ۇلى گۇلدەنۋ بوگەۋ بەرمەيدى

تاريحتىڭ توعىسۋ ءتۇيىنى قاشاندا ايبىندى دا الۋان ءتۇرلى.

2025 ـ جىلى — رەفورمانى ونان ارى جاپپاي تەرەڭدەتۋدىڭ ماڭىزدى جىلى، كەدەيلىكتەن ارىلتۋدان قامال الۋ مىندەتى ورىندالعاننان كەيىنگى 5 جىلدىق وتپەلى كەزەڭنىڭ ەڭ سوڭعى جىلى، ”14 ـ بەسجىلدىق“ اياقتالاتىن جىل، ”15 ـ بەسجىلدىق“ جوسپارلاناتىن جىل.

قىم ـ قۋىت تا كۇردەلى حالىقارالىق جاعداي مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، قايراتتانا العا ىلگەرىلەپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جورىعىندا ”اسا ايرىقشا“ كەرەمەتتى جازدى.

سىرتقى ورتاداعى شۇعىل وزگەرىس پەن ىشكى جاقتاعى قات ـ قابات سىن ـ سايىسقا، قيىنشىلىققا توتەپ بەرۋدە ەلىمىز ەكونوميكاسى قىسىمعا توتەپ بەرىپ العا ىلگەرىلەپ، جاڭا، ساپالى بولۋعا قاراي دامىدى، ”14 ـ بەسجىلدىقتاعى“ باستى نىسانالار تاياۋدا ءساتتى اياقتالادى؛ جاڭا ءداۋىر ورنىن تياناق ەتىپ، قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋدىڭ ايبىندى جوباسىن جاسادى؛ 100 جىلدىق وزگەرىس جەدەل قۇبىلعان جاعداي الدىندا، ءتورت ۇلكەن الەمدىك باستاما ءوزارا توعىسىپ، دۇنيە جۇزىنە ورنىقتىلىق، ايقىندىلىق ۇستەدى؛ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعى سالتاناتتى ەسكە ءتۇسىرىلىپ، ۇلت رۋحىن ەرەكشە جەلپىنتتى، وتاندى قىزۋ ءسۇيۋ سۇيىسپەنشىلىگىن قاۋلاتتى، كۇرەس جۇرگىزۋ كۇشىن ۇيىستىردى...

”جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى! ادامزاتتىڭ بەيبىتشىلىگى مەن دامۋى سىندى وسكەلەڭ ءىسى، ءسوزسىز، جەڭەدى!“ باس شۋجي شي جينپيڭنىڭ ايبىندى جاريالاۋى تاريحي اۋقىمدى، ءداۋىر اعىمىن، جۇرت تىلەگىن ايگىلەدى.

قىسىمعا توتەپ بەرىپ العا ىلگەرىلەپ، جاڭا، ساپالى بولۋعا قاراي دامىدى —

”جوعارى ساپالى دامۋدىڭ ايقىندىلىعى ارقىلى ءتۇرلى ايقىنسىزدىققا توتەپ بەردى“

2025 ـ جىلدىڭ اياعىندا بەيجيڭ جيڭشي قوناق ۇيىندە باس شۋجي شي جينپيڭ ورتالىقتىڭ ەكونوميكالىق قىزمەت ماجىلىسىنە قاتىناستى.

وتكەن ءبىر جىلداعى ەكونوميكالىق قىزمەتتى جان ـ جاقتى قورىتىندىلادى: ”ەلىمىز ەكونوميكاسى قىسىمعا توتەپ بەرىپ العا باسىپ، جاڭا، ساپالى بولۋعا قاراي دامىپ، قۋاتتى سەرپىمدىلىگى مەن ومىرشەڭ كۇشىن ايگىلەدى“.

وتكەن 5 جىلداعى دامۋ تابىستارىن جوعارى باعالادى: ”ءبىز ءتۇرلى سوققىعا، سىن ـ سايىسقا ءونىمدى توتەپ بەرىپ، پارتيا مەن مەملەكەت ىستەرىندە جاڭا كەلەلى تابىستارعا قول جەتكىزۋدى ىلگەرىلەتتىك، ەكىنشى 100 جىلدىق كۇرەس نىساناسىنىڭ جاڭا ساپارىندا تاماشا باستاما جۇزەگە اسىرىلدى“.

ىسكە اسىرۋ وڭاي سەزىلگەنىمەن، ماشاقاتى بولەك ـ تى.

”اسا ايرىقشا“ دەگەن ءسوز 2025 ـ جىلداعى قايراڭداپ قالۋ قاتەرىن، ورگە ۇمتىلاتىن ماشاقاتتى كەزەڭدەردى، قامال الاتىن قيىندىقتاردى سۇلبالادى.

”14 ـ بەسجىلدىق“ جوبا اياقتالار جىلدا حالىقارالىق اۋمالى ـ توكپەلى جاعداي قۇبىلىپ، ەل ءىشى ەكونوميكالىق اينالىمىندا پەريودتىق، قۇرىلىمدىق قايشىلىقتار ءبىرشاما كورنەكتى بولدى، رەفورما، دامۋ، ورنىقتىلىق مىندەتىنىڭ اۋىر بولۋى، قايشىلىق، حاۋىپ ـ قاتەر، سىن ـ سايىستىڭ كوپ بولۋى پارتيا ورتالىق كوميتەتىنىڭ ەل باسقارۋ پاراساتىن سىننان وتكىزۋدە.

ۋاقىت باستالۋ جىلىنا كەلدى.

ەل ءىشى ـ سىرتى جاعدايىنىڭ تەرەڭ دە كۇردەلى وزگەرىسى الدىندا، قايتكەندە شەشۋشى جىلدا تۇتاس جىلدىق ەكونوميكالىق، قوعامدىق دامۋدىڭ نىسانا ـ مىندەتتەرىن جۇزەگە اسىرىپ، ”14 ـ بەسجىلدىقتى“ تابىسپەن اياقتاتۋعا شىنايى كەپىلدىك ەتۋگە بولادى؟

باس شۋجي شي جينپيڭ ”مەملەكەتتىڭ زور ءىسىن“ كوكەيدە ساقتاپ، ”ەكى كەلەلى جاعدايدى“ ءبىر تۇتاس جوسپارلاپ، تەرەڭ تاريحي كوز ايا ارقىلى ءداۋىر مەن اۋقىمدى باعامداپ، جۇڭگو ەكونوميكاسىنا دامۋ بەتالىسىن ايقىن كورسەتتى.

حالىقتىق كاسىپورىندار اڭگىمە ماجىلىسىنە قاتىناسىپ، حالىقتىق شارۋاشىلىقتىڭ جوعارى ساپالى دامۋىن جەبەۋگە ”جۇرەك قۋاتتاندىرعىش“ ۇستەدى. مەملەكەتتىك ەكى ماجىلىستە عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدى باسا دارىپتەپ، جاڭاشا وندىرگىش كۇشتەردى دامىتۋعا نەگىزگى جولدى ايقىن كورسەتىپ بەردى؛ ەكونوميكالىق ءىرى ولكەلەردىڭ اۋىر جۇكتى ارقالاۋىنداعى كۇش سالۋ ءتۇيىنىن ايقىن ءتۇسىندىرىپ، ”تىرەكتىڭ“ دامۋدى جەتەلەيتىن ”پاراۆوزعا“ اينالۋىنا مۇمكىندىك جاسادى؛ ”مادەنيەت ارقىلى ەكونوميكالىق، قوعامدىق دامۋعا قۋات ۇستەۋدى“ العا قويىپ، جوعارى ساپالى دامۋعا اناعۇرلىم مىعىم نەگىز جانە باياندى دەمەۋ كۇشىن ازىرلەدى...

كوكتەم لەبىمەن بار الەم جانداندى. كەڭ كوسىلگەن اتىزداعى كوكتەمگى ەگىس دايىندىعىنان پورت ـ كەمەجايلارداعى تاۋلىككە جالعاسقان قاربالاستىققا دەيىن، سەحتار مەن زاۆود ۇيلەرىندەگى ماشينالاردىڭ گۇرىلدەگەن داۋىسىنان عىلمي زەرتتەۋ تاجىريبەحانالارىنداعى قامال الۋ سەرپىلىستەرىنە دەيىن ءجۇز ميلليونداعان حالىق ناقتى ىستەپ، ادالدىقپەن اتقاردى، جۇڭگونىڭ بايتاق دالاسىندا جوعارى ساپالى دامۋدىڭ جاڭا بەينەسى ايگىلەندى.

ال وسى ساتتە، مۇحيتتىڭ ارعى جاعاسىندا ”داۋىل“ جىم ـ جىرت كوتەرىلىپ كەلە جاتقان ەدى.

4 ـ ايدا امەريكا جۇڭگونى قامتىعان بارلىق ساۋدا سەرىكتەرىنەن ”تەڭ كەدەن باجىسىن“ الۋدى جاريالادى ءارى قىسقا عانا بىرنەشە كۇندە ۇزدىكسىز كۇشەيتىپ دارەجەسىن كوتەرىپ، كۇشتىلىك دارەجەسى بۇرىن بولماعان كەدەن باجىسى شايقاسىن قوزعادى.

جۇڭگو لەزدە قايتارما سوققى بەرىپ، كوپ شارانى قاتار قولداندى: امەريكاعا قاراتا قارسى شارا قولدانىپ، كەدەن باجىسىن ۇستەمەلەدى، دۇنيە جۇزىلىك ساۋدا ۇيىمىنىڭ داۋ ـ شاردى شەشۋ مەحانيزمىندە ارىز ـ شاعىم بەرۋدى، قاتىستى زات تۇرلەرىنە ەكسپورتتى باسقارۋ ـ مەڭگەرۋدى اتقاردى...

سوعىسسا، سوڭىنا دەيىن شايقاسامىز؛ كەلىسسە، قاقپانى ايقارا اشامىز. شي جينپيڭ جولداستى ۇيتقى ەتكەن پارتيا ورتالىق كوميتەتى ۇستامدى، سابىرلى بولىپ، ءونىمدى توتەپ بەرىپ، داعدارىس بارىسىندا جاڭا وراي جەتىلدىرىپ، وزگەرىس بارىسىندا جاڭا جاعداي اشىپ، ”تۇيدەك بۇلتتار كوشسە دە ۇستامدى بولعان“ سەنىم مەن تاباندىلىقتى بارىنشا ايگىلەدى.

