شي جينپيڭ ۆيەتنام كوممۋنيستىك پارتياسى ورتالىق كوميتەتى باس شۋجيىنىڭ ەرەكشە ەلشىسى لي حۋايجۇڭمەن كەزدەستى

2 - ايدىڭ 4 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ ليننىڭ ەرەكشە ەلشىسى رەتىندە ارنايى ساپارلاي كەلگەن ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى لي حۋايجۇڭمەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگى، 2 - ايدىڭ 4 - كۇنى، بەيجيڭ (ءتىلشى فىڭ ران). 2 - ايدىڭ 4 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ ليننىڭ ەرەكشە ەلشىسى رەتىندە ارنايى ساپارلاي كەلگەن ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى لي حۋايجۇڭمەن كەزدەستى.

شي جينپيڭ مىنالاردى اتاپ كورسەتتى: جۇڭگو مەن ۆيەتنام پارتيالارى ءبىر - ءبىرىنىڭ كەلەلى ساياسي كۇن تارتىپتەرىن ءوزارا حابارلاندىرۋداي تاڭداۋلى داستۇرگە تاباندى بولىپ، جۇڭگو مەن ۆيەتنامنىڭ ”جولداس ۇستىنە باۋىرلاستىق“ سىندى ەرەكشە دوستىق سۇيىسپەنشىلىگى مەن وسكەلەڭ ساياسي سەنىمدىلىگىن ايگىلەدى. تاياۋدا مەن باس شۋجي سۋ لينمەن تەلەفوندا سويلەسىپ، ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسى قۇرىلىسىن اناعۇرلىم ىلگەرىلەتۋ جونىندە ىشكەرىلەي پىكىر اۋىستىرىپ، ماڭىزدى ورتاق تانىمعا كەلدىك. سۋ لين جولداس باستاعان ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ۆيەتنامنىڭ پارتياسى، مەملەكەتى، حالقى، ءسوز جوق، ۆيەتنام كوممۋنيستىك پارتياسىنىڭ 14 - قۇرىلتايىندا بەلگىلەنگەن ءتۇرلى نىسانا - مىندەتتەردى جەڭىسپەن ورىنداي الاتىندىعىنا سەنەمىن.

شي جينپيڭ مىنالاردى باسا دارىپتەدى: جۇڭگو مەن ۆيەتنام سوتسياليستىك قۇرىلىستىڭ ءتۇرلى ىستەرىنىڭ قارىشتاپ دامۋىن ىلگەرىلەتىپ، دۇنيە جۇزىنە سوتسياليستىك ءتۇزىمنىڭ تىرشىلىك تىنىسى مەن ومىرشەڭدىك كۇشىن ايگىلەدى. جۇڭگو جاق جۇڭگو - ۆيەتنام قارىم - قاتىناسىن دامىتۋعا باستان - اياق ايرىقشا ءمان بەرىپ كەلەدى، ۆيەتنام جاقپەن بىرگە سوتسياليزمنىڭ بولاشاعى مەن تاعدىرىن مىقتاپ يگەرىپ، ”16 ارىپتىك“ باعىت پەن ”تورتتە جاقسى بولۋ“ رۋحتى ۇستانىپ، ”التى اناعۇرلىم“ جالپى تۇلعالىق نىساناسى بويىنشا، جوعارى جىكتەگىلەردىڭ ورتاق تانىمىن ويداعىداي تياناقتاندىرىپ، ءداستۇرلى دوستىقتى ۇزدىكسىز ساۋلەلەندىرىپ، ءار جىكتەگىلەردىڭ بارىس - كەلىسى مەن ءار سالاداعى سەلبەستىگىن تەرەڭدەتىپ، الاۋىزدىقتاردى ۇيلەسىمدى مەڭگەرىپ، جۇڭگو مەن ۆيەتنامنىڭ تاعدىرلاس ورتاق تۇلعاسى قۇرىلىسىنىڭ ارشىندى قاداممەن العا باسۋىن ىلگەرىلەتۋدى قالايدى.

لي حۋايجۇڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ ليننىڭ باس شۋجي شي جينپيڭگە جولداعان جاۋاپ حاتىن تاپسىردى ءارى اۋىزشا حاتىن جەتكىزدى، باس شۋجي شي جينپيڭنىڭ ۋاقىت شىعارىپ كەزدەسكەنىنە العىس ايتىپ، مىنانى ءبىلدىردى: ۆيەتنام كوممۋنيستىك پارتياسىنىڭ 14 - قۇرىلتايى ۆيەتنامنىڭ ۇلت دامۋىنىڭ جاڭا عاسىرىن اشتى، ۆيەتنام جاق جۇڭگومەن قارىم - قاتىناسىن بەكەمدەۋدى جانە دامىتۋدى باستان - اياق سىرتقى ساياساتتاعى ماڭداي الدى ورىنعا قويىپ، جۇڭگومەن جاڭا دامۋ ساپارىندا قول ۇستاسا العا باسىپ، ەكى پارتيانىڭ، ەكى ەلدىڭ باسشىلارى كەلىسكەن ماڭىزدى ورتاق تانىمدى جەتەكشى ەتىپ، ساياسي نەگىزدى، زاتتىق نەگىزدى جانە حالىق رايى نەگىزىن ونان ارى بەكەمدەپ، ۆيەتنام - جۇڭگو قارىم - قاتىناسىنىڭ تىڭ دەڭگەيگە كوتەرىلۋىن ىلگەرىلەتىپ، ەكى ەل حالقىنا ءتىپتى دە كوپ باقىت جاراتۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى