شي جينپيڭ حات جولداپ، ازاتتىق ارميا گازەتى شىعا باستاعاندىعىنىڭ 70 جىلدىعىن قۇتتىقتادى

شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى (ءتىلشى مەي چاڭۋي). ازاتتىق ارميا گازەتى شىعا باستاعاندىعىنىڭ 70 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان گازەت مەكەمەسىندەگى بارلىق جولداستى قىزۋ قۇتتىقتادى.

شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 70 جىلدان بەرى، ازاتتىق ارميا گازەتى باستان ـ اياق پارتيانىڭ باسشىلىعىنا تاباندى بولىپ، پارتيا تۋىن بيىك ۇستاپ، پارتيانىڭ نازارياسى مەن لۋشيان، باعىت ـ ساياساتتارىن بەلسەنە ۇگىتتەپ، اسكەري ءبولىم قۇرىلىسى رەفورماسى مەن سوعىسقا دايىندالىپ، شايقاس جۇرگىزۋ امالياتىن جاندى اڭىس ەتىپ، پارتيامىزدىڭ، ارميامىزدىڭ تاڭداۋلى ءداستۇرىن اسقاقتاتۋ، ۇرپاقتان ـ ۇرپاققا جالعاسقان توڭكەرىستىك اسكەريلەردى باۋلۋ، سومداۋ، حالىق ارمياسىنىڭ دامۋىنا، زورايۋىنا دەم بەرۋ سياقتى جاقتاردا ماڭىزدى ۇلەس قوستى.

شي جينپيڭ بىلاي دەپ باسا دارىپتەدى: ازاتتىق ارميا گازەتى پارتيانىڭ گازەتى بولۋ، ارميا ءۇشىن ىستەۋ بورىشىن، جاۋاپكەرشىلىگىن ەستە بەرىك ساقتاپ، گازەتتى ساياساتشىلار شىعارۋ تالابىن تياناقتاندىرىپ، دۇرىس ساياسي بەتالىس پەن قوعامدىق پىكىر باعىتىن يگەرىپ، وسى زامانعى اقپاراتتىق تاراتۋ زاڭدىلىعىن يگەرىپ، شەپ تانىمىن كۇشەيتىپ، شىنايىلىققا، شىندىققا ۇمتىلۋعا تاباندى بولىپ، بەلسەندى تۇردە تۋراشىلدىقتان اينىماي جاڭالىق اشىپ، اناعۇرلىم ءونىمدى وسى زامانعى اسكەري ىستەر تاراتۋ جۇيەسىنىڭ قۇرىلۋىن ىلگەرىلەتىپ، ۇگىتتىڭ نەگىزگى ارناسى، قوعامدىق پىكىردىڭ نەگىزگى جەتەكشىسى بولۋ رولىن اناعۇرلىم ويداعىداي ساۋلەلەندىرىپ، وفيتسەر ـ اسكەرلەردىڭ كوڭىل تۇكپىرىنە اناعۇرلىم ويداعىداي جول الىپ، ارميانى قۇدىرەتتەندىرۋ حيكاياسىن ويداعىداي بايانداپ، اسكەر جاتتىقتىرىپ، سوعىسقا دايىندالۋعا قىزمەت وتەپ، مەملەكەت قورعانىسى مەن ارميانى وسىزامانداندىرۋدى جوعارى ساپالى ىلگەرىلەتۋگە قۋاتتى كۇش توپتاۋى كەرەك.

ازاتتىق ارميا گازەتى شىعا باستاعاندىعىنىڭ 70 جىلدىعىن قۇتتىقتاۋ جينالىسى 2025 ـ جىلى 12 ـ ايدىڭ 31 ـ كۇنى بەيجيڭدە وتكىزىلدى. ورتالىق اسكەري ىستەر كوميتەتىنىڭ ورىنباسار ءتوراعاسى جاڭ شىڭمين جينالىستا شي جينپيڭنىڭ قۇتتىقتاۋ حاتىن وقىدى. ول بىلاي دەپ اتاپ كورسەتتى: ءتوراعا شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، قاجىماي ـ تالماي شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداپ، پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ءۇنىن بۇلجىماي تاراتىپ، ارميانى قۇدىرەتتەندىرۋ ءىسىن ىلگەرىلەتۋگە پارمەندى يدەيالىق قوعامدىق پىكىر قولداۋىن ازىرلەۋ كەرەك.

ازاتتىق ارميا گازەتى — ورتالىق اسكەري ىستەر كوميتەتىنىڭ ورگان گازەتى، 1956 ـ جىلى 1 ـ ايدىڭ 1 ـ كۇنى شىعا باستاعان. 2018 ـ جىلى 2 ـ ايدا ازاتتىق ارميا گازەتى مەكەمەسى مەن ارمياداعى باسقا دا نەگىزگى اقپارات مەديالارى بىرىكتىرىلىپ ازاتتىق ارميا اقپارات تاراتۋ ورتالىعى بولىپ قۇرىلدى، قازىر گازەت، جۋرنال، راديو، تەلەۆيزيا، سايت، كىتاپ سياقتى دانەكەرلەردى شوعىرلاندىرعان جالپىلىق مەديا تۇعىرى بولدى، ”جۇڭگو ارمياسى“ سياقتى 91 جاڭا مەديا تاراتۋ تەرمينالى بار، قامتىعان پايدالانۋشىلار جالپى سانى 360 ميلليونعا جەتتى.