پارتيا 20 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ كەرەك

شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى. 2026 ـ جىلى 1 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 1 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيا 20 ـ كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ويداعىداي ۇيرەنۋ، ويداعىداي دايەكتىلەندىرۋ كەرەك» اتتى ماڭىزدى ماقالاسى جاريالانادى.

ماقالادا مىنالار اتاپ كورسەتىلدى: جالپى ماجىلىستە ماقۇلدانعان «ۇسىنىس» نەگىزدى بەكەمدەۋدى، جاپپاي كۇش سالۋدى تياناق ەتە وتىرىپ، ”15 ـ بەسجىلدىق“ مەزگىلىندەگى جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەر جونىندە ورنالاستىرۋ جاسادى، بۇل ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋعا جەتەكشىلىك ەتەتىن تۇعىرنامالىق حۇجات. جالپى ءماجىلىستىڭ رۋحىن ويداعىداي ۇيرەنۋ، ويداعىداي دايەكتىلەندىرۋ — كەزەكتەگى جانە بۇدان بىلايعى ءبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى.

ماقالادا مىنالار اتاپ كورسەتىلدى: جالپى ءماجىلىس رۋحىن ىشكەرىلەي ۇيرەنۋ، ءتۇسىنۋ كەرەك. ءتۇرلى تاسىلدەر ارقىلى جالپى ءماجىلىس رۋحىن ۇيرەنۋدى، ۇگىت لەكسيا جاساۋدى، ۇگىتتەۋدى ويداعىداي ۇيىمداستىرىپ، بۇكىل پارتيانىڭ، بۇكىل قوعامنىڭ جالپى ءماجىلىس رۋحىن ويداعىداي تۇسىنۋىنە مۇمكىندىك جاساۋ كەرەك. ءبىرىنشى، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ءمانىن تەرەڭ ءتۇسىنۋ كەرەك. سوتسياليستىك وسىزامانداندىرۋدى نەگىزىنەن ىسكە اسىرۋ بارىسىندا ”15 ـ بەسجىلدىق“ مەزگىلى بۇرىنعىعا مۇراگەر، كەيىنگىگە بۇيداگەر بولاتىن ماڭىزدى ورىنعا يە. ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدى ويداعىداي يگەرۋ — پارتيا 20 ـ قۇرىلتايىندا كەسكىندەلگەن ايبىندى جوبانى جۇزەگە اسىرۋ، كەزەڭگە ءبولىپ، ساتىلى تۇردە جۇڭگو ۇلگىسىندەگى وسىزامانداندىرۋدى ىلگەرىلەتۋ، سوتسياليستىك وسىزامانداندىرۋدى نەگىزىنەن ىسكە اسىرۋعا اناعۇرلىم بەرىك نەگىز قالاۋ جونىنەن كەلەلى ءارى تەرەڭ ماڭىز الادى. ەكىنشى، پارتيا ورتالىق كوميتەتىنىڭ ەل ءىشى ـ سىرتى جاعدايى جونىندەگى نەگىزگى تۇجىرىمدارىن تەرەڭ ۇعىنۋ كەرەك. «ۇسىنىس» ”15 ـ بەسجىلدىق“ مەزگىلىندە