مەملەكەتتىك ساياسي كەڭەس جاڭا جىل شاي ءماجىلىسىن وتكىزدى

12 ـ ايدىڭ 31 ـ كۇنى مەملەكەتتىك ساياسي كەڭەس بەيجيڭدە جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ شاي ماجىلىسىنە قاتىناستى ءارى كونسەرتتى تاماشالادى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى. جۇڭگو حالىق ساياسي ءماسليحات كەڭەسى مەملەكەتتىك كوميتەتى 12 ـ ايدىڭ 31 ـ كۇنى تۇستەن بۇرىن مەملەكەتتىك ساياسي كەڭەس زالىندا جاڭا جىل شاي ءماجىلىسىن وتكىزدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءارقايسى دەموكراتيالىق پارتيا ـ توپتار ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، ورتالىق پەن مەملەكەت ورگاندارىنداعى قاتىستى جاقتاردىڭ جاۋاپتىلارىمەن، سونداي ـ اق استاناداعى ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر ارادا شاتتىقپەن باس قوسىپ، 2026 ـ جىلعى جاڭا جىلدى بىرگە قارسى الدى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: جوبا جاسالىپ بولدى، ەكپىندەي ىلگەرىلەۋدىڭ ءدال ءساتى كەلدى. بۇكىل پارتيا، بۇكىل ەلدەگى ءار ۇلت حالقى اناعۇرلىم تىعىز ىنتىماقتاسىپ، جۇدىرىقتاي جۇمىلىپ، قايراتتانا العا ىلگەرىلەپ، ناقتى ىستەۋ ارقىلى ۇلى ءىس تىندىرىپ، جاڭالىق اشۋ ارقىلى بولاشاققا جەتىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن ۇزدىكسىز اشۋى كەرەك.

شي جينپيڭ جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ءارقايسى دەموكراتيالىق پارتيا ـ توپتارعا، ساۋدا ـ ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بۇكىل ەلدەگى ءار ۇلت حالقىنا، شياڭگاڭدىق باۋىرلاستارعا، اۋمىندىق باۋىرلاستارعا، تايۋاندىق باۋىرلاستارعا جانە مەملەكەت سىرتىنداعى چياۋمين باۋىرلاستارعا، جۇڭگونىڭ وسىزامانداندىرۋ قۇرىلىسىنا كوڭىل بولگەن جانە قولداۋ كورسەتكەن ءار ەلدەگى دوستارعا جاڭا جىل بايلانىسىمەن ىزگى تىلەك تىلەدى!

شي جينپيڭ بىلاي دەپ اتاپ كورسەتتى: 2025 ـ جىل ايرىقشا وزگەشە ءبىر جىل بولدى. ءبىز قيىندىققا قارسى اتتانىپ، قايراتتانا شايقاس جۇرگىزىپ، ەكونوميكالىق، قوعامدىق دامۋداعى باستى نىسانالاردى ءساتتى ورىنداپ، كوپتەگەن ءىرى ىستەردى، ماڭىزدى ىستەردى ىستەدىك. ەلىمىز ەكونوميكاسى قىسىمعا توتەپ بەرىپ العا ىلگەرىلەپ، جاڭا، ساپالى بولۋعا قاراي دامىپ، قۋاتتى سەرپىمدىلىگى مەن ومىرشەڭدىگىن ايگىلەدى، رەفورما جاساۋدا، ەسىك اشۋدا تىڭ قادام تاستالدى، حالىق تۇرمىسىن قامتاماسىز ەتۋ اناعۇرلىم پارمەندى بولدى، قوعامدىق كەلەلى جاعدايدىڭ ورنىقتىلىعى ساقتالدى. 5 جىلدىق قاجىرلى كۇرەستىڭ ناتيجەسىندە ”14 ـ بەسجىلدىق“ تولىق تابىسپەن اياقتادى، ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، مەملەكەت قورعانىسى ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى. ءبىز قايراتتانا ەكپىندەي ىلگەرىلەۋ بارىسىندا جىگەرىمىز، جالىنىمىز، قايراتىمىز ونان ارى كۇشەيىپ، مەملەكەتتى قۇدىرەتتەندىرۋ قۇرىلىسىن ىلگەرىلەتۋ، ۇلتتىڭ گۇلدەنۋىن جۇزەگە اسىرۋ بەكىمىمىز بەن سەنىمىمىز اناعۇرلىم نىعايدى.