بايىپتى بولاتىنى كوڭىلدە سان، قولىندا كوزىر بار؛ سەنىم عىلمي تۇجىرىمنان، دالمە ـ ءدال شارا قولدانۋدان كەلدى.

4 ـ ايدىڭ 25 ـ كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىن باسقارىپ، ”جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالۋدى“ ايقىنداپ، ءبىر قىدىرۋ ساياسات ـ شارالاردى باعىتتامالى ورنالاستىردى.

شەشۋشى ساتتە دالمە ـ ءدال، كەسكىن ارەكەت قولدانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حاۋىپ ـ قاتەر مەن سىن ـ سايىستى دۇرىس تۇجىرىمداۋى مەن عىلمي توتەپ بەرۋىن تولىق ايگىلەدى، جۇڭگو ەكونوميكاسىن سۇراپىل تولقىننان كەسىپ وتۋگە جەتەكتەيتىن باتىلدىعى مەن پاراساتىن ايگىلەدى.

ءتوراعا شي جينپيڭ ءبىر جىلدا ترامپ زۇڭتۇڭمەن 4 رەت تەلەفوندا سويلەسىپ، ”جۇڭگو مەن امەريكانىڭ ەكونوميكا ـ ساۋدا قارىم ـ قاتىناسىنىڭ ءمانى — ءوزارا پايدا جەتكىزىپ تەڭ يگىلىككە كەنەلۋ“ ەكەندىگىن، ”جۇڭگو مەن امەريكانىڭ ءبىر ـ ءبىرىن تابىسقا كەنەلتىپ، بىرگە گۇلدەنىپ ـ كوركەيىپ، ەكى ەلدى باقىتقا كەنەلتىپ، دۇنيە جۇزىنە تيىمدىلىك جەتكىزۋىنە ابدەن بولاتىندىعىن“ تەرەڭ اتاپ كورسەتتى...

جۇڭگو جاق پەن امەريكا جاق ىلگەرىندى ـ كەيىندى شۆەتساريا، انگليا، شۆەتسيا، يسپانيا جانە مالايزيادا ەكونوميكا ـ ساۋدا كەڭەسىن وتكىزىپ، ءبىر قىدىرۋ ماندىك ىلگەرىلەۋشىلىككە قول جەتكىزىپ، اۋمالى ـ توكپەلى حالىقارالىق ەكونوميكا ـ ساۋدا ارناسىنا ورنىقتىلىق ۇستەدى.

تاريح پەن اماليات مىنانى قايتا ـ قايتا دالەلدەدى: كۇرەسۋگە باتىلدىق ەتۋ — سەنىم، كۇرەسۋگە شەبەر بولۋ — پاراسات، ەل ءىشىن تياناق ەتىپ، ءوز ءىسىن بار زەيىنىمەن ويداعىداي ىستەي الۋ — ايقىنسىزدىق اتاۋلىعا توتەپ بەرۋدىڭ ءتۇبىرلى جولى.

حاۋىپ ـ قاتەرگە، سىن ـ سايىسقا جولىققان سايىن، جاڭالىق اشىپ، جاعداي جاراتۋعا سولعۇرلىم تاباندى بولۋ كەرەك.

پۋجياڭ وزەنى جاعاسىندا شاڭحاي ”موسۋ كەڭىستىگى“ ۇلكەن مودەل جاڭالىق اشۋ ەكولوگيالىق الەۋمەتتىك اۋماعى جىلدام جەتىلۋدە.

2025 ـ جىلى 4 ـ ايدا سىرتقى ەكونوميكا ـ ساۋدا ورتاسىندا شۇعىل تولقۋ تۋىلىپ جاتقاندا، باس شۋجي شي جينپيڭ وسى اراعا كەلىپ، جاساندى زەردە كاسىپ سالاسىن ناقتى تەكسەرىپ ـ زەرتتەدى. شاڭحايعا كەلۋدەن بۇرىن باس شۋجي ورتالىق كوميتەت ساياسي بيۋروسىنىڭ توپتىق ۇيرەنۋىن باسقارعاندا، نازار اۋدارعان نەگىزگى تاقىرىپ ءدال ”جاساندى زەردەنى دامىتۋدى جانە باقىلاۋ ـ باسقارۋدى كۇشەيتۋ“ بولدى.

جۇڭگو ۇلگىسىندەگى وسىزامانداندىرۋدى ىلگەرىلەتۋدە عىلىم ـ تەحنولوگيا الدىدا ءجۇرۋى كەرەك.

وسى جىلى باس شۋجي شي جينپيڭ عىلىم ـ تەحنولوگيادا جاڭالىق اشۋ ەڭ جاندانعان جەرلەرگە سان مارتە بارىپ، جوعارى دەڭگەيدەگى عىلىم ـ تەحنولوگيادا ءوز كۇشىنە سۇيەنىپ، ءوزىن الۋەتتەندىرۋدىڭ جۇڭگو ۇلگىسىندەگى وسىزامانداندىرۋداعى ماڭىزدى ءمانىن باسا دارىپتەدى، ءداستۇرلى كاسىپ سالالارىنىڭ تيبىن جاڭالاپ دارەجەسىن جوعارىلاتۋدى جانە ستراتەگيالىق جاڭادان گۇلدەنگەن كاسىپ سالالارىن جەتىلدىرۋدى، زورايتۋدى ءبىر تۇتاس جوسپارلاۋ جونىندە ماڭىزدى ورنالاستىرۋ جاسادى.

”جاڭاشا وندىرگىش كۇشتەردى جەرگىلىكتى جاعدايعا قاراي دامىتۋدى، ءسوز جوق، اناعۇرلىم كورنەكتى ستراتەگيالىق ورىنعا قويۋ كەرەك“؛

”جەر ـ جەردىڭ بايلىق ارتىقشىلىعى، نەگىزدىك شارت ـ جاعدايى سياقتىلار ۇقسامايدى، كاسىپ سالاسىنىڭ تيبىن جاڭالاپ دارەجەسىن جوعارىلاتۋىن يگەرۋدە ءىس جۇزىندىكتى شىعار ءتۇيىن ەتىپ، ەكونوميكالىق زاڭدىلىققا بويسۇنىپ، وزىندىك ەرەكشەلىكتى كورنەكتىلەندىرۋ كەرەك“؛

”ءداستۇرلى كاسىپ سالالارىنىڭ ءبارىن ’تومەن دەڭگەيلى كاسىپ سالاسى‘، ’مەشەۋ كاسىپ سالاسى‘ دەپ تاستاپ قويۋعا استە بولمايدى“...

باس شۋجي شي جينپيڭنىڭ ماڭىزدى نۇسقاۋى مەن ىقىلاستى تاپسىرماسى جاڭا مەن كونە، كۇشىنەن قالدىرۋ مەن ورناتۋ، ىلگەرىلەۋ مەن ورنىقتىلىق جونىندەگى ديالەكتيكالىق يگەرۋدى قامتىپ، جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ ءۇشىن بەتالىستى ايقىندادى.

وسى جىلى ەلىمىز وندىرگەن جاساندى زەردە ۇلكەن مودەلى جەر شارىنىڭ نازارىن اۋداردى، دەنەلىك زەردەلى دامۋ جۇردەك جولعا ءتۇستى، ”دۇڭفاڭ چاۋحۋان“، ”زۋچۇڭجى 3 ـ ءنومىر“ سياقتىلار جاڭا دۇنيە جۇزىلىك رەكوردتى جاراتتى، الەمدىك ەلەكتروندى حابارلاسۋ كاسىپ سالاسى اسقىن جوعارى قارقىندى سيگنال ”جۇڭگو ولشەۋىشىن“ قارسى الدى... شۇعىلا شاشقان ساتتەر جۇڭگونىڭ دامۋعا جاڭالىق اشۋ ارقىلى دەم بەرۋ قادامىنىڭ بەكەم ەكەندىگىنە كۋا بولدى.

جاڭالىق اشۋشىلار عانا ىلگەرىلەيدى، جاڭالىق اشۋشىلار عانا كۇشەيەدى.

2025 ـ جىلى جۇڭگو الەمدىك جاڭالىق اشۋ كورسەتكىشى تىزىمدىگىندە تۇڭعىش رەت الدىڭعى وننىڭ قاتارىنا ەنىپ، 10 نەشە جىلدان بەرگى جاڭالىق اشۋ كۇشىنىڭ جوعارىلاۋى ەڭ تەز ەكونوميكالىق تۇلعانىڭ ءبىرى بولىپ، شىنجىن - شياڭگاڭ - گۋاڭجوۋ الەمدەگى جاڭالىق اشۋ شوعىرىنىڭ الدى بولدى.

حاۋىپ ـ قاتەرگە، سىن ـ سايىسقا ءدوپ كەلگەن سايىن، سولعۇرلىم ەسىك اشۋدان ومىرشەڭ كۇش، رەفورمادان قوزعاۋشى كۇش الۋ كەرەك.

2025 ـ جىلى 11 ـ ايدىڭ باسىندا باس شۋجي شي جينپيڭ وڭتۇستىككە اتتانىپ، حاينان، گۋاڭدۇڭ 2 ولكەنى ىشكەرىلەي ارالاپ قىزمەت تەكسەردى.

حايناندا حاينان ەركىن ساۋدا پورتى قۇرىلىسى جونىندەگى قىزمەت مالىمەتىن تىڭداعان كەزدە باس شۋجي بىلاي دەپ باسا دارىپتەدى: ”حاينان ەركىن ساۋدا پورتىن قۇرۋدىڭ ستراتەگيالىق نىساناسى — حاينان ەركىن ساۋدا پورتىن ەلىمىزدىڭ جاڭا داۋىردەگى سىرتقا ەسىك اشۋىنا جەتەكشىلىك ەتەتىن ماڭىزدى قاقپا ەتىپ تۇلعالاۋ“.

تاريح كورسەتكىشى قاشاندا شەشۋشى تۇيىندە ءىز قالدىرادى. 12 ـ ايدىڭ 18 ـ كۇنى حاينان ەركىن ساۋدا پورتىندا تۇتاس ارالدا كەدەن جابىق كۇيدە جۇمىس جۇرگىزۋ رەسمي باستالدى. 1978 ـ جىلدىڭ ءدال وسى كۇنى ءداۋىر بولگىش مانگە يە پارتيا 11 ـ كەزەكتى ورتالىق كوميتەتىنىڭ ءۇشىنشى جالپى ءماجىلىسى اشىلدى.