ەلىمىزدىڭ دامۋى ءدوپ كەلەتىن كۇردەلى ورتاعا تەرەڭ تالداۋ جاساپ، ەلىمىزدىڭ دامۋى ستراتەگيالىق ورايلار مەن حاۋىپ ـ قاتەرلەر، سىن ـ سايىستار قاتار ءومىر سۇرگەن، ايقىنسىز، مەجەلەۋ قيىن فاكتورلار كوبەيگەن مەزگىلدە تۇر دەگەن نەگىزگى تۇجىرىم جاساپ، كۇشتى شوعىرلاندىرىپ ءوز ءىسىمىزدى ويداعىداي ىستەپ، وسى نەگىزدە نىسانا مىندەتتەردى، كەلەلى شارالاردى العا قويۋ كەرەكتىگىن باسا دارىپتەدى. بۇكىل پارتيا يدەيا مەن ارەكەتتى پارتيا ورتالىق كوميتەتىنىڭ وسى نەگىزگى تۇجىرىمىمەن جانە كەلەلى شەشىمدەرىمەن، ورنالاستىرۋلارىمەن بىرلىككە كەلتىرۋى كەرەك. ءۇشىنشى، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسى مەن كەلەلى پرينسيبىن تەرەڭ ءتۇسىنۋ كەرەك. «ۇسىنىستا» تۇراقتاندىرىلعان جەتەكشى يدەيا مەن ”التىعا تاباندى بولۋ“ پرينسيبى — رەفورما جاساپ، ەسىك اشقاننان بەرگى، اسىرەسە، جاڭا داۋىردەگى ەكونوميكالىق، قوعامدىق دامۋ تاجىريبەلەرى جونىندەگى عىلمي قورىتىندى، پارتيامىزدىڭ ەكونوميكالىق، قوعامدىق دامۋ جونىندەگى زاڭدىلىق سيپاتتى تانىمدى ۇزدىكسىز تەرەڭدەتۋىنىڭ كەلەلى جەتىستىگى بولىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋعا ءتۇبىرلى بويسۇنۋ ولشەمىن ازىرلەدى. ءتورتىنشى، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ كەلەلى ستراتەگيالىق مىندەتتەرىن تەرەڭ ءتۇسىنۋ كەرەك. «ۇسىنىس» جۇڭگو ۇلگىسىندەگى وسىزامانداندىرۋدى ىلگەرىلەتۋ جونىنەن كەلەلى جەتەكشىلىك، قوزعاۋشىلىق، تىرەكتىك رولعا يە ستراتەگيالىق مىندەتتەردى ورنالاستىردى، تەرەڭ ءتۇسىنىپ جانە يگەرىپ، وسى ستراتەگيالىق مىندەتتەردىڭ شەشىم جاساۋ ماقساتىن، نىسانا تالاپتارىن، كەلەلى شارالارىن، قىزمەت تۇيىندەرىن شىن مانىندە ويداعىداي دايەكتىلەندىرۋ، تياناقتاندىرۋ كەرەك. بەسىنشى، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ءتۇبىرلى كەپىلىن تەرەڭ ءتۇسىنۋ كەرەك. جاعداي نەعۇرلىم كۇردەلى دە قۇبىلمالى، مىندەت جاپالى دا اۋىر بولعان سايىن، پارتيانىڭ باسشىلىعى سىندى وسى ەڭ ۇلكەن ابزالدىلىققا سولعۇرلىم ويداعىداي تاباندى بولۋ، ودان ويداعىداي پايدالانىپ، ونى ويداعىداي دامىتىپ، پارتيانىڭ باسشىلىعىن ەكونوميكالىق، قوعامدىق دامۋدىڭ ءار جاعىنا، تۇتاس بارىسىنا ءسىڭىرۋ كەرەك.

