك مەحانيزمىن اقاۋسىزداندىرىپ، تەرەڭدەتىپ، تاۋلى ءوڭىر مەن تەڭىز جاعالاۋىنداعى ءوڭىردى ءبىر تۇتاس جوسپارلاۋدى كۇشەيتىپ، فۋنكتسيالاردىڭ ءبىرىن - ءبىرى تولىقتاۋىن كۇشەيتۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان فۋجيان جاڭا داۋىردەگى ”تاۋ - تەڭىز سەلبەستىگىن“ كۇش سالا جاقسى ىستەپ، فۋجيان ەرەكشەلىگىنە يە بىرگە اۋقاتتانۋ جولىن قاراستىردى. 2024 - جىلى بۇكىل ولكەدەگى تۇراقتى حالىقتىڭ قالا - قالاشىقتانۋ شاماسى %71.8 كە جەتىپ، قالا - اۋىل تۇرعىندارىنىڭ يگەرىلمەلى كىرىسىندەگى پارىق 2.06 عا ازايىپ، بۇكىل ەلدىڭ ورتاشا دەڭگەيىنەن جوعارى بولدى.

پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە: ”وڭىرلىك ەكونوميكانىڭ ورنالاسۋىن ساپالىلاندىرىپ، وڭىرلەردىڭ سايكەستى دامۋىن جەبەۋ“ ورتاعا قويىلدى. ورتالىقتىڭ ەكونوميكالىق قىزمەت ماجىلىسىندە: ”سايكەستى دامۋعا تاباندى بولىپ، قالا مەن اۋىلدىڭ توعىسۋى مەن وڭىرلەردىڭ ىقپالداستىعىن جەبەۋ كەرەك“ دەپ باسا دارىپتەلدى. فۋجيان ولكەسى وڭىرلەردىڭ پارىقتى، ەرەكشەلىككە يە سايكەستى دامۋىنا تاباندى بولىپ، جاڭا داۋىردەگى تاۋ - تەڭىز سەلبەستىگىن ىشكەرىلەي اتقارىپ، تەڭىز جاعالاۋىندا حالىق سانى، ەكونوميكا شوعىرلانۋ، تاۋلى وڭىرلەردە ەكولوگيانى ءتۇيىندى قورعاۋ، تاۋلى ءوڭىر، تەڭىز جاعالاۋى اراسىندا سايكەسۋ، ىقپالداسۋ سىندى وڭىرلىك دامۋ جاعدايىن قالىپتاستىردى.

چۋانجوۋ قالاسى لوجياڭ رايونىندا جۇڭگو مەحانيكا باس مەكەمەسى چۋانجوۋ جاڭالىق اشۋ ورتالىعى جارتىلاي وتكىزگىشتى كريستال دوڭگەلەك سىزۋ ماشيناسىن دەربەس زەرتتەپ جاساپ، ءتۇرلى تەحنيكالىق كورسەتكىشتەر كاسىپ سالاسىنىڭ وزىق ورەسىنە جەتتى. سانميڭ قالاسى سانيۋان رايونىندا چۋانسان جوعارى دەڭگەيلى جابدىق كاسىپ سالاسى باقشاسى نىسانى جەدەل تياناقتانىپ، 26 كاسىپورىن ىرگە تەۋىپ، جالپى 6 ميلليارد 900 ميلليون يۋان قارجى قوسىلدى، تۇگەلدەي سالىنىپ بولىپ، وندىرىسكە قوسىلعاننان كەيىن جىلدىق ءونىم قۇنى 6 ميلليارد 830 ميلليون يۋانعا جەتىپ، 3000 ادام اينالاسىندا جۇمىسقا قابىلدايدى.

چۋانجوۋ، سانميڭ ەكى جەر بىرلەسىپ ”عىلىم - تەحنيكا جاسامپازدىعىنىڭ ورەلى جەرىن“، ”كاسىپ سالاسى ورەلى جەرىن“ قالىپتاستىرىپ، ابزالدىقتار ارقىلى ءبىرىن - ءبىرى تولىقتايتىن، ءوزارا پايدا جەتكىزىپ، تەڭ يگىلىككە كەنەلەتىن تاۋلى وڭىرلەر مەن تەڭىز جاعالاۋى ءبىر تۇلعالانعان جوعارى ساپالى دامۋدىڭ جاڭا جاعدايىن جەدەل قالىپتاستىردى. فۋجيان ولكەسى جاڭا داۋىردەگى تاۋ - تەڭىز سەلبەستىگى قىزمەت مەحانيزمىن تەرەڭدەتىپ، فۋجوۋ - نانپيڭ جانە نيڭدى، شيامىن - لۇڭيان، چۋانجوۋ - سانميڭ باعىتتامالى سەلبەستىك قاتىناسىن ورناتىپ، 32 اۋدان دارەجەلى سەلبەستىك قاتىناسىن ساپالىلاندىردى.