ەركىن ساۋدا پورتىندا كەدەننىڭ جابىق كۇيدە جۇمىس جۇرگىزۋىندەي ”بەلگى سيپاتتى شارا“ جۇڭگو كوممۋنيستەرىنىڭ رەفورما جاساۋدى، ەسىك اشۋدى سوڭىنا دەيىن جۇرگىزۋ بەرىك بەكىمىن اڭعارتتى. ”ءبىز جۇڭگوشا رەفورما جاساۋ، ەسىك اشۋ جولىمەن جۇرۋگە تاباندى بولىپ، وسى اراعا بىرتىندەپ جەتتىك“. باس شۋجي شي جينپيڭنىڭ ءسوزى ۇمىتكە تولى بولدى.

وسى جىلى رەفورمانى ونان ارى جاپپاي تەرەڭدەتۋ كەڭدىك پەن تەرەڭدىككە قاراي ۇزدىكسىز شەرۋ تارتتى.

حالىقتىق ەكونوميكانى جەبەۋ زاڭى اتقارىلدى، «بازارعا كىرۋگە رۇقسات ەتۋ ۇنامسىز ءتىزىمى (2025 ـ جىلعى نۇسقا)» جاريالاندى، بۇكىل ەلدەگى ءىشىنارا وڭىرلەردە فاكتورلاردى بازارلاندىرا ورنالاستىرۋ كەشەندى رەفورماسىن تۇيىندە سىناق ەتۋ اتقارىلىپ، ”ىشكى قاراتالاسۋ ۇلگىسىندەگى“ باسەكەلەسۋ جان ـ جاقتى رەتتەلدى، جونگە سالىندى... ەكونوميكالىق ءتۇزىلىس رەفورماسىنىڭ جەتەلەۋىندە پارتيا 20 ـ كەزەكتى ورتالىق كوميتەتىنىڭ ءۇشىنشى جالپى ءماجىلىسى ورنالاستىرعان 300دەن استام رەفورما شاراسى بىرتىندەپ تياناقتاندى.

وسى جىلى جوعارى دەڭگەيدە سىرتقا ەسىك اشۋدى كەڭەيتۋ ۇزدىكسىز اناعۇرلىم تەرەڭ قاتپارعا ارشىنداي ىلگەرىلەدى.

تەلەگراف، وقۋ ـ اعارتۋ، ەمدەۋ سياقتى سالالار ەسىك اشۋدى تارتىپپەن كەڭەيتتى، ءبىر تاراپتى ۆيزا كەشىرىم ەتۋ ”دوستار شەڭبەرى“ ونان ارى كەڭەيتىلدى، شاڭحاي ەركىن ساۋدا سىناق رايونىنىڭ 77 ءتۇرلى سىناق ءتۇيىنى شاراسى كوشىرىلدى، كەڭەيتىلدى... ەسىك اشۋدىڭ قاقپاسى بارعان سايىن ايقارا اشىلدى، تۇزىمدىك ەسىك اشۋدىڭ ساپاسى ونان ارى جوعارىلادى.

”جۇڭگو ۇلگىسىندەگى وسىزامانداندىرۋ رەفورما جاساۋ، ەسىك اشۋ بارىسىندا ۇزدىكسىز ىلگەرىلەتىلدى، سونداي ـ اق رەفورما جاساۋ، ەسىك اشۋ بارىسىندا جارقىن بولاشاق اشاتىندىعى داۋسىز“.

بۇلت جامىلعان تاۋلارعا تابان تىرەپ، بوران ـ شاشىندى باستان كەشىردى؛ تاۋ جولىقسا جول اشىپ، سۋ جولىقسا كوپىر سالدى.

جۇڭگونىڭ دامۋى، العا باسۋى ەجەلدەن وسىلاي، اسۋ اسىپ، قامال بۇزۋ بارىسىندا ۇزدىكسىز تاۋلاردان اسىپ، العان بەتىنەن قايتپادى.

قولايلى ساتتەن پايدالانىپ العا ۇمتىلىپ، جوبا جاسادى —

”جۇڭگو ۇلگىسىندەگى وسىزامانداندىرۋدا نىسانا بار، جوبا بار، ستراتەگيا بار، ءسوز جوق، جۇزەگە اسادى“

2025 ـ جىلى 10 ـ ايدىڭ 23 ـ كۇنى، حالىق سارايى، دۋ قول شاپالاق ءۇنى ىشىندە پارتيا 20 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسى «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ جونىندەگى ۇسىنىسىن» قاراپ ماقۇلدادى.

جاڭا داۋىردەگى جۇڭگو كوممۋنيستەرى ۇلى تاريحي ىرىقتىلىق رۋحىن ساۋلەلەندىرىپ، قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ جاڭا تاراۋىن ۇزدىكسىز جازۋدىڭ ايبىندى جارناماسىن جاريالادى.

”سوتسياليستىك وسىزامانداندىرۋدى جۇزەگە اسىرۋ — ساتىلى ىلگەرىلەيتىن، ۇزدىكسىز داميتىن، العا باساتىن تاريحي بارىس، ول قاجىماي ـ تالماي ۇمتىلۋدى، توقتاۋسىز كۇرەس جۇرگىزۋدى قاجەت ەتەدى“. وسى رەتكى جالپى ماجىلىستە باس شۋجي شي جينپيڭ تەرەڭ بايىمداۋ جاسادى.

”15 ـ بەسجىلدىق“ مەزگىلى جۇڭگو ۇلگىسىندەگى وسىزامانداندىرۋدى كەزەڭگە ءبولىپ، ساتىلى ىلگەرىلەتۋ جونىنەن كەلەلى ماڭىز الادى. ءبىز تۇرعان ءداۋىر كوورديناتاسىن، تاريحي ورىندى قالاي تۇسىنەمىز؟ وزگەرىسكە قالاي توتەپ بەرىپ، جالپى جاعدايدى قالاي ءبىر تۇتاس جوسپارلاۋ كەرەك؟ ورتاق تانىمدى ۇيىستىرۋدا، جاۋىنگەرلىك جىگەردى تاسقىنداتۋدا نەگە سۇيەنۋ كەرەك؟

دۇنيەدەگى كۇردەلى ىستەرگە كوپ نەگىزبەن توتەپ بەرۋ كەرەك. اناعۇرلىم تەرەڭ دە كۇردەلى وزگەرىستەگى دامۋ ورتاسىنا، اناعۇرلىم كوپ ەكى جاقتى، كوپ جاقتى قيىن ماسەلەلەرگە مەڭزەس، باس شۋجي شي جينپيڭ مىزعىماس ستراتەگيالىق سەرگەكتىكپەن، ايبىندى ستراتەگيالىق كوز ايامەن رولدى مەڭگەرىپ، جول باستاپ، زاتتار دامۋىنىڭ جالپى تۇلعالىق بەتالىسى مەن باعىتىن جالپى جاعداي جانە ۇزاق بولاشاق تۇرعىسىنان يگەرىپ، ىرىقتىلىقتى كوزدەپ، باسىمدىقتى ساۋلەلەندىرىپ، جەڭىسكە قول جەتكىزدى.

ستراتەگيالىق جۇلگە جاعىندا ءبىر تۇلعالى ءبىر تۇتاس جوسپارلاپ، ”15 ـ بەسجىلدىق“ جوبانى جۇڭگو ۇلگىسىندەگى وسىزامانداندىرۋدىڭ جالپى جاعدايىنا قويىپ ورنالاستىرىپ، جوسپارلاپ، ”التىعا تاباندى بولۋ“ پرينسيبىن ايقىنداپ، لوگيكاسى قاتاڭ، ءوزارا تىرەك بولاتىن تۇتاس تۇلعالىق بويسۇنۋ ولشەمىن قالىپتاستىردى؛

ۋاقىت، ءتارتىپ، ريتىم جاعىندا عىلمي جوبا جاساپ، نازاردى كەزەڭدىك ءىرى ىستەرگە، ماڭىزدى ىستەرگە شوعىرلاندىرۋمەن بىرگە، بولاشاقتاعى جۇڭگونىڭ ەكونوميكالىق، قوعامدىق دامۋىنىڭ لوگيكالىق نەگىزگى جەلىسىن سۇلبالاپ، 2035 ـ جىلعا دەيىنگى بولاشاقتىق نىسانانى جۇزەگە اسىرۋعا نەگىز قالادى؛

...

بۇل ءبىر ماڭىزدى جوبادا مىنالار كورسەتىلدى: ناعىز تاريحي ىرىقتىلىق مەزەتتىك تولقۋ بەتالىسىن الدىن الا تۇجىرىمداۋدا عانا ەمەس، ونان دا ماڭىزدىسى، تاريح اۋقىمىنا سايكەسىپ، تاريحي ورايدى مىقتى يگەرىپ، تاريحي دامۋعا جەتەكشىلىك ەتۋدە.

نەنى ستراتەگيالىق ءتۇيىن ەتۋ تۇتاس تۇلعالىق ىلگەرىلەتۋدىڭ ونىمدىلىگىنە سايادى.

ءىرى ەلدە ءىرى ەلگە ءتان سالاۋات بولادى، سونداي ـ اق ءىرى ەلگە ءتان جاۋاپكەرشىلىك بولادى. باستى قايشىلىقتى مىقتى يگەرىپ، تۇيىندە قامال الۋدى جۇزەگە اسىرىپ، ماركستىك ديالەكتيكانى ايگىلەپ، دامۋدى جوسپارلاۋدىڭ تاريحي كوزقاراسى مەن باسشىلىق ونەرىن ايگىلەۋ كەرەك.

”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ ماڭىزدى تۇيىندەرىن دالمە ـ ءدال يگەرۋ جونىندە باس شۋجي شي جينپيڭ كەلەلى جەتەكتەۋ، دەم بەرۋ، تىرەك بولۋ رولىنا يە ءبىر توپ ستراتەگيالىق مىندەتتەردى ويداعىداي يگەرۋ كەرەكتىگىن 12 جاقتان ايقىندادى.