ماقالادا مىنالار اتاپ كورسەتىلدى: جالپى ءماجىلىس رۋحىن دايەكتىلەندىرۋدى، تياناقتاندىرۋدى مۇقيات ويداعىداي يگەرۋ كەرەك. جالپى ءماجىلىس رۋحىن دايەكتىلەندىرۋ، تياناقتاندىرۋ بارىسىندا تومەندەگى ءبىرقانشا ءتۇيىندى باسا يگەرۋ كەرەك: ءبىرىنشى، جوعارى ساپالى دامۋدى بۇلجىماي ىلگەرىلەتۋ كەرەك. جاڭا دامۋ ۇستانىمى ارقىلى دامۋعا جەتەكشىلىك ەتىپ، ساپانىڭ ءونىمدى جوعارىلاۋى مەن مولشەردىڭ ۇيلەسىمدى ارتۋىن ساقتاپ، ەكونوميكانىڭ ءۇرتىس اقاۋسىز دامۋىن جانە قوعامنىڭ جالپى بەتتىك العا باسۋىن ىلگەرىلەتۋ كەرەك. ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا قويۋعا تاباندى بولىپ، رەفورمانى ونان ارى جاپپاي تەرەڭدەتىپ، جاڭاشا وندىرگىش كۇشتەردى دامىتۋدى اناعۇرلىم كورنەكتى ستراتەگيالىق ورىنعا قويۋ كەرەك. ەكىنشى، جاڭا دامۋ ارناسىن قالىپتاستىرۋدى جەدەلدەتۋ كەرەك. ىشكى سۇرانىستى كەڭەيتۋ سىندى وسى ستراتەگيالىق نەگىزگى تۇيىنگە تاباندى بولىپ، حالىق تۇرمىسىنا تيىمدىلىك جاساۋ مەن تۇتىنۋدى جەبەۋدى، مال ـ مۇلىككە قارجى قوسۋ مەن ادامعا قارجى قوسۋدى تىعىز ۇشتاستىرۋعا تاباندى بولىپ، تۇتىنۋ مەن قارجى قوسۋدىڭ، قامداۋ مەن قاجەتسىنۋدىڭ ۇتىمدى ىقپالداستىعىن جەبەپ، ىشكى ۇلكەن اينالىمنىڭ ىشكى قوزعاۋشى كۇشى مەن سەنىمدىلىگىن كۇشەيتۋ كەرەك. مەملەكەتتىك ءبىر تۇتاس ۇلكەن بازاردى جەدەل قۇرىپ، ”ىشكى قاراتالاسۋ ۇلگىسىندەگى“ باسەكەنى جان ـ جاقتى رەتتەپ، جونگە سالىپ، جوعارى دەڭگەيدەگى سىرتقا ەسىك اشۋدى بۇلجىماي كەڭەيتۋ كەرەك. ءۇشىنشى، جالپى حالىقتىڭ بىرگە بايۋىن ىلگەرىلەتۋدە نىق قادام تاستاۋ كەرەك. دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، بىرگە بايۋدى ورنىقتى قاداممەن ىلگەرىلەتۋ كەرەك. وڭىرلىك ەكونوميكا ورنالاسىمىن ساپالىلاندىرىپ، وڭىرلىك سايكەستى دامۋدى جەبەۋ، قالا مەن اۋىلدىڭ توعىسا دامۋىن جەبەۋ، اۋىل ـ قىستاقتى جاپپاي گۇلدەندىرۋدى جەبەۋ، كىرىس ءبولىسى ءتۇزىمىن كەمەلدەندىرىپ، جالپىعا ءتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، نەگىزگى الەۋمەتتىك قىزمەت وتەۋدىڭ بىركەلكىلەنۋىن ورنىقتى ىلگەرىلەتۋ كەرەك. ءتورتىنشى، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن ىشكەرىلەي دايەكتىلەندىرىپ، دامۋ بارىسىندا حاۋىپسىزدىكتى بەكەمدەۋگە، حاۋىپسىزدىك بارىسىندا دامۋدى كوزدەۋگە تاباندى بولۋ كەرەك. مەملەكەت حاۋىپسىزدىگى جۇيەسىن اقاۋسىزداندىرىپ، ساياسي حاۋىپسىزدىكتى قورعاۋدى ماڭداي الدى ورىنعا قويىپ، الەۋمەتتىك حاۋىپسىزدىكتى باسقارۋ ورەسىن جوعارىلاتۋ كەرەك. بەسىنشى، ءار سالاداعى قىزمەتتەردى ءبىر تۇتاس جوسپارلاپ ىلگەرىلەتۋ كەرەك. جۇيە كوزقاراسىندا تاباندى بولىپ، سانالى تۇردە كەلەلى جاعداي اياسىندا ارەكەتتەنىپ، بۇكىل ەل ءبىر تۇتاس جۇيە دەگەندى ويداعىداي يگەرۋ كەرەك. ”رويال ورىنداۋعا“ شەبەر بولىپ، ءار جاقتاعى ساياساتتى سايكەستىرۋگە باسا ءمان بەرىپ، ماكرولىق ساياسات بەتالىسىنىڭ بىردەيلىگىن ساقتاۋ كەرەك.

