پارتيانى جاپپاي قاتاڭ جونگە سالۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتىپ، ”15 - بەسجىلدىق“ مەزگىلىندەگى نىسانا - مىندەتتەردى جۇزەگە اسىرۋعا پارمەندى كەپىلدىك ازىرلەۋ كەرەك

1 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 1 - ايدىڭ 12 - كۇنى، بەيجيڭ (ءتىلشى شۇي جۇن). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 12 - كۇنى تۇستەن بۇرىن جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماڭىزدى ءسوز سويلەدى. ول مىنالاردى باسا دارىپتەدى: پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ جونگە سالۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن اناعۇرلىم باتىل، پارمەندى دايەكتىلەندىرىپ، تياناقتاندىرىپ، ۇقىقتى اناعۇرلىم عىلمي، ءونىمدى تۇردە ءتۇزىم شەڭبەرىنە كىرگىزىپ، شىرىكتەسۋگە قارسى تۇرۋ كۇرەسىن اناعۇرلىم سەرگەك، باتىل ىلگەرىلەتىپ، ”15 - بەسجىلدىق“ مەزگىلىندەگى نىسانا - مىندەتتەردى جۇزەگە اسىرۋعا پارمەندى كەپىلدىك ازىرلەۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ءماجىلىستى باسقاردى.

شي جينپيڭ مىنالاردى اتاپ كورسەتتى: 2025 - جىلى پارتيا ورتالىق كوميتەتى پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، كورنەكتى ونىمدىلىككە قول جەتكىزدى. ساياسي باقىلاۋدى كۇشەيتىپ، ساياسي شارلاۋدى تەرەڭدەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ دايەكتىلەنۋىن، تياناقتانۋىن پارمەندى قامتاماسىز ەتۋ؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسىن تىڭعىلىقتى ورىستەتىپ، بۇكىل پارتيانىڭ ستيلدى ونان ارى جاقسارتىپ، جاڭا ستيل ورناتۋىن ىلگەرىلەتۋ؛ شىرىكتەسۋگە قارسى تۇرۋدىڭ تەگەۋرىندى كۇيىن ساقتاپ، شىرىكتەسۋدى بىرگە تەكسەرۋدى، بىرگە جونگە سالۋدى ىلگەرىلەتىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن ىشكەرىلەي جونگە سالىپ، شىرىكتەسۋ ءوسىپ - ءوربيتىن ورتا مەن شارت - جاعدايدى كۇش سالا جويۋ كەرەك.

شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ _ پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدىڭ ءتۇبىرلى تالابى، سونداي - اق پارتيا مەن حالىق ىستەرىنىڭ ۇزدىكسىز دامىپ، العا باسۋىنىڭ ماڭىزدى تاريحي تاجىريبەسى. ”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەۋدىڭ، جاپپاي كۇش سالۋدىڭ شەشۋشى مەزگىلى، ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ساياسي جاۋاپكەرشىلىك سەزىمدى، تاريحي بورىشتىلىق سەزىمدى كۇشەيتىپ، ءىس جۇزىندىك ارەكەتتەرى ارقىلى پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ شەشىمدەرى مەن ورنالاستىرۋلارىن ويداعىداي دايەكتىلەندىرىپ، تياناقتاندىرۋى كەرەك. جاڭا دامۋ ۇستانىمىن دايەكتىلەندىرۋدى، جوعارى ساپالى دامۋدى ىلگەرىلەتۋدى، جاڭا دامۋ جاعدايىن جەدەل قالىپتاستىرۋدى تىعىز ارقاۋ ەتىپ، نازاردى وسىزاماندانعان كاسىپ سالاسى جۇيەسىن قۇرۋ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ، بۇكىل ەل بويىنشا بىرلىككە كەلگەن ءىرى بازار قۇرۋ، جوعارى دەڭگەيدەگى سىرتقا ەسىك اشۋدى كەڭەيتۋ، جالپى حالىقتىڭ بىرگە اۋقاتتانۋىن تىڭعىلىقتى ىلگەرىلەتۋ، قايتا كەدەيلەسۋدەن، كەدەيلەسۋدەن ساقتانۋدى ۇدايىلاندىرۋ، جەرگىلىكتى ۇكىمەتتەردىڭ كومەسكى قارىزىن شەشۋ، ەكولوگيالىق ورتانى قورعاۋدى كۇشەيتۋ، دامۋ مەن حاۋىپسىزدىكتى ءبىر تۇتاس جوسپارلاۋ سياقتى مىندەتتەر مەن تالاپتارعا شوعىرلاندىرىپ، ناقتىلانعان، دالمە - ءدال، ۇدايىلانعان باقىلاۋ - تەكسەرۋدى كۇشەيتىپ، شارلاۋ جەتىستىكتەرىنەن ويداعىداي پايدالانىپ، رەتتەۋ - تۇزەتۋدى، باقىلاۋدى كۇشەيتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ ناقتى تياناقتانۋىن قامتاماسىز ەتۋ كەرەك. جەر - جەر، تاراۋلار ءىس جۇزىندىك جاعدايمەن ۇشتاستىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ءونىمدى ءادىسى مەن جولىن مۇقيات قاراستىرۋى كەرەك. بيىل جەرگىلىكتى ورىندار كەزەك اۋىستىرۋدى باستايدى، شىنايى ادال، سەنىمدى، ءىشى مەن سىرتى بىردەي، جاۋاپكەرشىلىك ارقالاپ، جاۋاپكەرشىلىكتى ادا ەتەتىن جاقسى كادرلاردى ىستەتۋ كەرەك.