لياۋنيڭ بىنگاڭ بولات تاقتا ماتەريالدارىن توڭازىتىپ شىڭاۋ باس زاۆودىنىڭ 3 ـ توڭازىتىپ شىڭاۋ زاۆودىندا قىزمەت تەكسەرگەندە، ”ناقتى ەكونوميكا حالىق شارۋاشىلىعىنىڭ ءتۇبىرلى نەگىزى“ دەگەندى باسا دارىپتەدى؛ حىنان لوياڭ قازانشىق توبى جارنا شەكتى سەرىكتەستىگىنىڭ زەردەلى زاۆودىنا كەلىپ، ”جۇڭگو ۇلگىسىندەگى وسىزامانداندىرۋدى ىلگەرىلەتۋدە جاساۋ كاسىبىن ۇزدىكسىز جاقسى ىستەۋ كەرەك“ دەپ اتاپ كورسەتتى؛ سانشي ياڭچۋان كلاپان جارنا شەكتى سەرىكتەستىگىنىڭ ءوندىرىس سەحىنا كىرىپ، تەبىرەنە: ”ناقتى شارۋاشىلىق مەملەكەتتى گۇلدەندىرەدى، ىسكەرلىك ەلدى كوركەيتەدى“، ـ دەدى.

وسى جىلى باس شۋجي شي جينپيڭ جاساۋ كاسىبى كاسىپورىندارىنا تالاي رەت بارىپ تەكسەرۋ ـ زەرتتەۋ جۇرگىزىپ، دايەكتى بولۋدى تالاپ ەتتى: ناقتى ەكونوميكانى جوعالتۋعا بولمايدى، ناقتى ەكونوميكاداعى ءداستۇرلى كاسىپ سالالارىن جوعالتۋعا بولمايدى.

تيپ جاڭالاۋ جاپالى، ورگە شىعۋ قيىن بولعانىمەن، ناقتى شارۋاشىلىقتى دامىتۋ ءداستۇرىن جالعاستىرۋ كەرەك. مىعىم زاتتىق تەحنولوگيالىق نەگىز بولماسا، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ مۇمكىن ەمەس.

جول بويى وي جۇگىرتتى، قادام سايىن تەرەڭدەتتى، كەڭەسۋ ارقىلى كەمەلدەندىردى... ”وسىزاماندانعان كاسىپ سالاسى جۇيەسىن ورناتىپ، ناقتى ەكونوميكانىڭ نەگىزىن بەكەمدەۋ، زورايتۋ“ ستراتەگيالىق مىندەتتىڭ ماڭداي الدى ورنىنا قويىلدى ءارى جۇيەلى ورنالاستىرۋ جاسالدى.

”حاۋىپسىزدىك“ دەگەن جىلدىق جوعارى جيىلىكتەگى وسى ءبىر سوزدەن جوسپارلاۋ جولىن كورۋگە بولادى.

2025 ـ جىلى 2 ـ ايدىڭ 28 ـ كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى اناعۇرلىم جوعارى دەڭگەيدەگى تىنىش جۇڭگو قۇرۋ جونىندە 19 ـ رەتكى توپتىق ۇيرەنۋ وتكىزدى، بۇل دا جىل باستالعاننان كەيىنگى ساياسي بيۋرونىڭ تۇڭعىش رەتكى توپتىق ۇيرەنۋى.

”قىزمەت بارىسىندا دامۋ مەن حاۋىپسىزدىكتى سانالىلىقپەن بىرلىككە كەلتىرىپ، بىرگە جوسپارلاپ، ءبىر تۇلعالى ورنالاستىرىپ، ءوزارا جەبەۋ كەرەك“. باس شۋجي شي جينپيڭ جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، تىنىش جۇڭگو قۇرىلىسىن اناعۇرلىم جوعارى دەڭگەيگە كوتەرۋدى تالاپ ەتتى.

2025 ـ جىلى كوكتەم مەرەكەسى قارساڭىندا نەگىزگى ساتىداعى كادرلار مەن بۇقاراعا امانداسىپ، ولاردان حال سۇراپ، ”ءوندىرىس حاۋىپسىزدىگىن كۇشەيتىپ، حالىق بۇقاراسىنىڭ مەرەكەنى شات ـ شادىمان، امان ـ ەسەن، بەرەكەلى وتكىزۋىنە شىنايى كەپىلدىك ەتۋدى“ باسا دارىپتەدى؛ شىعىس سولتۇستىكتەن مەملەكەتتىڭ ”بەس ۇلكەن حاۋىپسىزدىگىن“ قورعاۋداعى ماڭىزدى بورىشىن مىقتى يگەرۋدى تالاپ ەتتى؛ ورتا جازىقتىڭ بايتاق دالاسىنا كەلىپ، ”استىق حاۋىپسىزدىگى جاۋاپكەرشىلىگىن مىقتاپ ارقالاۋدى“ باسا دارىپتەدى...

ءبىر جىل اتتاعان ۋاقىت وسىندە، ەل باسقارۋ ۇلكەن شاحمات تاقتاسىندا باس شۋجي مەملەكەت حاۋىپسىزدىگىن جۇڭگو ۇلگىسىندەگى وسىزامانداندىرۋ ىستەرىنىڭ جالپى جاعدايىنا قويىپ وي جۇگىرتتى جانە يگەردى.

ماسەلەلەرگە ۇزدىكسىز تالداۋ جاسادى، زاڭدىلىقتى ۇزدىكسىز قورىتىندىلادى، دارەجەسىن ۇزدىكسىز سۇرىپتاپ جوعارىلاتتى.

پارتيا 20 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسى ”دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولۋدى“ ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدا، ءسوز جوق، بويسۇنۋعا ءتيىستى پرينسيپتەردىڭ ءبىرى ەتىپ ايقىنداپ، ”دامۋ بارىسىندا حاۋىپسىزدىكتى بەكەمدەۋ، حاۋىپسىزدىك بارىسىندا دامۋعا تالپىنۋدى“ كوزدەي وتىرىپ ءبىرسىپىرا ستراتەگيالىق ورنالاستىرۋ جاسادى.

قانداي قۇن بەتالىسىن ۇستانۋ بولاشاق دامۋدىڭ نەگىزگى تۇسىنە سايادى.

كەدەيلىكتەن ارىلتۋدان قامال الۋ مىندەتى ورىندالعاننان كەيىنگى 5 جىلدىق وتپەلى مەزگىلدىڭ ەڭ سوڭعى جىلى، مەملەكەتتىك ەكى ماجىلىستەن كەيىنگى تۇڭعىش رەتكى جەرگىلىكتى ورىندا قىزمەت تەكسەرگەندە، حالىق تۇرمىسى جونىندەگى قامقورلىققا تولى اڭگىمە تەرەڭ ماعىنانى جەتكىزدى.

2025 ـ جىلى 3 ـ ايدا باس شۋجي شي جينپيڭ گۇيجوۋ ولكەسى چياندۇڭنان وبلىسى ليپيڭ اۋدانى جاۋشيڭ دۇڭجايعا كەلدى، دابىل مۇناراسى استىندا ءبىر جەر وشاق، بىرنەشە ۇزىن ورىندىق قويىلىپتى، قىستاق تۇرعىندارى باس شۋجيدىڭ توڭىرەگىندە قورالانا وتىر.

”ءبىرىنشى شۋجي تۇزىمىنە ءالى دە تاباندى بولۋ كەرەك“، ”ءوز ەرەكشەلىگىن ساقتاپ، باسقالاردا جوق، وزىندە بار نارسەلەردى ويداعىداي يگەرۋ كەرەك“... باس شۋجي كوپشىلىكپەن حالىق تۇرمىسىن اڭگىمەلەپ، گۇلدەنۋدى تىلگە تيەك ەتتى، بىرگە شاتتىققا شومۋ بارىسىندا بارلىق ىسكە كوڭىل ءبولۋ سۇيىسپەنشىلىگى بار ەدى.

قالا مەن اۋىلدى ءبىر تۇتاس جوسپارلادى، 2025 ـ جىلى 7 ـ ايدا اراعا 10 جىل سالىپ ورتالىقتىڭ قالا قىزمەتى ءماجىلىسى بەيجيڭدە اشىلدى، باس شۋجي شي جينپيڭ جاڭاشىل، قونىسقا جايلى، كوركەم، سەرپىمدى، وركەنيەتتى، زەردەلى وسىزاماندانعان حالىق قالاسىن قۇرۋعا ايقىن بەتالىس كورسەتتى.

وسى جىلى شىعىس سولتۇستىك، گۇيجوۋ، يۇننان، شاڭحاي، حىنان، سانشي، شيزاڭ، شينجياڭ سياقتى جەرلەردە قىزمەت تەكسەرۋمەن نەمەسە قيمىلعا قاتىناسۋمەن ۇشتاستىرىپ، باس شۋجي شي جينپيڭ ”15 ـ بەسجىلدىقتاعى“ ەكونوميكالىق، قوعامدىق دامۋدى جوسپارلاۋ جونىندە تەكسەرۋ ـ زەرتتەۋ جۇرگىزدى. نەگىزگى ساتىنىڭ ءبىرىنشى شەبىنە ىشكەرىلەي بارىپ، حالىق تىلەگىن ۇعىسىپ، دۇرىس كوزقاراسقا يە بولدى.

حالىقتىڭ قاجەتىن سۇراۋ، حالىقتىڭ قامىن ويلاۋ شار تاراپتان ينتەرنەت جەلىسى كەڭىستىگىنە دەيىن كەڭەيدى.

2025 ـ جىلى 5 ـ ايدىڭ 20 ـ كۇنىنەن 6 ـ ايدىڭ 20 ـ كۇنىنە دەيىن ”15 ـ بەسجىلدىق“ جوبانى جاساۋ قىزمەتى جونىندە ينتەرنەتتە پىكىر الۋ قيمىلى ورىستەتىلدى. باس شۋجي شي جينپيڭ 2 رەت ماڭىزدى نۇسقاۋ بەرىپ بىلاي دەپ باسا دارىپتەدى: ”عىلمي شەشىم جاساۋعا، دەموكراتيالىق شەشىم جاساۋعا، زاڭ بويىنشا شەشىم جاساۋعا تاباندى بولۋ كەرەك“، ”قالىڭ حالىق بۇقاراسى بەلسەنە سىندارلى اقىل ـ كەڭەس بەرىپ، كوپتەگەن قۇندى ۇسىنىس ـ پىكىرلەردى ورتاعا قويدى، قاتىستى تاراۋلار مۇقيات زەرتتەپ، قابىلداۋى كەرەك“.

كوسەم حالىقپەن تىلەكتەس بولدى، پارتيا تىلەگى مەن حالىق تىلەگى ۇندەستىك تاپتى.

