بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.02.04 16:31 كەلۋ قاينارى : حالىق تورابى
شينحۋا اگەنتتىگىنىڭ 2 ـ ايدىڭ 3 ـ كۇنى بەيجيڭنەن بەرگەن حابارى. 2 – ايدىڭ 3 – كۇنى سىرتقا جاريالانعان 2026 ـ جىلعى ورتالىقتىڭ 1 - ءنومىرلى قۇجاتىندا مىنالار العا قويىلدى: اۋىل ـ قىستاقتاعى قالىڭمالدى ەرەكشە كوپ الۋدى ۇزدىكسىز جونگە سالىپ، ولكەلەر ارا كورشىلەس وڭىرلەر ىقپالداسا جونگە سالۋدى كۇشەيتۋ كەرەك. دۇرىس ۇيلەنۋ - ماحاببات كوزقاراسىن، تۋىت كوزقاراسىن، وتباسى كوزقاراسىن ورناتۋعا جەتەكشىلىك ەتىپ، قاراپايىم دا وركەنيەتتى ۇيلەنۋ سالتى مادەنيەتىن جەتىلدىرۋ كەرەك.
ۇعىسۋعا قاراعاندا، اۋىل ـ قىستاقتاعى كەيبىر رايونداردا قالىڭمالدىڭ ەرەكشە كوپ بولۋى — شارۋالار بۇقاراسىنا اۋىرتپالىق تۋدىرىپ، جەرگىلىكتى ورىنداردىڭ جونگە سالۋىنا قيىندىق تۋدىرعان. سوڭعى جىلداردان بەرى ورتالىقتىڭ 1- ءنومىرلى قۇجاتى وركەنيەتتى اۋىل سالتى ماسەلەسىنە ۇزدىكسىز نازار اۋدارىپ، كوپ رەت قالىڭمالدىڭ كوپ بولۋ ماسەلەسىن شەشۋ شارالارىن ورنالاستىردى.
اۋىل شارۋاشىلىعى جانە اۋىل ـ قىستاق مينيسترلىگى اۋىل ـ قىستاق ەكونوميكاسىن زەرتتەۋ ورتالىعى اۋىل ـ قىستاقتى جونگە سالۋ جانە قوعامدىق مادەنيەتتى زەرتتەۋ كەڭسەسىنىڭ تەتە اعا زەرتتەۋشىسى پاڭ جيڭبو بىلاي دەدى: اۋىل ـ قىستاقتاعى قالىڭمالدىڭ كوپ بولۋىن جونگە سالۋ — ءمانى جاعىنان العاندا، اۋىل سالت ـ ساناسىنداعى ناشار ادەتتەردى وزگەرتىپ، اۋىل ـ قىستاق مادەنيەتىن جونگە سالۋدى ىلگەرىلەتىپ، پارتيا مەن مەملەكەتتىڭ وركەنيەتتى ۇيلەنۋ سالتىن جەتىلدىرۋگە، تاماشا وتباسى سالتىن جەتىلدىرۋگە ءمان بەرگەندىگىن ايگىلەيدى. 2025 - جىلدان بەرى، اۋىل - قىستاقتاعى قالىڭمالدىڭ كوپ بولۋىنداعى كورنەكتى ماسەلەلەرگە باعىتتاي وتىرىپ، ەلىمىز ۇگىتتەۋ، جەتەكتەۋ، ۇيلەنۋ سالتى رەفورماسى، ۇيلەنۋگە قىزمەت وتەۋ، ماقساتتى تۇردە جالعان ۇيلەنۋ، ۇيلەنۋدى سىلتاۋراتىپ الدامشىلىق ىستەۋ قاتارلى جاقتاردا جان - جاقتى كۇش سالىپ، ءىشىنارا رايوندارداعى قالىڭمالدىڭ كوپ بولۋ جاعدايىن ءونىمدى تەجەدى.
”بيىلعى ورتالىقتىڭ 1 - ءنومىرلى قۇجاتىندا اۋىل ـ قىستاقتاعى قالىڭمالدىڭ كوپ بولۋىن ’ۇزدىكسىز جونگە سالۋ‘ باسا دارىپتەلىپ، ولكەلەر ارا كورشىلەس وڭىرلەر ىقپالداسا جونگە سالۋ العا قويىلدى، بۇل جونگە سالۋ ونىمدىلىگىن جوعارىلاتۋعا ءتيىمدى“ دەدى پاڭ جيڭبو.
پاڭ جيڭبو مىنانى ۇسىنىس ەتتى: اۋىل - قىستاقتاعى توي – تومالاققا الەۋمەتتىك قىزمەت وتەۋدى كۇشەيتىپ، قالىڭمال الۋ ارەكەتىن زاڭ بويىنشا ارناعا ءتۇسىرىپ، ۇگىت - تاربيەنى، جەتەكتەۋدى كۇشەيتۋ كەرەك؛ زاڭ - ەرەجە بويىنشا ”قالىڭمالدى از الۋ“ مەن ”قالىڭمال الماۋعا“ شابىتتاندىرۋ شارالارىن شىعارىپ، وتباسىلارىنا ەسكى سالت - سانانى وزگەرتۋدىڭ ناقتى پايداسىن شىنايى سەزىندىرۋ كەرەك؛ ۇستىنەن وڭاۋ مەن تۇبىرىنەن وڭاۋدىڭ باياندى مەحانيزمىن ورناتۋ جونىندە ىزدەنىس جاساپ، اۋىل ـ قىستاق قۇرىلىسى ارەكەتىن تىڭعىلىقتى ىلگەرىلەتىپ، اۋىل ـ قىستاقتىڭ قونىستانۋعا، كاسىپكە قولايلى بولۋ دەڭگەيىن جوعارىلاتىپ، اۋىل ـ قىستاق جاستارىنىڭ ءوندىرىس، تۇرمىس جاعىنداعى ۋايىمىن اناعۇرلىم ويداعىداي شەشۋ كەرەك.
كەلۋ قاينارى: حالىق تورابى