تاۋ - تەڭىز قول ۇستاسا بىرگە ىلگەرىلەپ، وڭىرلىك سايكەستى دامۋدىڭ قوزعاۋشى كۇشى تاسقىندادى. بيىل 10 - ايعا دەيىن فۋجيان ولكەسىنىڭ تاۋ - تەڭىز سەلبەستىك ءتۇيىندى نىسانى 218 گە جەتىپ، جالپى 59 ميلليارد 500 ميلليون يۋان قارجى قوسىلدى. ”كاسىپ سالاسى بىرلەسىپ دامىپ، بايلىق ابزالدىعى بىرىكتىرىلىپ، بۇكىل ولكەنىڭ وڭىرلىك وندىرگىش كۇشتەرىنىڭ ورنالاسۋى ۇزدىكسىز ساپالىلانىپ، تاۋلى وڭىرلەردىڭ ’قان جاساۋ‘ قۋاتى ۇزدىكسىز كۇشەيدى“ دەدى فۋجيان ولكەلىك دامۋ جانە رەفورما كوميتەتىنىڭ مەڭگەرۋشىسى مىڭ چيان.

قالا مەن اۋىل بىرلەسىپ قيمىلداپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، سايكەستى داميتىن، بىرگە گۇلدەنەتىن جاڭاشا ونەركاسىپ - اۋىل شارۋاشىلىعى، قالا - اۋىل قاتىناسى جەدەل قالىپتاستى.

كەشتە جاڭجوۋ قالاسى دۇڭشان اۋدانى چىنچىڭ قالاشىعى اۋجياۋ قىستاعىنىڭ كەمەجايىندا بالىقشى كەمەلەر مول تابىسپەن قايتىپ كەلدى. جىلان بالىق، ءتۇرلى قىسقىش، شايان سياقتىلار توڭازىتىپ جاس كۇيىندە ساقتاۋ اۆتوموبيلىنە تيەلدى، ونان سوڭ ەلەكتروندىق ساۋدا ارقىلى بۇكىل ەلگە ساتىلادى.

”ونەركاسىپ ارقىلى اۋىل شارۋاشىلىعىن جەتەكتەپ، ساياحات ارقىلى اۋىل شارۋاشىلىعىن جەبەپ، تەڭىز - مۇحيت ەكونوميكالىق كاسىپ تىزبەگىن ۇزدىكسىز ۇزارتىپ، ’تەڭىز‘ ءىسىن تىڭعىلىقتى ىستەۋ كەرەك“. اۋجياۋ قىستاعى پارتكومىنىڭ شۋجيى لين حۋاجۇڭ بىلاي دەدى: قىستاقتا قازىر 38 بالىق شارۋاشىلىعى مانەرلەۋ كاسىپورنى، 117 تەڭىز ونىمدەرى ەلەكتروندىق ساۋداسى، سونداي - اق 41 حالىقتىق تۇسەلحانا بار، قىستاق تۇرعىندارىنىڭ جان باسىندىق يگەرىلمەلى كىرىسى 60 مىڭ يۋاننان استى.

قالا مەن اۋىلدىڭ كاسىپ سالاسىنىڭ سايكەسۋىن، نەگىزدىك قۇرىلعىلاردىڭ ۇلاسۋىن ىلگەرىلەتىپ، قالا مەن اۋىلدىڭ ءبىر تۇتاس جۇيەسىن ويداعىداي جۇرگىزدى. فۋجيان اۋىل - قىستاقتىڭ ەرەكشەلىككە يە ۇساق ونىمدەرىنىڭ ءىرى كاسىپ سالاسىنا اينالۋىن ىلگەرىلەتتى، مەجەمەن بيىل شاي، سۋ ونىمدەرى، ورمان، بامبۇك سياقتى ەرەكشەلىككە يە 10 اۋىل - قىستاق كاسىپ سالاسىنىڭ جالپى كاسىپ تىزبەگى ءونىم قۇنى 3 تريلليون يۋاننان اسادى. ”كورشىلەس اۋداندارعا جوعارى قارقىندى تاس جول، اۋىل - قالاشىقتارعا قولايلى تاس جول تۇتاستى“، فۋجيان ولكەسى بويىنشا كورشىلەس اۋدانداردىڭ %86 ىنىڭ اراسىندا جوعارى ءونىمدى قاتىناۋعا بولادى، قۇرلىقتىق اۋىل - قالاشىقتاردىڭ %85 ى 30 مينۋت ىشىندە جوعارى قارقىندى تاس جولعا شىعا الادى. 2024 - جىلى اۋدان ءوڭىرى بۇكىل ولكەدەگى جاڭادان ارتقان قالا - قالاشىق جان سانىنىڭ %54.7 ىن سيعىزدى.