”15 ـ بەسجىلدىق“ جوبا ۇسىنىسىنىڭ جەتەكشى يدەياسىندا جالپى حالىقتىڭ بىرگە بايۋىن ىلگەرىلەتۋدە نىق قادام تاستاۋ كورنەكتى تۇردە باسا دارىپتەلدى. باس شۋجي شي جينپيڭ جوبا ۇسىنىسى جونىندەگى تالقى نۇسقاسىنا تۇسىنىك جاساعاندا، مۇنى تىپتەن ”’15 ـ بەسجىلدىق‘ مەزگىلىندەگى ەكونوميكالىق، قوعامدىق دامۋعا جەتەكشىلىك ەتەتىن جالپى تۇلعالىق تالاپ“ ەتتى.

حالىق تۇرمىسىنا تيىمدىلىك جاساۋ مەن تۇتىنۋدى جەبەۋدى، زاتقا قارجى قوسۋ مەن ادامعا قارجى قوسۋدى تىعىز ۇشتاستىرۋعا تاباندى بولۋ؛ تۇتىنۋشىلارعا توتە باراتىن جالپىعا ءتيىمدى ساياسات سەرپىنىن ارتتىرۋ؛ جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن كۇشەيتۋ...

”اۋەلگى ماقساتتى ۇمىتپاۋعا تاباندى بولىپ، ماسەلەنى حالىقتىق تۇرعىدان ويلاستىرىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، بىرگە بايۋدى ورنىقتى قاداممەن ىلگەرىلەتۋ كەرەك“. بۇل عاسىرلىق ءىرى پارتيانىڭ تالىقپاس تالپىنىسى، حالىق كوسەمىنىڭ اينىماس اۋەلگى ماقساتى.

داڭعىل جولمەن بۇلجىماي ءجۇرىپ، كوكىرەك كەرە جاۋاپكەرشىلىك ارقالادى —

”جۇڭگو ماڭگى دۇنيە ءجۇزىنىڭ بەيبىتشىلىك كۇشى، ورنىقتىلىق كۇشى، العا باسۋ كۇشى بولادى“

2025 ـ جىلى دۇنيە جۇزىندە وزگەرىس پەن بىلىقپالىق قاباتتاسىپ، الاساپىراندىق شيەلەنىستى. وسى ءبىر جىلداعى حالىقارالىق قارىم ـ قاتىناس ۇردىسىنە قايىرىلا قاراساق، ءبىر تاريحي ءسات كۇللى الەمنىڭ نازارىندا قالدى:

”مەن الەمدىك باسقارۋ باستاماسىن العا قويىپ، ءار ەلمەن بىرگە اناعۇرلىم ادىلەتتى، ۇيلەسىمدى الەمدىك باسقارۋ جۇيەسىن ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىنا قول ۇستاسا قادام تاستاۋدى قالايمىن.“ 2025 ـ جىلى 9 ـ ايدىڭ 1 ـ كۇنى شاڭحاي سەلبەستىك ۇيىمىنىڭ تيانجين باسشىلار ماجىلىسىندە ءتوراعا شي جينپيڭ دۇنيە جۇزىنە الەمدىك باسقارۋ باستاماسىن العا قويدى.

تۋرا جولمەن ءجۇرىپ، جۇڭگو جوباسى ارقىلى ادامزات قوعامىنىڭ العا باسۋ بەتالىسىنا جەتەكشىلىك ەتتى —

2025 ـ جىل — دۇنيە جۇزىلىك فاشيزمگە قارسى سوعىس جەڭىسىنىڭ جانە بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. تيانجين باسشىلار ماجىلىسىنەن بۇرىن، ءتوراعا شي جينپيڭ بىرلەسكەن مەملەكەتتەر ۇيىمىنىڭ باس حاتشىسى گۋتتەرەسپەن كەزدەسىپ، تاريح سالعان ويدى ىشكەرىلەي ايقىنداپ كورسەتتى: ”كوپ جاقتىلىق، ىنتىماقتاسۋ، سەلبەسۋ — الەمدىك قيىن ماسەلەلەردى شەشۋدىڭ دۇرىس جاۋابى“.

كەلگەن جولعا قايىرىلا قاراساق، دۇنيە جۇزىلىك فاشيزمگە قارسى سوعىس ءورتى سەيىلىپ، حالىقارالىق قوعام اۋىر ساباق الدى، بىرلەسكەن مەملەكەتتەر ۇيىمى وسىعان ساي دۇنيەگە كەلىپ، الەمدىك باسقارۋدىڭ جاڭا پاراعى اشىلدى.

قازىرگى كەزگە اينالا كوز جىبەرسەك، دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى، حالىقارالىق قارىم ـ قاتىناستىڭ دەموكراتيالانۋى كۇن سايىن جوڭكىلە تۇسكەن ءداۋىر تاسقىنىنا اينالدى، الايدا قىرعي قاباقتىق سوعىس ويى، زورەكەرلىك، قورعامپازدىق مۇنارى سەيىلمەي، جاڭا قاتەر، جاڭا سىن ـ سايىس كوبەيىپ، دۇنيە ءجۇزى جاڭا الاساپىران وزگەرىس مەزگىلىنە ءوتتى.

”يەلىك ۇقىق تەڭدىگىن اتقارۋ“، ”حالىقارالىق زاڭمەن باسقارۋعا بويسۇنۋ“، ”كوپ جاقتىلىقتى امالياتتا ايگىلەۋ“، ”ادامدى نەگىز ەتۋدى دارىپتەۋ“، ”ارەكەت بەتالىسىنا ءمان بەرۋ“... تاريحتىڭ شەشۋشى تۇسىندا ءتوراعا شي جينپيڭ الەمدىك باسقارۋ جۇيەسىنىڭ رەفورمالانۋىنا، كەمەلدەنۋىنە انىق بەتالىس نۇسقادى.

2021 ـ جىلدان باستاپ، بۇرىن بولىپ كورىلمەگەن الەمدىك سىن ـ سايىس الدىندا، ءتوراعا شي جينپيڭ الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن، الەمدىك باسقارۋ باستاماسىن ىركەس ـ تىركەس العا قويدى. ءتورت ۇلكەن الەمدىك باستاما ءوزارا توعىسىپ، ورگانيكالى بىرلىككە يە بولىپ، ادامزاتتىڭ تاعدىرلاس ورتاق تۇلعاسىن قۇرۋ امالياتىنىڭ تەرەڭدەۋىن، ناقتىلانۋىن ىلگەرىلەتىپ، جۇيەلى دە كەمەلدى ارەكەت جۇلگەسىن قۇردى.

كۇللى الەمدى كوكەيدە ساقتاپ، جۇڭگونىڭ جاۋاپكەرشىلىك ارقالاۋى ارقىلى دۇنيە ءجۇزىنىڭ بەيبىتشىلىگىن، ورنىقتىلىعىن قورعادى —

2025 ـ جىلى 4 ـ ايدا جاڭا جۇڭگو تاريحىنداعى تۇڭعىش رەتكى ورتالىقتىڭ توڭىرەكتىك قىزمەت ءماجىلىسى بەيجيڭدە اشىلدى.

الەمدىك كوز ايامەن توڭىرەكتى باعامداعان ءماجىلىس مىناداي ماڭىزدى تۇجىرىمدى العا قويدى: ”توڭىرەك — دامۋدى، گۇلدەنىپ ـ كوركەيۋدى جۇزەگە اسىرۋدىڭ ماڭىزدى نەگىزى، مەملەكەت حاۋىپسىزدىگىن قورعاۋدىڭ ماڭىزدى ءتۇيىنى، ديپلوماتيالىق جالپى جاعدايدى جوسپارلاۋدا ماڭداي الدى ورىندا تۇرادى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ تەتىگى“.

ماجىلىستەن سوڭ ءبىر اپتاعا جەتپەي، ءتوراعا شي جينپيڭ شىعىس وڭتۇستىك ازياعا ساپارعا شىعىپ، 2025 ـ جىلى جۇڭگو مەملەكەت باسشىسىنىڭ تۇڭعىش رەتكى ساپارى توڭىرەكتەگى ەلدەردەن بولدى.

ۆيەتنامدا ءتوراعا شي جينپيڭ ۆيەتنام جاق باسشىلارىمەن بىرگە ءار رەتتە يىق سۇيەسە بىرگە ىلگەرىلەپ، جۇرە ءجۇرىپ اڭگىمەلەستى؛ مالايزيادا ءانۋار زۇڭلي ءتوراعا شي جينپيڭنىڭ مالايزياداعى ساپارىندا بارلىق قيمىلدا تۇتاستاي سەرىك بولدى؛ كامبودجادا پاتشا سيحاموني ءتوراعا شي جينپيڭدى پنومپەندەگى پاتشا ورداسىنا ۇسىنىس ەتىپ، وسى ”ۇلى دوسىنا“ ”كامبودجا پاتشالىعى ۇلتتىق تاۋەلسىزدىگىنىڭ ۇلكەن القا دارەجەلى وردەنىن“ بەردى...

”بايلانىستى الشاقتاتىپ، تىزبەكتى ءۇزۋ“، ”ءوز ەلىن الدىمەن ويلاستىرۋ“ ورشىگەندە، جۇڭگو توڭىرەكتەگى ەلدەرمەن قايتىپ اناعۇرلىم ءجيى قول ۇستاسا الدى؟

مۇنىڭ جاۋابى ”تۋىسىنا قىدىرىپ جۇرگەندەي“ ءجيى ىقپالداستىق بارىسىندا ”كورشىسىن تابىسقا جەتكىزۋ وزىنە كومەكتەسكەندىك“ دەيتىن دارقان پەيىل بارىسىندا جازىلدى.

2025 ـ جىلى ءتوراعا شي جينپيڭنىڭ ءار جولعى ساپارى تۇگەل توڭىرەككە شوعىرلاندى، شىعىس وڭتۇستىك ازيادان رەسەيگە، قازاقستاننان كورەياعا دەيىن توڭىرەكتىڭ ءار تۇسىندا ىزدەرى قالدى. ءار رەتكى ساپاردا مەملەكەت باسشىسى ديپلوماتيالىق قيمىلىنىڭ ءجيى بولۋى، سەلبەستىك جەتىستىگىنىڭ سۇبەلى بولۋى تاتۋ كورشىلىك، دوستىق حيكاياسىنىڭ جالىندى دا جاندى تاراۋىن جازدى.