شي جينپيڭ مىنالاردى اتاپ كورسەتتى: پارتيانىڭ وزىندىك توڭكەرىسىنىڭ ماڭىزى جونگە سالۋ ۇقىعىندا، ۇقىقتى ءتۇزىم شەڭبەرىنە كىرگىزۋ _ جاڭا داۋىردە پارتيانى جاپپاي قاتاڭ جونگە سالۋدىڭ ماڭىزدى مىندەتى. پارتيا 18 - قۇرىلتايىنان كەيىن پارتيا ورتالىق كوميتەتى ورتالىقتىڭ سەگىز ءتۇرلى بەلگىلەمەسىن جاساۋ، اتقارۋ ارقىلى ماسەلەنى شەشىپ، تەمىردەي قاعيدا ورناتىپ، قاتاڭ تەجەمدى كۇشەيتىپ، پارتيا ستيلىنىڭ، ۇكىمەت ستيلىنىڭ شىت جاڭا تۇسكە ەنۋىن ىلگەرىلەتتى. ۇقىقتى ءتۇزىم شەڭبەرىنە كىرگىزۋدە ءارى ءتۇزىم - بەلگىلەمەلەردى ۇزدىكسىز كەمەلدەندىرىپ، ءتۇزىمنىڭ تىعىز، ءبىراق كۇردەلى بولماۋىنا، ءونىمدى بولۋىنا مۇمكىندىك جاساۋ، ءارى ءتۇزىمدى اتقارۋ قۋاتىن كۇش سالا جوعارىلاتىپ، بۇلجىماس تەجەمدى كۇشەيتۋ كەرەك. زاڭ - ەرەجە، ءتۇزىم الدىندا بارلىق ادامنىڭ تەرەزەسى تەڭ بولۋعا، زاڭ - ەرەجەگە، تۇزىمگە بويسۇنۋدا ەرەكشە ۇقىق بولماۋعا، زاڭ - ەرەجەنى، ءتۇزىمدى اتقارۋدا قاعىس قالدىرماۋعا تاباندى بولىپ، ءتۇزىم، بەلگىلەمەلەردىڭ شىن مانىندە زاريادتالعان جوعارى كەرنەۋلى ەلەكتر سىمىنا اينالۋىنا كەپىلدىك ەتۋ كەرەك. ”ءبىرىنشى قول“ ءتۇزىمدى باستاماشىلدىقپەن اتقارۋى كەرەك. زاڭ - ەرەجە، ءتۇزىم جونىندەگى ۇگىت تاربيەنى كۇشەيتىپ، پارتيا مۇشەلەرىن، كادرلاردى زاڭ - ءتارتىپتى تۇسىنۋگە، قاعيدانى تۇسىنۋگە، يمەنۋدى بىلۋگە جەتەكتەۋ كەرەك. پارتيا ىستەرىنىڭ، ۇكىمەت ىستەرىنىڭ جاريالىلىعىن ونان ارى جوعارىلاتىپ، ۇقىقتىڭ جاريا جۇرگىزىلۋىنە مۇمكىندىك جاساۋ كەرەك.

شي جينپيڭ مىنالاردى باسا دارىپتەدى: شىرىكتەسۋ − پارتيا مەن مەملەكەت ىستەرىنىڭ دامۋ اياق الىسىنداعى بوگەت، ورالعى، شىرىكتەسۋگە قارسى تۇرۋ − استە جەڭىلۋگە بولمايتىن كەلەلى كۇرەس. پارتيا 18 - قۇرىلتايىنان بەرى پارتيامىز پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، شىرىكتەسۋگە باتىلدىق ەتە المايتىن، شىرىكتەسۋگە مۇمكىندىك بەرمەيتىن، شىرىكتەسۋدى ويىنا المايتىن جۇڭگوشا شىرىكتەسۋگە قارسى تۇرۋ جولىمەن ءساتتى ءجۇردى، تاباندىلىقپەن جۇرە بەرۋ كەرەك. قازىر شىرىكتەسۋگە قارسى تۇرۋ كۇرەسىنىڭ جاعدايى ءالى قاتاڭ دا كۇردەلى، شىرىكتەسۋدىڭ ءوسىپ - ءوربيتىن ورتاسى مەن شارت - جاعدايىن جويۋ مىندەتى ءالى جاپالى دا اۋىر. تەگەۋرىندى كۇيدەن اۋىتقىماي، شىرىكتەسۋگە قارسى تۇرىپ، شىرىكتەسۋدى جويىپ، سۇرقيالىقتى الاستاپ، شىرىكتەسۋشىلەرگە تاسالاناتىن ورىن قالدىرماۋ كەرەك. شىرىكتەسۋدىڭ جاڭا اۋقىمىن، جاڭا ەرەكشەلىگىن يگەرىپ، تاسىلدە، ادىستە جاڭالىق اشىپ، شىرىكتەسۋگە قارسى تۇرۋ جاۋاپكەرشىلىگىن تياناقتاندىرۋ مەحانيزمىن كەمەلدەندىرىپ، ءتۇرلى شىرىكتەسۋ ماسەلەلەرىن دەر كەزىندە بايقاپ، دۇرىس پارىقتاپ، ءونىمدى جونگە سالىپ، شىرىكتەسۋگە قارسى تۇرۋدىڭ وتىمدىلىگىن ۇزدىكسىز جوعارىلاتۋ كەرەك. ءبىر تۇلعالاندىرىپ ىلگەرىلەتۋگە اناعۇرلىم زور كۇش سالىپ، جۇيەلى كوزقاراستى كۇشەيتىپ، ىقپالداستىقتى، سايكەسۋدى كۇشەيتىپ، ءار جاقتىڭ باقىلاۋىن ساباقتاستىرىپ، تۇتاس تىزبەكتى سەلبەستىك ارقىلى ءبىر تۇلعالاندىرىپ جونگە سالۋدى جەبەۋ كەرەك.

