ورتالىقتىڭ 1 - ءنومىرلى قۇجاتى 丨 كوتەرمەگە العان جەردىڭ تيجارات ۇقىعىن اينالىمعا سالۋ جونىندە ورتالىقتىڭ 1 – ءنومىرلى قۇجاتىندا ”ارناعا ءتۇسىرۋ“ باسا دارىپتەلدى

شينحۋا اگەنتتىگىنىڭ 2 – ايدىڭ 3 – كۇنى بەيجيڭنەن بەرگەن حابارى. 2 – ايدىڭ 3 – كۇنى سىرتقا جاريالانعان 2026 – جىلعى ورتالىقتىڭ 1 - ءنومىرلى قۇجاتىندا كوتەرمەگە العان جەردىڭ تيجارات ۇقىعىن اينالىمعا سالۋدى ”ارناعا ءتۇسىرۋ“ كورنەكتى دارىپتەلدى، كوتەرمەگە العان جەردىڭ تيجارات ۇقىعىن اينالىمعا سالۋدى ارناعا ءتۇسىرىپ، جەردى ۇزاق ۋاقىت كەڭ كولەمدە اينالىمعا سالۋ حاۋىپ – قاتەرىن باقىلاپ – ولشەۋ، ساقتاندىرۋدى كۇشەيتۋ ايقىن ورتاعا قويىلدى.

”جەر تيجارات ۇقىعىن اينالىمعا سالۋ — قالىڭ شارۋالار بۇقاراسىنىڭ ءتول مۇددەسى، استىق حاۋىپسىزدىگى، قوعام ورنىقتىلىعى جانە دامۋ قاتارلىلارعا سايادى، ءسوز جوق، جۇيەلى، ءتارتىپتى بولۋ كەرەك.“ ورتالىق قازىنا ـ ەكونوميكا داشۋەسى جىلجىمايتىن مۇلىك جانە جاراتىلىستىق بايلىق زاڭىن زەرتتەۋ ورتالىعىنىڭ مەڭگەرۋشىسى سۇڭ جىحۇڭ بىلاي دەدى: جەر تيجارات ۇقىعىن زاڭ بويىنشا ءتارتىپتى اينالىمعا سالۋدى قامتاماسىزداندىرۋ ءۇشىن، اۋىل ـ قىستاق جەرىن كوتەرمەگە الۋ زاڭىندا جەر تيجارات ۇقىعىن اينالىمعا سالۋدىڭ پرينسيبى، ءتاسىلى، مەرزىم شەگى، ءتارتىبى، باسقارۋ قاتارلىلار جونىندە ايقىن تالاپتار قويىلدى.

مىسالى، جەر تيجارات ۇقىعىن اينالىمعا سالۋدا، ءسوز جوق، زاڭ بويىنشا بولۋ، ءوز رازىلىعىمەن بولۋ، اقىلى بولۋ كەرەك، جەردىڭ مەنشىك ۇقىعىنىڭ سيپاتى مەن جەردىڭ اۋىل شارۋاشىلىعىنا پايدالانىلۋ ورنىن وزگەرتۋگە، اۋىل شارۋاشىلىعىنىڭ جالپىلىق ءوندىرىس قۋاتى مەن اۋىل شارۋاشىلىعىنىڭ ەكولوگيالىق ورتاسىن بۇلدىرۋگە بولمايدى، وتكەرمەلەپ الۋشى جاقتىڭ اۋىل شارۋاشىلىق تيجارات قابىلەتى نەمەسە تولىمدىلىعى بولۋى، ۇقساس شارت – جاعدايدا ءوز كوللەكتيۆ شارۋاشىلىق ۇيىمىنىڭ مۇشەلەرى الدىمەن يگىلىكتەنۋ ۇقىعى بولۋى كەرەك.

سۇڭ جىحۇڭ بىلاي دەپ تانىستىردى: بۇرىنعى اينالىم امالياتىنان قاراعاندا، جەر تيجارات ۇقىعىن اينالىمعا سالۋ بارىسىندا اينالىم ارەكەتى ولشەمسىز بولۋ، وتكەرمەلەپ الۋشى جاق جەردىڭ اۋىل شارۋاشىلىعىنا پايدالانۋ ورنىن وزگەرتۋ نەمەسە اينالىم اقىسىن كەشەۋىلدەتۋ قاتارلى ماسەلەلەر وڭاي تۋىلادى. اۋىل - قىستاق جەرىن كوتەرمەگە الۋ زاڭىندا اۋدان دارەجەلىدەن جوعارى جەرگىلىكتى حالىق ۇكىمەتتەرىنەن ونەركاسىپ - ساۋدا كاسىپورىندارى قاتارلى قوعامدىق كاپيتالدىڭ اينالىمعا سالۋ ارقىلى جەر تيجارات ۇقىعىنا يە بولۋ تولىمدىلىعىن تەكسەرۋ، نىسانداردى تەكسەرۋ جانە حاۋىپ - قاتەردەن ساقتانۋ ءتۇزىمىن ورناتۋ تالاپ ەتىلدى. قۇجاتتا مىنالار العا قويىلدى: جەردى ۇزاق ۋاقىت كەڭ كولەمدە اينالىمعا سالۋ حاۋىپ ـ قاتەرىن باقىلاۋ ـ تەكسەرۋدى، ساقتاندىرۋدى كۇشەيتۋ — جوعارىداعى حاۋىپ ـ قاتەردەن ساقتانۋدىڭ ماڭىزدى شاراسى.

كەلۋ قاينارى: حالىق تورابى