”تۋىستىق ارالاسقان سايىن جاقىندايدى، دوستىق ارالاسقان سايىن تەرەڭدەيدى“.

”ەڭ باعالى ارتىقشىلىق جۇڭگومەن كورشى بولۋ“، ”جۇڭگونىڭ اكەلگەنى ورنىقتىلىق قانا ەمەس، ءتىپتى دە ماڭىزدىسى، بولاشاقتاعى باياندى ءۇمىت“... جاقىن، ادال، ءتيىمدى، سيىسىمدى بولىپ، تاعدىرلاس بولىپ، ءوڭىردىڭ بەيبىتشىلىگى مەن ورنىقتىلىعىنىڭ، گۇلدەنىپ ـ دامۋىنىڭ نۇرلى بولاشاعىنا بىرگە اتتاندى.

2025 ـ جىلى 10 ـ ايدىڭ 30 ـ كۇنى كورەيانىڭ پۋسانى، ءتوراعا شي جينپيڭنىڭ امەريكا زۇڭتۇڭى ترامپپەن 6 جىلدان سوڭ تاعى كەزدەسۋى كۇللى الەمنىڭ نازارىن اۋداردى.

ءوزارا امانداستى، بەتپە ـ بەت وتىردى، بەتاشار ءسوز سويلەدى، جابىق كەڭەس وتكىزدى، 100 نەشە مينۋتتان كەيىن، ەكى ءىرى ەل باسشىسى يىق سۇيەسە قىمباتتى قوناقتار بولمەسىنەن شىقتى، ادامدار ءجىتى نازار اۋدارۋ بارىسىندا ”جۇرتتى جىگەرلەندىرەتىن كەلەشەكتى“ كورگەندەي بولدى.

”جۇڭگو - امەريكا قارىم ـ قاتىناسى سىندى وسى الىپ كەمەنىڭ ورنىقتى ىلگەرىلەۋىنە مۇمكىندىك جاساۋ كەرەك“، ”ەكى ەلگە جانە دۇنيە جۇزىنە پايدالى ءىرى ىستەردى، ناقتى ىستەردى، يگى ىستەردى قول ۇستاسا كوبىرەك ىستەۋ كەرەك“... ءتوراعا شي جينپيڭ كەڭ كوز ايا جانە كورەگەندىك ارقىلى ءىرى ەلدەر قارىم ـ قاتىناسىنىڭ ورنىقتى دامۋ جولىن ايقىن كورسەتتى.

پارتيا 20 ـ كەزەكتى ورتالىق كوميتەتىنىڭ ءتورتىنشى جالپى ءماجىلىسى مىنانى اتاپ كورسەتتى: ”ءىرى ەلدەر قارىم ـ قاتىناسى حالىقارالىق جاعدايعا اسەر ەتەدى، حالىقارالىق جاعدايدىڭ وزگەرىسى ەل ءىشىنىڭ دامۋىنا تەرەڭ ىقپال جاسايدى“.

وسى ءبىر جىلدا جۇڭگو - امەريكا مەملەكەت باسشىلارى ديپلوماتياسىنىڭ ستراتەگيالىق جەتەكشىلىگىندە، رول ۇستاپ، باعدار بەلگىلەۋىندە، دۇنيە جۇزىندەگى الدىڭعى ەكى ۇلكەن ەكونوميكالىق تۇلعانىڭ كوپ ارنالى، ساتىلى بايلانىسى ۇزدىكسىز ىلگەرىلەتىلدى؛ ءتوراعا شي جينپيڭ رەسەي زۇڭتۇڭى پۋتينمەن ءوزارا ساپاردا بولىپ، جۇڭگو مەن رەسەيدىڭ ءارقايسى سالاداعى ستراتەگيالىق سەلبەستىك ۇلى جوسپارىن بىرگە اقىلداستى، دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن بىرگە قۇتتىقتادى، حالىقارالىق ادىلدىكتى، تۋراشىلدىقتى قورعاۋدىڭ جاڭا تاراۋىن بىرگە جازدى؛ ءتوراعا شي جينپيڭ فرانسيا زۇڭتۇڭى ماكرونمەن دۋجياڭياندا الەم جايلى اقتارىلا اڭگىمەلەستى، ەۆروپا وداعى باسشىسىمەن جۇڭگو - ەۆروپا قارىم ـ قاتىناسىنىڭ اناعۇرلىم نۇرلى كەلەسى 50 جىلىن بىرگە كەسكىندەدى...

”ءىرى ەلدىڭ ءىرى ەلگە ءتان بەينەسى بولۋى، اناعۇرلىم كوپ جاۋاپكەرشىلىك ارقالايتىندىعىن ايگىلەۋى كەرەك“.

ءتوراعا شي جينپيڭنىڭ جەتەكشىلىگىندە، جۇڭگو ءىرى ەلدەردىڭ سايكەستى جانە ۇتىمدى ىقپالداستىعىن جەبەۋگە باستان ـ اياق كۇش سالىپ، بەيبىت قاتار تۇراتىن، جالپى جاقتان ورنىقتى، بىركەلكى داميتىن ءىرى ەلدەر قارىم ـ قاتىناسى جۇلگەسىنىڭ قۇرىلۋىن ىلگەرىلەتىپ، الەمنىڭ ستراتەگيالىق ورنىقتىلىعىن قورعاۋعا وڭ ەنەرگيا قوستى.

قول ۇستاسا بىرگە ىلگەرىلەپ، جۇڭگو ورايى ارقىلى ءار ەلدىڭ بىرگە وسىزاماندانۋعا قادام تاستاۋىنا دەم بەردى —

2025 ـ جىلى 11 ـ ايدا تونگا پاتشاسى تۋپۋ ـ 6 جۇڭگوعا ساپارلاي كەلدى، ول فۋجيان اۋىل شارۋاشىلىعى، ورمان شارۋاشىلىعى داشۋەسىنىڭ جۇنساۋيۋان الاڭىنا كەلىپ، ءوز قولىمەن ءبىر ءتۇپ جۇنساۋ ەكتى ءارى لەبىز داپتەرىنە بىلاي دەپ جازدى: جۇنساۋ تونگا سياقتى وركەندەپ كەلە جاتقان ەلدەر جونىنەن وراسان زور كومەسكى كۇشكە يە.

بەيجيڭدە تۋپۋ ـ 6مەن كەزدەسكەندە ءتوراعا شي جينپيڭ مىنانى ءبىلدىردى: جۇڭگو نازاردى جوعارى ساپالى دامۋعا شوعىرلاندىرىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، دۇنيە جۇزىندەگى ءار ەلمەن دامۋ ورايىنان بىرگە يگىلىكتەنەدى.

”جۇڭگونىڭ تالپىنىپ وتىرعانى ءوزىنىڭ قامىن عانا ويلايتىن وسىزامانداندىرۋ ەمەس“.

بۇكىل جەر شارىنداعى مەملەكەتتەردىڭ تورتتەن ۇشتەن استامى ”ءبىر بەلدەۋ، ءبىر جولدى“ بىرگە قۇرۋ ۇلكەن شاڭىراعىنا قوسىلدى؛ جۇڭگو - ەۆروپا كەزەكشى پويەزىنىڭ جالپى قاتىناعان سانى 120 مىڭنان استى؛ جۇڭگو حالىقارالىق يمپورت كورمەسى، گۋاڭجوۋ جارمەڭكەسى، جۇڭگو حالىقارالىق قامداۋ تىزبەگىن جەبەۋ كورمەسى، جۇڭگو حالىقارالىق قىزمەت وتەۋ ساۋدا جارمەڭكەسى، جۇڭگو حالىقارالىق كۇندەلىكتى تۇتىنۋ بۇيىمدارى جارمەڭكەسى سياقتى حالىقارالىق كورمەلەر جۇڭگو سەلبەستىگىنىڭ ”ماگنيتتىك تارتۋ كۇشىن“ ۇزدىكسىز جارىققا شىعاردى...

تاياۋدا كوپتەگەن حالىقارالىق قۇرىلىمدار 2025 ـ جىلعى جۇڭگو ەكونوميكاسىنىڭ ارتۋ قارقىنى مەجەسىن جوعارىلاتتى. تالاي جىلدان بەرى، جۇڭگو ەكونوميكاسىنىڭ دۇنيە ءجۇزى ەكونوميكاسىنىڭ ارتۋىنا جىلدىق ورتاشا قوسقان ۇلەس مولشەرى %30 شاماسىندا ساقتالىپ، الەمدىك ارتۋداعى ماڭىزدى قوزعالتقىش جاۋاپكەرشىلىگىن ۇزدىكسىز ارقالادى.

دۇنيە ءجۇزى جاڭا جول ايىرىعىندا تۇر، ونىڭ قايدا بەتتەۋى كورەگەندىك پەن جاۋاپكەرشىلىك ارقالاۋدى سىننان وتكىزۋدە.

حالىقتىڭ كوڭىلىن ويلاپ، الەمنىڭ يگىلىگىن كوزدەدى. ءتوراعا شي جينپيڭنىڭ ۇندەۋى كۇشتى ۇندەستىك تۋدىردى، ”تولقىن كۇشتى بولعان سايىن، تار جول، تايعاق كەشۋدەن سولعۇرلىم بىرگە ءوتۋ كەرەك“، ”گۇلدەنۋدى بىرگە جەبەپ، بولاشاقتان تەڭ يگىلىكتەنىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋ كەرەك“.

دۇنيە جۇزىلىك ايەلدەر ىستەرى باسشىلار ماجىلىسىنە قاتىناسقاندا، دۇنيە جۇزىلىك ايەلدەر ىستەرىنىڭ دامۋىن ونان ارى قولدايتىن ءبىر قىدىرۋ ماڭىزدى شارالاردى العا قويدى؛ جەر شارى وڭتۇستىگىنىڭ دامۋىن قولداپ، لاتىن امەريكاسى جانە كارايب ەلدەرىمەن ىنتىماق، دامۋ، وركەنيەت، بەيبىتشىلىك، حالىق تىلەگى سىندى ”بەس ۇلكەن ينجەنەريانى“ قول ۇستاسا ىسكە قوساتىندىعىن جاريالادى، افريكاداعى ديپلوماتيالىق قارىم ـ قاتىناس ورناتقان 53 ەلگە قاراتا %100تىك باجى تۇرىندەگى ونىمدەردەن كەدەن باجىسىن الماۋ شاراسىن اتقارۋدىڭ تياناقتاندىرىلۋىن ىلگەرىلەتتى؛ «پاريج كەلىسىمى» جاسالعاندىعىنىڭ 10 جىلدىعى قارساڭىندا جۇڭگونىڭ جاڭا ءبىر رەتكى دەربەس ۇلەسىن جاريالادى...

