شي جينپيڭ شۆەتساريا فەدەراتسياسىنىڭ جاڭادان تاعايىندالعان ءتوراعاسى پارمەلينگە قۇتتىقتاۋ تەلەگرامماسىن جولدادى

شينحۋا اگەنتتىگىنىڭ 1 ـ ايدىڭ 1 ـ كۇنى بەيجيڭنەن بەرگەن حابارى. 1 ـ ايدىڭ 1 ـ كۇنى مەملەكەت ءتوراعاسى شي جينپيڭ شۆەتساريا فەدەراتسياسىنىڭ جاڭادان تاعايىندالعان ءتوراعاسى پارمەلينگە قۇتتىقتاۋ تەلەگرامماسىن جولداپ، ونىڭ شۆەتساريا فەدەراتسياسىنىڭ ءتوراعالىعىنا تاعايىندالعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: 2017 ـ جىلى شۆەتساريادا مەملەكەتتىك ساپاردا بولعان كەزىمدە ەكى ەل ەركىن ساۋدا كەلىسىمىنىڭ دارەجەسىن جوعارىلاتۋ جونىندەگى بىرلەسكەن زەرتتەۋدى باستايتىندىعىن جاريالادى. ءتوراعا پارمەليننىڭ جەبەۋىندە كەلىسىمنىڭ دارەجەسىن جوعارىلاتۋ كەلىسسوزى بەلسەندى ىلگەرىلەۋشىلىككە قول جەتكىزدى. قازىر سىڭار جاقتىلىق، قورعامپازدىق باس كوتەرۋدە، ەكى ەلدىڭ ەركىن ساۋدانى قول ۇستاسا قولداۋى جۇڭگو - شۆەتساريا قارىم ـ قاتىناسىنىڭ جوعارى دەڭگەيدە دامۋىنىڭ ناقتى بەينەسى، سونداي ـ اق دۇنيە ءجۇزىنىڭ دامۋىنا، گۇلدەنۋىنە اناعۇرلىم كوپ ايقىندىلىق جانە ورنىقتىلىق ۇستەدى. 2026 ـ جىل جۇڭگو مەن شۆەتساريانىڭ جاڭالىق اشۋ ستراتەگيالىق سەرىكتەستىك قارىم ـ قاتىناسىن ورناتقاندىعىنىڭ 10 جىلدىعى، سونداي ـ اق جۇڭگونىڭ ”15 ـ بەسجىلدىق“ جوباسى باستالاتىن جىل، ەكى ەلدىڭ جاڭالىق اشۋ سەلبەستىگى كەڭ ورايعا ءدوپ كەلدى. مەن جۇڭگو - شۆەتساريا قارىم ـ قاتىناسىنىڭ دامۋىنا ايرىقشا ءمان بەرەمىن، ءتوراعا پارمەلينمەن بىرگە قۇلشىنىپ، ءوزارا پايدا جەتكىزەتىن سەلبەستىكتى ۇزدىكسىز كەڭەيتىپ، جۇڭگو - شۆەتساريا قارىم ـ قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.