دامۋ جەتىستىكتەرىنەن ورتاق يگىلىكتەنىپ، الەۋمەتتىك بايلىقتى بىركەلكى ورنالاستىرىپ، نەگىزگى الەۋمەتتىك قىزمەت وتەۋدىڭ بىركەلكىلەنۋىن جەبەدى.

نيڭدى قالاسى 5G شيپاحاناسىنىڭ الدىنداعى شۇعىل قۇتقارۋ جۇيەسىن قۇرىپ، شيپاحاناعا جەتكىزۋ بارىسىندا ناۋقاستاردىڭ تىرشىلىك بەلگىلەرى ينفورماتسياسىن جەتكىزىپ، شۇعىل قۇتقارۋدىڭ دايىندىق ۋاقىتىن قىسقارتتى؛ فۋجيان - نيڭدى بالالار ارناۋلى ءبولىمى وداعى ارقىلى جاڭا تۋعان قاتەرلى، سالماقتى نارەستەلەردىڭ فۋجوۋعا بارىپ ەمدەلۋىنە قولايلىلىق جاراتىلدى، قازىر 400 دەن استام ادام - رەت قابىلداندى...

سوڭعى جىلدارى فۋجوۋ قالا شەڭبەرى ەمدەۋ جۇيەسىنىڭ سەلبەستىگىنە ۇزدىكسىز كۇش سالىپ، ”بىرگە قۇرۋ، بىرگە يگىلىكتەنۋ، ابزالدىقتار ارقىلى ءبىرىن - ءبىرى تولىقتاۋ“ پرينسيبىن تىعىز ارقاۋ ەتىپ، تەحنيكالىق جاقتان كومەكتەسۋ - سۇيەمەلدەۋ، دارىندىلاردى ءوزارا جىبەرۋ، قوس باعىتتا اۋىستىرىپ دياگنوز قويۋ سياقتى مەحانيزمدەردىڭ تياناقتانۋىن جەبەپ، وڭىرلىك جالپى تۇلعالىق ەمدەۋ دەڭگەيىن ۇزدىكسىز جوعارىلاتتى، بۇقارانىڭ اۋرۋ كورسەتۋى اناعۇرلىم قولايلى، اناعۇرلىم ۇنەمدى بولدى.

حالىقتىڭ ىرىس - قۇتىن ارتتىرۋدى تياناق ەتكەن فۋجيان ولكەسى پارتيا 18 - قۇرىلتايىنان بەرى ءار جىلى قازىنالىق شىعىستىڭ %70 تەن استامىن حالىق تۇرمىسى قوعامدىق ىستەرىنە جۇمسادى. بيىل الدىڭعى 3 توقساندا بۇكىل ولكەنىڭ ادەتتەگى الەۋمەتتىك مەجە ەسەپ شىعىسى 453 ميلليارد 449 ميلليون يۋان بولدى، مۇنىڭ ىشىندە حالىق تۇرمىسى شىعىسى %77.8 تى ۇستاپ، بۇكىل ەلدىڭ ورتاشا دەڭگەيىنەن جوعارى بولدى.

”فۋجيان باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، جوعارى ساپالى دامۋدى ىلگەرىلەتۋدەگى ماڭداي الدى مىندەتپەن جانە بىرگە اۋقاتتانۋمەن تىعىز بايلانىستىرىپ، جاڭا داۋىردەگى ’تاۋ - تەڭىز سەلبەستىگىن‘ ۇزدىكسىز جاقسى ىستەپ، وڭىرلىك پارىقتى، قالا مەن اۋىلدىڭ پارقىن بىرتىندەپ ازايتىپ، وڭىرلەردىڭ سايكەستى دامۋىن جانە قالا مەن اۋىلدىڭ توعىسپالى دامۋىن ىلگەرىلەتۋدە ۇلگى كورسەتەدى“ دەدى فۋجيان ولكەلىك پارتكومنىڭ شۋجيى جوۋ زۋ - ي.

كەلۋ قاينارى: حالىق تورابى