ماقالادا مىنالار اتاپ كورسەتىلدى: پارتيانى باسقارۋ، پارتيانى جونگە سالۋ نەعۇرلىم ءونىمدى بولعان سايىن، ەكونوميكالىق، قوعامدىق دامۋدى قامتاماسىز ەتۋ سولعۇرلىم پارمەندى بولادى. ماڭگى جولدامىز دەيتىن قايسارلىق جانە تاباندىلىق ارقىلى پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋ كەرەك. ءبىرىنشى، پارتيانىڭ وزىنە ـ ءوزى توڭكەرىس جاساۋ تالابىن باتىل تۇردە تىڭعىلىقتى تياناقتاندىرۋ كەرەك. پارتيانىڭ وزىنە ـ ءوزى توڭكەرىس جاساۋى مەن ەكونوميكالىق، قوعامدىق دامۋ ءوزارا تىعىز بايلانىسقان، ءبىرىن ـ ءبىرى جەبەيدى، ءوزارا تولىقتايدى. پارتيا ورتالىق كوميتەتىنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە ـ ءوزى توڭكەرىس جاساۋى جونىندەگى ماڭىزدى يدەياسىن جان ـ جاقتى دايەكتىلەندىرىپ، پارتيانىڭ وزىنە ـ ءوزى توڭكەرىس جاساۋىن ىلگەرىلەتۋدەگى ”بەستى ونان ارى تىڭعىلىقتى تياناقتاندىرۋ“ تالابىن جان ـ جاقتى ءبىر تۇلعالاندىرا وتىرىپ ويداعىداي تياناقتاندىرۋ كەرەك. ەكىنشى، پارتيانىڭ ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، پارتيالىلىق شىڭدالۋدى كۇشەيتىپ، فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن ۇزدىكسىز تەرەڭدەتىپ، كەڭەيتىپ، قالىڭ نەگىزگى ساتى كادرلارىنىڭ اناعۇرلىم كوپ زەيىنمەن تياناقتاندىرۋدى يگەرۋىنە مۇمكىندىك جاساۋ كەرەك. ءۇشىنشى، شىرىكتەسۋگە قارسى تۇرۋ كۇرەسىن بۇلجىماي ورىستەتۋ كەرەك. شىرىكتەسۋگە قارسى تۇرۋ كۇرەسىنىڭ تەگەۋرىندى كۇيىن باستان ـ اياق ساقتاپ، ءبىر قادام دا توقتاتپاۋدى، جارتى قادام دا شەگىنبەۋدى ورىنداۋ كەرەك. ءتۇزىم ـ مەحانيزمدى اقاۋسىزداندىرىپ، شىرىكتەسۋ ماسەلەسىن تۋدىراتىن توپىراق پەن شارت ـ جاعدايدى الاستاۋ جاعىندا ۇزدىكسىز كۇش سالۋ، ىشكەرىلەي ىلگەرىلەتۋ كەرەك. مۇرات ـ سەنىم تاربيەسىن ۇزدىكسىز كۇشەيتىپ، قالىڭ پارتيا مۇشەلەرى مەن كادرلاردىڭ پارتيانىڭ اۋەلگى ماقساتىن، بورىشىن ءارقاشان ەستە بەرىك ساقتاۋىنا جانە سانالىلىقپەن امالياتتا ايگىلەۋىنە مۇمكىندىك جاساپ، قىزىل بيلىك ءتۇسىنىڭ ماڭگى وزگەرمەۋىنە شىنايى كەپىلدىك ەتۋ كەرەك.