داڭعىل جولداعى جۇڭگو باستان ـ اياق دارقان قۇشاقپەن ارازدىقتان، قاقتىعىستان اسىپ ءوتىپ، دارقان پەيىلىمەن ادامزاتتىڭ تاعدىرىنا كوڭىل ءبولدى.

وسى سەبەپتى، دۇنيە ءجۇزى تاڭ قالدى، قىزىقتى — ”جۇڭگو كەرەمەت بولىپ كەلەدى“، ”ەڭ ىقپالدى الەمدىك ىستەرگە قاتىسۋشى“، ”جۇڭگو سەنىمدى سەرىك“؛

سونىمەن ءارقايسى جاق جاقىندادى، ىزدەنىس جاسادى — جۇڭگو ۇلگىسىندەگى وسىزامانداندىرۋ تابىسىنىڭ قۇپياسىنا ۇڭىلگەن ءار ەل ساياساتكەرلەرى، باتىلدىقپەن جۇڭگوعا قارجى قوسقان شەتەل كاسىپورىندارىنىڭ جوعارى دارەجەلى باسقارۋشىلارى، ”جۇڭگوعا ساياحاتتاۋدى“ ۇناتىپ قالعان ءار ەل حالقى بىرىنەن سوڭ ءبىرى كەلدى...

كۇن سايىن جاڭارىپ، اي سايىن تۇلەجىگەن جۇڭگو، سەنىمدى، سۇيىكتى، سيلى جۇڭگو.

بارشا جۇرت ءبىر نيەتپەن ۇدەرە العا تارتتى —

”جۇڭگو ۇلگىسىندەگى وسىزامانداندىرۋدىڭ اناعۇرلىم شۇعىلالى تاراۋىن قۇلشىنا جازۋ كەرەك“

2025 ـ جىلى 9 ـ ايدىڭ 3 ـ كۇنى تيان ـ انمىن الاڭىندا مەملەكەت سالتاناتى وتكىزىلىپ، جۇرتتى جىگەرلەندىردى.

تيان ـ انمىن مىنبەسى ۇلكەن سارايىنىڭ ىشىندە «ەل بىرلىگىنەن بەرىك قامال تۇرعىزۋ» تاقىرىبىنداعى الىپ سۋرەت ءىلۋلى تۇر؛ الاڭ ورتاسىنداعى ”众“ ءارىبى پىشىنىندە جاسالعان سالتانات مىنبەسى ەرەكشە ايبىندى كورىنەدى.

جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسىندا باس شۋجي شي جينپيڭنىڭ پارمەندى دە ايبىندى جاريالاۋى — مەملەكەت ەستەمەسى ءۇشىن ماڭگىلىك كوورديناتانى تۇراقتاندىردى: ”جاپون شاپقىنشىلارىنا قارسى سوعىس ۇلى رۋحىن جالعاستىرىپ جانە اسقاقتاتىپ، اسقاق جىگەرمەن قايراتتانا ۇمتىلىپ، باتىلدىقپەن العا ىلگەرىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك!“

ۇلى جەڭىستەن ۇلى گۇلدەنۋگە دەيىن قىزىل تۋلار جەلبىرەپ، بارشا جۇرت دۋمانعا بولەنىپ، گۇلدەنگەن زامان تىنىسىن ايگىلەدى؛ شايقاس تۋى جەلبىرەپ، قۇرىش اعىن جوڭكىلىپ، ءداۋىردىڭ كۇشتى ءۇنى اسقاقتادى.

”ادامعا تەرەڭ اسەر قالدىراتىن ايگىلەۋ بولدى!“ ءبىر شەتەلدىك مەديا: ”بۇل ناعىز كۇش پەن سەنىم!“ ـ دەپ تاڭداي قاقتى.

كەزىندە كەدەي ءارى ءالسىز، قورلىقتى ابدەن تارتقان ”ۇيقىداعى ارىستان“ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى قالاي جۇزەگە اسىردى؟

وتكەن كۇن بۇگىنگە وي سالادى، تاريح بولاشاقتى نۇرلاندىرادى.

سانشيدىڭ ياڭچۋانىنداعى شى ـ ناۋشان تاۋىنىڭ نەگىزگى شىڭىندا ءجۇز تۋان شايقاسى ەسكەرتكىشى بۇلتقا شانشىلعان وتكىر نايزاداي كورىنەدى.

2025 ـ جىلى 7 ـ ايدىڭ 7 ـ كۇنى بۇكىل ۇلتتىڭ جاپون شاپقىنشىلارىنا قارسى سوعىسى باستالعاندىعىنىڭ 88 جىلدىعى قارساڭىندا باس شۋجي شي جينپيڭ وسى اراعا كەلىپ، 8 ـ ارميا قۇرباندارىنا گۇل شارباق قويدى، سونداي ـ اق ءجۇز تۋان شايقاسى ەسكەرتكىش سارايى كورمەسىن ەكسكۋرسيالادى.

ايالدادى، ءۇڭىلدى، تەرەڭ تولعاندى، وسى ءبىر تاريحتى قايتا ەسكە الدى، باس شۋجي شي جينپيڭ كۇشتى لەبىزبەن: ”ءجۇز تۋان شايقاسى سىندى تاريحي ۇلى ءىس پارتيامىزدىڭ بۇكىل ۇلتتىڭ جاپون شاپقىنشىلارىنا قارسى سوعىسىنداعى بەرىك تىرەكتىك رولىن تولىق ايگىلەدى، پارتيا باسشىلىق ەتكەن حالىقتىق سوعىستىڭ تەلەگەي كۇشىن تولىق ايگىلەدى“، ـ دەدى.

جۇڭگو كوممۋنيستىك پارتياسىنىڭ بەرىك تىرەك بولىپ جول باستاۋىنىڭ، بۇكىل حالىقتىڭ ىنتىماقتاسا كۇرەس جۇرگىزۋىنىڭ تەلەگەي كۇشىنىڭ ارقاسىندا — ”جۇڭگو ۇلگىسىندەگى وسىزامانداندىرۋ — ءبىزدىڭ قايتكەندە ’ۇيقىداعى ارىستاندى‘ وياتۋ، ۇلتتىڭ گۇلدەنۋىن جۇزەگە اسىرۋ سىندى وسى كەلەلى تاريحي تاقىرىپقا بەرگەن جاۋابىمىز“.

بۇل جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاق تاعدىرىنا، ەڭ سوڭعى ءساتتى ـ ءساتسىز بولۋىنا تىكە سايادى.

2025 ـ جىلى 3 ـ ايدا ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى باستالا سالىپ، باس شۋجي شي جينپيڭ گۇيجوۋعا، يۇننانعا بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.

90 جىلدىڭ الدىندا بايتاق باتىس وڭتۇستىكتىڭ دالاسىندا جۇڭگو كوممۋنيستىك پارتياسى باسشىلىق ەتكەن قىزىل ارميا حاۋىپ ـ قاتەر، بوگەت ـ توسقاۋىلداردى تالقانداپ، شەشۋشى كەزەڭدەگى بۇرىلىستى جۇزەگە اسىردى.

ەل باسقارۋدا، ءسوز جوق، الدىمەن پارتيانى باسقارۋ كەرەك، پارتيا گۇلدەنگەندە عانا مەملەكەت قۇدىرەتتەنەدى. اماليات ”جاعداي نەعۇرلىم كۇردەلى دە قۇبىلمالى، مىندەت جاپالى دا اۋىر بولعان سايىن، پارتيانىڭ باسشىلىعى سىندى وسى ەڭ ۇلكەن ارتىقشىلىققا سولعۇرلىم ويداعىداي تاباندى بولۋ، ويداعىداي پايدالانۋ، ويداعىداي دامىتۋ كەرەكتىگىن“ قايتا ـ قايتا دالەلدەدى.

”14 ـ بەسجىلدىق“ اياقتالۋ الدىندا تۇرعان، ”15 ـ بەسجىلدىق“ جوسپارلانىپ جاتقان شەشۋشى كەزەڭدە يدەيا ارقاۋىن تاعى شيراتا ءتۇسۋ، اۋەلگى ماقساتتى تاعى دا شىڭداۋ پارتيانىڭ بيلىك جۇرگىزۋ نەگىزىنە سايادى، جۇڭگو ۇلگىسىندەگى وسىزامانداندىرۋ قۇرىلىسىنىڭ جالپى جاعدايىنا سايادى.

ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ — باس شۋجي شي جينپيڭ ءوزى جوسپارلاعان 2025 ـ جىلعى پارتيا قۇرىلىسى قىزمەتىنىڭ ءتۇيىندى مىندەتى.

”بەرتىنگى جىلدارى سەگىز ءتۇرلى بەلگىلەمە ءتۇبىرلى سيپاتتى وزگەرىستى شىنىمەن ىلگەرىلەتتى، سالت جاڭارعان سوڭ، بۇرىن ءسىڭىستى بولىپ كەتكەن جايتتەردىڭ باسىم كوبى جوعالدى. سونىمەن قاتار كەيبىر جەرلەردە بوساڭسۋ تۋىلعاندىعىن، كەيبىر جاقتاردا ءالى دە ەسكەرۋسىز قالاتىن قالتارىستاردىڭ ءومىر ءسۇرىپ وتىرعاندىعىن، كەيبىر ناشار ادەتتەردىڭ قايتا باس كوتەرگەندىگىن كورە ءبىلۋىمىز كەرەك“. باس شۋجي شي جينپيڭ پارتيا ورتالىق كوميتەتىنىڭ وسى رەتكى ۇيرەنۋ تاربيەسىن ورىستەتۋىندەگى تەرەڭ ويىن ايتا كەلىپ بىلاي دەدى: ”شەگە قاققاندا تاعى دا بىرنەشە رەت قاعىپ، تىنباي كۇش سالىپ، جاقسى سالتتى ادەتكە اينالدىرۋ كەرەك“.