شي جينپيڭ مىنالاردى اتاپ كورسەتتى: ءتارتىپ تەكسەرۋ، باقىلاۋ - تەكسەرۋ ورگاندارىنىڭ پارتيانىڭ وزىندىك توڭكەرىسىن ىلگەرىلەتۋدە، پارتيانى جاپپاي قاتاڭ جونگە سالۋدا جاۋاپكەرشىلىگى اۋىر، بورىشى داڭقتى، پارتيانىڭ ىنتىماعىن، بىرلىگىن باتىل قورعاۋ، پارتيانىڭ العاباسارلىعى مەن كىرشىكسىزدىگىن باتىل قورعاۋ كەرەك. ءتارتىپ تەكسەرۋ، باقىلاۋ - تەكسەرۋ قىزمەتىن ارناعا ءتۇسىرۋ، زاڭمەن جونگە سالۋ، جۇيەلىلەندىرۋ قۇرىلىسىن ۇزدىكسىز كۇشەيتىپ، باقىلاۋ، ءتارتىپ اتقارۋ، زاڭ اتقارۋ ساپاسىن، ونىمدىلىگىن ۇزدىكسىز جوعارىلاتۋ كەرەك. ساياسيدا ىسىلعان، قابىلەتى كۇشتى، ستيلى قاتاڭ، پاك، كىرشىكسىز بولۋ تالابىنا ساي، ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل ءتارتىپ تەكسەرۋ، باقىلاۋ - تەكسەرۋ قۇرىش قوسىنىن كۇش سالا سومداۋ كەرەك.

لي شي ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى وتكەن ءبىر جىلدا پارتيانى جاپپاي قاتاڭ جونگە سالۋدا قول جەتكەن تابىستاردى تولىق تۇراقتاندىرىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ شەشۋشى كەزەڭىن كوزدە ۇستاپ، پارتيانى جاپپاي قاتاڭ جونگە سالۋدى اناعۇرلىم جوعارى ولشەممەن، اناعۇرلىم ناقتى شارالارمەن ىلگەرىلەتىپ، ”15 - بەسجىلدىق“ مەزگىلىندەگى نىسانا - مىندەتتەردى جۇزەگە اسىرۋعا پارمەندى كەپىلدىك ازىرلەۋ جونىندە ستراتەگيالىق ورنالاستىرۋ جاسادى. ءسوز بيىكتە تۇرىپ الىستى بولجاپ، كوز اياسى كەڭ، يدەياسى تەرەڭ، مازمۇنى باي بولىپ، پارتيانى جاپپاي قاتاڭ جونگە سالۋ مەن شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ءتۇبىرلى تياناق ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ جونگە سالۋ ساياسي جاۋاپكەرشىلىگىن مۇقيات اتقارىپ، ماڭگى جالعاستىراتىن تاباندىلىق جانە تالىقپايتىن رۋح ارقىلى پارتيانىڭ وزىندىك توڭكەرىسىن تاباندىلىقپەن ىشكەرىلەي ىلگەرىلەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، ورتالىق اسكەري ىستەر كوميتەتى ءتوراعاسىنىڭ ورىنباسارلارى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.

ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا وتكىزىلدى، ولكەلەردە، اۆتونوميالى رايونداردا، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىندا، سونداي - اق ارميانىڭ قاتىستى ورىندارىندا بولىمشە ءماجىلىس الاڭى ورنالاستىرىلدى.

جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ءماجىلىسى 1 - ايدىڭ 12 - كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1 - ايدىڭ 12 - كۇنى تۇستەن كەيىن لي شي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «پارتيانى جاپپاي قاتاڭ جونگە سالۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتىپ، ”15 - بەسجىلدىق“ مەزگىلىندەگى نىسانا - مىندەتتەردى جۇزەگە اسىرۋعا پارمەندى كەپىلدىك ازىرلەيىك» دەگەن تاقىرىپتا قىزمەت بايانداماسىن جاسادى.