ماگيسترلىق اسپيرانت ەمتيحانىنا ءبىر كۇن قالدى! بۇل نارسەلەردى دايىنداپ قويۋدى ۇمىتپاڭىزدار

2026 – جىلعى ماگيسترلىق اسپيرانتتاردىڭ العاشقى ەمتيحانى 12 – ايدىڭ 20 – كۇنىنەن 21 – كۇنىنە دەيىن الىنادى، ەمتيحانعا ءبىر كۇن قالدى، ەمتيحان كەزىندە قانداي نارسەلەرگە كوڭىل ءبولۋ كەرەك؟ تومەندەگى ناقتى كەرەكتى نارسەلەردى كورىپ الىڭىزدار.

ساعات قوڭىراۋىن تەڭشەپ قويىڭىزدار، العاشقى ەمتيحانىنىڭ ورنالاستىرۋى تومەندەگىندەي:

12 - ايدىڭ 20 - كۇنى ساعات 8:30 دان 11:30 عا دەيىن يدەيالىق - ساياسي نازاريا نەمەسە باسقارۋ تۇرىندەگى جالپىلىق قابىلەت

12 - ايدىڭ 20 - كۇنى ساعات 14:00 تەن 17:00 گە دەيىن شەتەل ءتىلى

12 - ايدىڭ 21 - كۇنى ساعات 8:30 دان 11:30 عا دەيىن كاسىپتىك ساباق (1) نەمەسە كاسىپتىك نەگىزدىك جالپىلىق ساباق

12 - ايدىڭ 21 - كۇنى ساعات 14:00 تەن 17:00 گە دەيىن كاسىپتىك ساباق (2)

ەمتيحان كۇنى قانداي نارسەلەردى الىپ بارۋ كەرەك؟

ازاماتتىق كۋالىك: ازاماتتىق كۋالىكتىڭ كۇشكە يە مەرزىم ىشىندە بولۋىنا، ءسوز جوق، كەپىلدىك ەتۋ كەرەك.

ازاماتتىق كۋالىگى جوعالعان نەمەسە ۋاقىتى وتكەن وقۋشىلار قوعام حاۋىپسىزدىك ورگانىنا بارىپ ۋاقىتتىق ازاماتتىق كۋالىك الۋى نەمەسە ءوزىنىڭ سۋرەتى بار ازاماتتىق كۋالىك انىقتاماسى بولۋى، سونداي - اق قوعام حاۋىپسىزدىك ورگانىنىڭ تاڭباسى باسىلعان بولۋى كەرەك. نوپوس داپتەرى، شوفەرلىك كۋالىگى قاتارلىلاردى الاڭعا كىرۋدىڭ كۋالىگى ەتۋگە بولمايدى. ەمتيحان بەرۋشىلەردىڭ جەكە ادامنىڭ ازاماتتىق كۋالىگىنىڭ كۇشكە يە ۋاقىتىن الدىن الا تەكسەرىپ، كۋالىك اۋىستىرۋ نەمەسە انىقتاما الۋ قاتارلى قىزمەتتەردى دەر كەزىندە جاقسى ىستەۋىن ۇسىنىس ەتەمىز.

ەمتيحان كۋالىگى: بىرنەشە نۇسقا ارتىق باسىپ شىعارۋدى ۇسىنىس ەتەمىز.

ەمتيحانعا قاجەتتى بۇيىمدار: قارا ءتۇستى قول قوياتىن قالام، 2B قارىنداش، وشىرگىش قاتارلى ەمتيحانعا قاجەتتى بۇيىمدار.

قول تەلەفون، زەردەلى قول ساعات قاتارلى ەلەكتروندىق اسپاپتاردى الىپ كىرۋگە قاتاڭ تيىم سالىنادى.