2025 ـ جىلى 6 ـ ايدىڭ 30 ـ كۇنى ”1 ـ شىلدە“ قارساڭى، بەيجيڭ جۇڭنانحاي. جۇڭگو كوممۋنيستىك پارتياسى ورتالىق كوميتەتى ساياسي بيۋروسى ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋ، ”ءتورت بۇرىس ستيلدى“ تۇزەتۋ باياندى مەحانيزمىن اقاۋسىزداندىرۋ جونىندە 21 ـ رەتكى توپتىق ۇيرەنۋىن وتكىزدى.

”پارتيامىز ارقالاعان جۇڭگو ۇلگىسىندەگى وسىزامانداندىرۋ قۇرىلىسى مىندەتى توتەنشە اۋىر، ءدوپ كەلگەن بيلىك جۇرگىزۋ ورتاسى ايرىقشا كۇردەلى، وزىنە ـ ءوزى توڭكەرىس جاساۋ سىندى وسى ارقاۋدى، ءسوز جوق، اناعۇرلىم مىقتاپ شيراتۋ كەرەك“. باس شۋجي شي جينپيڭ ستيل قۇرىلىسىنان پارتيانىڭ وزىنە ـ ءوزى توڭكەرىس جاساۋىنا دەيىن ءسوز قوزعاپ، پارتيانىڭ وزىنە ـ ءوزى توڭكەرىس جاساۋىن سوڭىنا دەيىن جالعاستىرۋدىڭ ايقىن سيگنالىن جەتكىزدى.

پارتيانى بۇلجىماي جاپپاي قاتاڭ باسقارىپ، جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتىپ، پارتيانىڭ وزىنە ـ ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋگە تاباندى بولدى، پارتيانىڭ جاسامپازدىق قۋاتى، ۇيىسۋ قۋاتى، جاۋىنگەرلىك قۋاتى ۇزدىكسىز كۇشەيدى، ەكونوميكالىق، قوعامدىق دامۋدا جاڭا باستامالىق سيپاتتى ىلگەرىلەۋشىلىككە، سەرپىلىستىك وزگەرىستەرگە، تاريحي تابىستارعا قول جەتكىزۋدى ىلگەرىلەتتى.

بۇل — بۇكىل ەلدەگى ءار ۇلت حالقى بىرگە اتتانعان وسىزامانداندىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ — ەلىمىزدەگى 56 ۇلتتىڭ ورتاق ءىسى، بۇكىل جۇڭحۋا پەرزەنتتەرىنىڭ ورتاق ارمانى.

جوڭكىلە اققان يارلۇڭزاڭبو وزەنى قارلى ءۇستىرتتىڭ وراسان زور وزگەرىسىن ايگىلەدى، تاريحى ۇزاق بايىرعى جىبەك جولى تيانشان الابىنىڭ كۇن سايىن جاڭارۋىنا كۋا بولدى.

2025 ـ جىلى 8 ـ ايدا، 9 ـ ايدا شي جينپيڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى رەتىندە، ورتالىق ۋاكىلدەر ۇيىرمەسىن باستاپ شيزاڭ اۆتونوميالى رايونى، شينجياڭ ۇيعۇر اۆتونوميالى رايونى قۇرىلعاندىعىن قۇتتىقتاۋ قيمىلدارىنا قاتىناستى، بۇل پارتيا مەن مەملەكەت تاريحىندا تۇڭعىش رەت بولدى.

باس شۋجي شي جينپيڭ بارعان جەرىنىڭ بارىندە ءار ۇلت بۇقاراسى ءان ايتىپ، ءبي بيلەپ، قۋانا الاقايلاپ، باس شۋجيدىڭ كەلگەنىن قارسى الىپ، باس شۋجيگە شىن ىقىلاستى تىلەكتەرىن ءبىلدىردى ءارى بىرگە ىنتىماقتاسا كۇرەس جۇرگىزىپ، بىرگە گۇلدەنىپ دامىپ، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا تاراۋىن ءبىر نيەتپەن قول ۇستاسا جازاتىن ارمانى مەن بەكىمدەرىن ءبىلدىردى.

”جۇڭحۋا ۇلتى ۇلكەن شاڭىراق، ءبىر ءۇيلى جان تۇگەلدەي تاماشا تۇرمىس كەشىرۋى كەرەك“.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ، ۇلتتار ىنتىماعىن، العاباسارلىعىن جەبەۋ زاڭى جوباسىن اقىلداستى، ۇلتتار وڭىرىندەگى كادر ـ بۇقاراعا جاۋاپ حات جازىپ جىگەرلەندىردى، جەرگىلىكتى ورىنعا تالاي رەت بارىپ قىزمەت تەكسەرگەندە ۇلتتاردىڭ ارالاسۋىنا، ىشتەسۋىنە، توعىسۋىنا نازار اۋداردى... باس شۋجي شي جينپيڭ ءوزى باس بولىپ جۇڭحۋا ۇلتى ورتاق تۇلعا قۇرىلىسىن ىلگەرىلەتتى، ءار ۇلت كادر ـ بۇقاراسى يدەياسى مەن ارەكەتىن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، بىركەلكى قاداممەن العا باستى.

ۇزدىكسىز قاجىماي كۇش سالىپ گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتتى، شياڭگاڭنىڭ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسۋىن جانە وعان قىزمەت وتەۋىن ىلگەرىلەتتى، تايۋان قايتارىپ الىنعاندىعىنىڭ 80 جىلدىعى بايلانىسىمەن مەملەكەت اتىندا تايۋان قايتارىپ الىنعاندىعىن ەسكە ءتۇسىرۋ كۇنىن بەلگىلەدى... بۇكىل جۇڭحۋا پەرزەنتتەرى ەتەنە، تاعدىرلاس بولدى.

جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ — ۇزاق بولاشاقتىق دامۋعا ساياتىن ايبىندى جورىق، ءساتتى بولا بەرمەيدى، ءتىپتى، ويعا كەلمەيتىن اساۋ تولقىندارعا جولىعامىز.

”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ — بۇرىنعىلار ىستەپ كورمەگەن ۇلى ءىس. ارمان مەن سىن ـ سايىس ءبىزدىڭ ۋاقىتپەن جارىساتىن، ماڭگى بويكۇيەزدىككە سالىنبايتىن كۇرەس رۋحىمىزدى تاسقىنداتادى.“ 2025 ـ جىلعى مەملەكەت مەرەكەسىن قۇتتىقتاۋ قوناعاسىندا باس شۋجي شي جينپيڭنىڭ ءسوزى كۇش ـ قۋاتقا تولى بولدى.

جۇڭگونىڭ بايتاق دالاسىنىڭ بارلىق جەرىندە تىرشىلىك تىنىسى تاسقىندادى:

شىعىس سولتۇستىكتەگى قار ـ مۇز الەمى، حاربين ازيا قىسقى سپورت جارىسى دەنە تاربيە اسقاق سەزىمىن تاسقىنداتتى، جارىس ەكونوميكاسى تۇتىنۋ كومەسكى كۇشىن ءۇرتىس جارىققا شىعاردى؛

مىڭ بوياۋلى باتىس وڭتۇستىك دالاسىندا اۋىل شارۋاشىلىعى ـ مادەنيەت ـ ساياحات تەرەڭ توعىسىپ، اۋىل ـ قىستاقتىڭ جاپپاي گۇلدەنۋىنە دەم بەردى؛

نانحاي تەڭىزىنىڭ كوگىلدىر ايدىنىندا ەلىمىزدىڭ تۇڭعىش ەلەكتروماگنيتتىك سەرىپپە تۇرپاتتى اۆياماتكاسى — تەڭىز ارمياسىنىڭ فۋجيان اتتى اۆياماتكاسى قوسىنعا قوسىلعاننان كەيىنگى تەڭىزدەگى تۇڭعىش ناقتى اسكەر جاتتىعۋىن تامامدادى؛

....

بارلىق ۇلى تابىس ۇزدىكسىز كۇرەس جۇرگىزۋدىڭ ناتيجەسى، بارلىق ۇلى ءىس بۇرىنعىعا مۇراگەر، كەيىنگىگە بۇيداگەر بولۋ بارىسىندا ىلگەرىلەتۋدى قاجەت ەتەدى.

2025 ـ جىلى 11 ـ ايدىڭ 9 ـ كۇنى كەش، گۋاڭدۇڭ وليمپيادا سپورت ورتالىعىندا باس شۋجي شي جينپيڭ 15 ـ كەزەكتى مەملەكەتتىك سپورت جارىسىنىڭ باستالعاندىعىن جاريالادى. «بولاشاق ارماندى ىسكە اسىرۋ» نەگىزگى تاقىرىبىنداعى مادەنيەت ـ دەنە تاربيە كورمەلىك قويىلىمىندا ويانعان 100 ارىستاننىڭ VR تەحنولوگياسىمەن ۇشتاسىپ جۇرتتى تاڭ قالدىرا الاڭعا شىعۋىمەن، مەملەكەت سۇيىسپەنشىلىگى سالاۋاتىن شىنايى مويىنداۋ، ۇلتتى گۇلدەندىرۋ سۇيىسپەنشىلىگىن شىنايى مويىنداۋ ءجۇز ميلليونداعان جۇڭحۋا پەرزەنتتەرىنىڭ جۇرەگىندە تۋلادى.

ءدال ”ويانعان ارىستانداي“، جۇڭحۋا ۇلتى سەنىمدى تۇردە جۇڭگو ۇلگىسىندەگى وسىزامانداندىرۋدىڭ داڭعىل جولىندا قايراتتانا العا ىلگەرىلەۋدە.

ارمان قۋۋ ساپارى ۇرپاقتان ـ ۇرپاققا جالعاسادى.

”اسا وزگەشە ءارى ايرىقشا“ ”14 ـ بەسجىلدىقتى“ اياقتاتىپ، ”نەگىزدى بەكەمدەپ، جاپپاي كۇش سالاتىن“ ”15 ـ بەسجىلدىقتى“ قارسى الىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭحۋا ۇلتىنىڭ ۇلى گۇلدەنۋىنىڭ شۇعىلالى جاعاسىنا ەرلىكپەن العا تارتۋعا ءبىزدىڭ سەنىمىمىز كامىل، جىگەرىمىز مىعىم، كۇشىمىز قاپتال جەتەدى.

(شينحۋا اگەنتتىگىنىڭ 1 ـ ايدىڭ 1 ـ كۇنى بەيجيڭنەن بەرگەن حابارى)