شي جينپيڭ بىلاي دەپ باسا دارىپتەدى: ءبىر جىلدان بەرى حالىق ساياسي كەڭەسى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىنتىماقتاسا كۇرەس جۇرگىزۋ ورتاق يدەيالىق ساياسي نەگىزىن كۇش سالا بەكەمدەپ، رەفورمانى ونان ارى جاپپاي تەرەڭدەتۋ، جوعارى ساپالى دامۋدى ىلگەرىلەتۋ سياقتىلاردى تىعىز ارقاۋ ەتە وتىرىپ ۇكىمەت ءىسىن كەڭەسىپ، اقىل ـ كەڭەس بەرىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.

شي جينپيڭ بىلاي دەپ اتاپ كورسەتتى: 2026 - جىل — ”15 ـ بەسجىلدىق“ جوبا باستالاتىن جىل. ءبىز جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، اناعۇرلىم بەلسەندى دە ىسكەر ماكرولىق ساياسات اتقارىپ، ەكونوميكانىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن ىلگەرىلەتىپ، قوعامنىڭ جاراسىمدىلىعىن، ورنىقتىلىعىن ساقتاپ، ”15 ـ بەسجىلدىقتىڭ“ تاماشا باستاماسىن قۇلشىنا جۇزەگە اسىرۋىمىز كەرەك.

شي جينپيڭ بىلاي دەپ باسا دارىپتەدى: حالىق ساياسي كەڭەسى پارتيا مەن مەملەكەتتىڭ وزەكتى مىندەتىمەن تىعىز بايلانىستىرىپ، نازاردى ”15 ـ بەسجىلدىق“ جوبانىڭ جاسالۋى مەن اتقارىلۋىنا شوعىرلاندىرىپ، ۇكىمەت ءىسىن ىشكەرىلەي كەڭەسىپ، بەلسەندى تۇردە ۇسىنىس قويىپ، كەڭەس بەرىپ، دەموكراتيالىق باقىلاۋ ورىستەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەڭ كولەمدە جۇرت تىلەگىن ۇيىستىرۋى، ورتاق تانىم ۇيىستىرۋى، اقىل ـ پاراسات ۇيىستىرۋى، كۇش ـ قۋات ۇيىستىرۋى كەرەك.

شاي ءماجىلىسىن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ باسقاردى. ول بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ جالپى بەتتىك باسشىلىعىنا تيتتەي دە اۋىتقىماي تاباندى بولىپ، حالىق ساياسي كەڭەسىنىڭ سيپاتىن، ورنىن مىقتاپ يگەرىپ، نازاردى پارتيا مەن مەملەكەتتىڭ وزەكتى مىندەتىنە شوعىرلاندىرا وتىرىپ مىندەت اتقارىپ، جاۋاپكەرشىلىكتى ادا ەتىپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن تولىق ساۋلەلەندىرىپ، ءبىر نيەت، ءبىر تىلەكپەن كوپ بولىپ اقىل قوسىپ، كوپ بولىپ كۇش شىعارىپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا كەڭ كولەمدە زەيىن ـ زەردەنى، كۇش ـ قۋاتتى شوعىرلاندىرىپ، سوتسياليستىك وسىزامانداندىرۋدى نەگىزىنەن جۇزەگە اسىرۋ جولىندا قاجىماي ـ تالماي كۇرەس جۇرگىزۋ كەرەك.

جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ دەموكراتيالىق پارتيا ـ توپتاردىڭ ورتالىق كوميتەتتەرى، مەملەكەتتىك ساۋدا ـ ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەپ، مىنالاردى ءبىلدىردى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، وزىندىك قۇرىلىستى ۇزدىكسىز كۇشەيتىپ، دامۋ كەلەلى جاعدايىنا اناعۇرلىم ويداعىداي قىزمەت وتەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە اقىل ـ پاراسات جانە كۇش ـ قۋات ارنايمىز.

ادەبيەت ـ كوركەمونەر قىزمەتكەرلەرى سول جەردە تارتىمدى كونسەرت قويدى. ەڭ سوڭىندا بۇكىل زالداعىلار ورىندارىنان تۇرىپ ”ىنتىماق — كۇش“ ءانىن اسقاقتاتا شىرقادى. ءماجىلىس الاڭى شات ـ شادىمان، بەرەكەلى مەرەكە بەينەسىنە شومدى.

بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى ءبىر ءبولىم باسشى جولداستار، مەملەكەتتىك ساياسي كەڭەستەگى باسشى جولداستار جانە بۇرىن مەملەكەتتىك ساياسي كەڭەستىڭ ورىنباسار ءتوراعاسى مىندەتىن اتقارعان بەيجيڭدەگى ساقا جولداستار شاي ماجىلىسىنە قاتىناستى.