شي جينپيڭ ا ق ش جاستار - ورەندەر تاربيەسى اۋىس - كۇيىس ۇيىرمەسىنەن جۇڭگوعا ساپارلاي كەلگەن وقىتۋشى - وقۋشىلارعا جاۋاپ حات قايتاردى

شينحۋا اگەنتتىگى، 1 - ايدىڭ 11 - كۇنى، بەيجيڭ. 1 - ايدىڭ 7 - كۇنى مەملەكەت ءتوراعاسى شي جينپيڭ ا ق ش - نىڭ فلوريدا شتاتى مايامي گاۋھار جول باستاۋ شۋەيۋانىنان، فلوريدا داشۋەسىنەن، مايامي دايد شۋەيۋانىنان ۇيىمداسقان جاستار - ورەندەر تاربيەسى اۋىس - كۇيىس ۇيىرمەسىنەن جۇڭگوعا ساپارلاي كەلگەن وقىتۋشى - وقۋشىلارعا جاۋاپ حات جازدى.

شي جينپيڭ مىنالارى ءبىلدىردى: اۋىس - كۇيىس ۇيىرمەسىندەگى وقىتۋشى - وقۋشىلاردىڭ جۇڭگودا ءبىر مەزەت كوڭىلدى ءارى مول تابىستى ساپاردا بولعانىن ءبىلىپ قاتتى قۋاندىم، سىزدەردىڭ جۇڭحۋا مادەنيەتىنە دەگەن كۇشتى اۋەستەرىڭىز بەن شىنايى سۇيىسپەنشىلىكتەرىڭىزدى سەزىندىم.

شي جينپيڭ مىنالاردى اتاپ كورسەتتى: جۇڭگو - ا ق ش قارىم - قاتىناسىنىڭ ءۇمىتى حالىقتا، بولاشاعى جاستاردا. ”5 جىلدا ا ق ش جاستارى مەن ورەندەرىنەن 50 مىڭ ادامدى جۇڭگوعا كەلىپ اۋىس - كۇيىس جاساۋعا، ۇيرەنۋگە ۇسىنىس ەتۋ“ باستاماسى باستالعاننان بەرى، ا ق ش جاستارى مەن ورەندەرىنەن 40 مىڭنان استام ادام بەلسەنە ات سالىسىپ، ولاردىڭ شىنايى جۇڭگونى تانۋىنا تەرەزە اشىلىپ، ەكى ەل حالقىنىڭ دوستىعىن جالعاستىرۋعا كوپىر سالىندى. بۇل دوستىق اۋىس - كۇيىس، سەلبەستىك ورىستەتۋ جۇڭگو، ا ق ش حالىقتارىنىڭ تىلەگى ەكەندىگىن تولىق تۇسىندىرەدى. ءتىپتى دە كوپ ا ق ش جاستارى مەن ورەندەرىنىڭ جۇڭگو مەن ا ق ش - نىڭ دوستىق ىستەرىنە ات سالىسىپ، ەكى ەل دوستىعىنىڭ جاڭا ۇرپاق ەلشىسى بولىپ، جۇڭگو مەن ا ق ش - نىڭ گۋمانيتارلىق بارىس - كەلىسىن كۇشەيتۋگە جانە ەكى جاقتى قارىم - قاتىناستىڭ دامۋىن ىلگەرىلەتۋگە اناعۇرلىم زور ۇلەس قوسۋىن ءۇمىت ەتەمىن.

تاياۋدا ا ق ش جاستار - ورەندەر تاربيەسى اۋىس - كۇيىس ۇيىرمەسىنەن جۇڭگوعا ساپارلاي كەلگەن وقىتۋشى - وقۋشىلار ءتوراعا شي جينپيڭگە حات جولداپ، 2025 - جىلى 10 - ايدا جۇڭگوعا ساپارلاي كەلگەن كەشىرمەلەرىن ەسكە الىپ، ءتوراعا شي جينپيڭ العا قويعان ”5 جىلدا 50 مىڭ ادامدى ۇسىنىس ەتۋ“ باستاماسىنىڭ ەكى ەل جاستارى مەن ورەندەرىنىڭ ءوزارا ءتۇسىنىسۋىن كۇشەيتۋگە قاستەرلى وراي ازىرلەگەنىنە العىس ايتقان بولاتىن.