«ينتەرنەتتىك قىلمىستىق ىستەردەن ساقتانۋ زاڭىنا (پىكىر الىناتىن نۇسقا)» پىكىر الىنا باستادى

ورتالىق تەلەۆيزيا تورابىنىڭ حابارى: ءتىلشىنىڭ 1 – ايدىڭ 31 – كۇنى قوعام حاۋىپسىزدىگى مينيسترلىگىنەن ۇعىسۋىنشا، ينتەرنەتتىك قىلمىستاردى قاينارىنان باستاپ ءونىمدى تەجەۋ، ينتەرنەتتىك قىلمىس ەكولوگيالىق ورتاسىن جونگە سالۋ ءۇشىن، قوعام حاۋىپسىزدىگى مينيسترلىگى «ينتەرنەتتىك قىلمىستاردان ساقتانۋ زاڭىن (پىكىر الىناتىن نۇسقا)» دايىنداعان ءارى قوعامداعىلاردان اشىق پىكىر قابىلدايدى. پىكىر اڭىس ەتۋ ۋاقىتى بيىل 3 – ايدىڭ 2 – كۇنىنە دەيىن. پىكىر الىناتىن نۇسقادا مىنالار اتاپ كورسەتىلگەن: جۇڭحۋا حالىق رەسپۋبليكاسىنىڭ شەكاراسى ىشىندە ينتەرنەتتىك قىلمىستان ساقتانۋ جانە ونى جونگە سالۋ، باقىلاۋ – باسقارۋ بارىسىندا وسى زاڭ قولدانىلادى. شەكارا سىرتىنداعى جۇڭحۋا حالىق رەسپۋبليكاسىنىڭ ازاماتتارى مەن جۇڭحۋا حالىق رەسپۋبليكاسىنىڭ شەكاراسى ىشىندەگى قولدانۋشىلارعا قىزمەت وتەيتىن شەكارا سىرتىنداعى ۇيىمدار، جەكەلەر وسى زاڭداعى بەلگىلەمەگە قايشى ارەكەت وتكىزىپ، جۇڭحۋا حالىق رەسپۋبليكاسىنىڭ مەملەكەت حاۋىپسىزدىگىنە، الەۋمەتتىك مۇددەسىنە نەمەسە ازاماتتارى مەن ۇيىمدارىنىڭ زاڭدى ۇقىق – مۇددەسىنە زيان جەتكىزسە، زاڭدىق جاۋاپكەرشىلىگى زاڭ بويىنشا قۋزاستىرىلادى.

كەلۋ قاينارى: حالىق تورابى